Poder executiu

Segon la doctrina de la separacion dels poders, lo poder executiu es la branca del govèrn que s'encarga d'aplicar o executar la lei, e de trabalhar a resòlvre los afars corrents de l'Estat. La figura primièra de facto de l'executiu es lo seu cap de govèrn. L'executiu es nomenat "l'administracion" en los sistèmas presidencials o "lo govèrn" en los sistèmas parlamentaris. Lo cap de govèrn dels sistèmas presidencials (nomenat "president") ten mai independéncia de la branca legislativa, doncas que, a la diferéncia dels sistèmas parlamentaris, es pas elegit pel parlament, pel partit o una coalicion majoritària, mas qu'es elegit pel pòble per sufragi. De mai, lo president es doncas lo cap d'Estat.

En las monarquias constitucionalas, lo monarca, qu'es lo cap d'Estat, es lo cap del poder executiu de jure, e lo primièr ministre (o president del govèrn) es lo cap del govèrn del monarca. En la practica lo cap d'Estat a un poder fòrça limitat, e designa coma primièr ministre lo que la populacion elegiguèt amb lo sufragi, e mai se las decisions se realizan al nom del monarca.

En conjonccion amb lo president o lo primièr ministre, la branca executiva constitua un cabinet amb de departaments o ministèris executius del govèrn.

Articles ligats

• Poder legislatiu
• Poder judicial

Vejatz tanben

Per ne saber mai sus las foncions del poder executiu segon las distinctas formas de govèrn vejatz :

• Sistèma presidencial
• Sistèma semipresidencial
• Sistèma parlamentari