Iengelmunstr

Iengelmunstr (officieel Nederlands: Ingelmunster) is e gemêente in West-Vloandern. Z'is ôok gekend als de "briganksprochie". In Iengelmunstr weun der e grôte 10 000 minsn.

Er is in Iengelmunstr ôok nen brouwer met de noame Van Honsebrouck die ounder andere Kastêelbier en Brigand makt.

Der is een statie in Iengelmunstr.

Vanwoa komt de noame ?

Sanderus beweirt in 1641 in zyn Flandria Illustrata dat Iengelmunstr komt van Anglo Monasterium, wat latyns is voor Engels klôoster. Da klôoster was geleegn ip den hoek van de Bruggestroate en de Gravinnestroate. 'n Andre meuglikeid, die mêer anangers èt, zegt da 't komt van Angle Monastère, dus klôoster up den oek. In 1075 bouwde groaf van Vloandern Ro­brecht de Fries een ver­sterkt kastêel up de ruïnn van 'n klôoster dat in 640 be­weund wos deur Iengelse poaters.

Geschiedenisse

Iengelmunstr lag (en ligt) in 't centrum van de provinsje West-Vloandren. Ze noemn et daordeure de sleutle van Vloandren.

In 1297 eit den Franschn keunienk Filips de Schwon en ende up et kasteel gelogeerd.

En in 1580 wos der den Slag by Iengelmunstr. In da gevicht by de Mandel vochtn de legers van de Staten-Generaal teegn den keunienk van Spanje. De Staten troepn ein doar verloorn, en de Spanjoarn ein toun Iengelmunster (en et kasteel) verwoest. Da gevicht es ofgebeeld up e wandtapyt uut 1878.

Bekende Iengelmunsterneirs

• Jean-Pierre Coopman (1942), bokser
• Emiel Lauwers (1858-1921), arts, vertoaler en Vlamsche Beweger
• Jozef Verhaeghe (1919-1940), militair
• Betty Owczarek (1976), fenomeen, zangeresse (en mediafiguur), z'is bekend gekomn van Big Brother
• Leif Hoste (1977), Belgisch coureur
• Nico Mattan (17 juli 1971), Belgisch ex-coureur, is uutgeweekn no Winkle-Sint-Elôois

Ofbeeldiengn

• 
  De sint-Amanduskirke ip platse en nevenst 't kastêel
• 
  't Kastêel van Ingelmunstr

Gemêente Iengelmunstr
Liggeinge binn 't arroundissement Roeseloare in de provinsie West-Vloandern
Geografie
Gewest	Vloandern
Provincie	West-Vloandern
Arroundissement	Roeseloare
Liggienge	50°55' NB 03°15' OL
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	16,16 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	10.617 (01/01/2006) 49,58% 50,42% 657 inw./km²
Leeftydsipbouw 0–17 joar 18–64 joar 65 joar en ouder	(01/01/2004) 20,21% 60,89% 18,90%
Buutnlanders	1,07% (01/07/2005)
Weirklôoseidsgroad	5,87% (01/01/2006)
Polletiek
Burgemêester	Jean-Pierre De Clercq
Coaliesje	CD&V
Zetels CD&V De Bruh sp.a Open VLD	21 14 4 2 1
Dêelgemêentn me postcode
Postcode	Dêelgemêente
8770	Iengelmunstr
And're info
Zonenummer	051
Poliesjezone	{{{polz}}}
Webadres	www.ingelmunster.be

Mêer ofbeeldiengn die ier by passn ku je vien ip Iengelmunstr ip Wikimedia Commons.