Reproduccion
.jpg?lang=oc)
En biologia se compren per reproduccion o procreacion lo procés que genèra de nòus organismes a partir d'individús preexistents. Aquel concèpte es doncas un principi fondamental de l'existéncia de la vida qu'assegura la continuitat de l'espècia.
Al nivel fisioligic existisson doas formas de reproduccion: la reproduccion asexuala e la reproduccion sexuala.[1] Per cèrtes autors, lo tèrme «reproduccion» designa solament la reproduccion sexuala.[2][3]
La reproduccion asexuala es un tipe de reproduccion que consistís en la division cellulara d'un sol èsser vivent. Es la forma pus primària dins la reproduccion d'organismes unicellulars coma las arquèas, bactèris o protistas. Se ben totes los procariòtas se reprodusisson asexualment, i an divèrses mecanismes –la conjugason, la transformacion e la transduccion– que permeton lo transfèrt lateral de gèns.[4]
La reproduccion sexuala es la creacion d'un nòu organisme combinant lo material genetic de dos autres organismes. Es necessària l'intervencion de las cellulas germinalas (gamètas), que contenon la meitat del nombre de cromosòmas d'una cellula diploïda e que son produitas durant la meiòsi. La primièra pròva de fòssils d'organismes realizant la meiòsi proven d'eucariòtas del periòde estenian, fa entre 1000 e 1200 milions d'ans.[5] La reproduccion sexuala es lo metòde principal de procreacion per la grand majoritat dels èssers macroscopics, inclusent gaireben totes los animals e plantas.
Referéncias
- ↑ Solomon (2001). Biología. McGradw-Hil Interamericana, 5a. ed.. ISBN 970-10-3368-X.
- ↑ Ziller, Catherine; Henri, Camefort (2006). Reproduction. Encyclopédie Universalis.
- ↑ de Reviers, Bruno (2002). Biologie et phylogénie des algues - Tome 1. Ed. Belin.
- ↑ Narra HP, Ochman H. «Of what use is sex to bacteria?». Current Biology p. R705–710, 2006. PMID: 16950097. DOI: [1].
- ↑ N.J. Buttefield (2000). Bangiomorpha pubescens n. gen., n. sp.: implications for the evolution of sex, multicellularity, and the Mesoproterozoic/Neoproterozoic radiation of eukaryotes. 26, p. 386–404. DOI <0386:BPNGNS>2.0.CO;2 10.1666/0094-8373(2000)026<0386:BPNGNS>2.0.CO;2.