Poder executiu

Segon la doctrina de la separacion dels poders, lo poder executiu es la branca del govèrn que se carga d'aplicar o executar la lei, e de trabalhar a resòlvre los afars corrents de l'Estat. La figura primèra de facto de l'executiu es lo seu cap de govèrn. L'executiu es nomenat "l'administracion" en los sistèmas presidencials o "lo govèrn" en los sistèmas parlamentaris. Lo cap de govèrn dels sistèmas presidencials (nomenat "president") ten mai independéncia de la branca legislatiua, doncas que, a diferéncia dels sistèmas parlamentaris, es pas elegit pel parlament, pel partit o una coalicion majoritària, mas qu'es elegit pel pòble per sufragi. De mai, lo president es doncas lo cap d'Estat.

En las monarquias constitucionalas, lo monarca, qu'es lo cap d'Estat, es lo cap del poder executiu de jure, e lo primièr ministre (o president del govèrn) es lo cap del govèrn del monarca. En la practica lo cap d'Estat a un poder fòrça limitat, e designa coma primièr ministre lo que la populacion elegiguèt amb lo sufragi, e mai se las decisions se realizan al nom del monarca.

En conjuncion amb lo president o lo primièr ministre, la branca executiva consistua un gabinet amb dels departaments o ministèris executius del govèrn.

Articles ligats

• Poder legislatiu
• Poder judicial

Vejatz tanben

Per saber mai sus las foncions del poder executiu segon las distintes formas de govèrn vejatz:

• Sistema presidencial
• Sistema semipresidencial
• Sistema parlamentari