Discussion Modèl:Paleta RegOc

Vivarés, ai vist qu'as plaçat Velai e Vivarés dins lo Lengadòc istoric. Contèsti pas aquela realitat istorica. Pasmens podèm aver doas lecturas dei "regions istoricas".

• Siá se limitam ai províncias istoricas exactas de la fin dau Regim Ancian. En aqueu cas, Velai e Vivarés son en Lengadòc, e tanben alora, caudriá suprimir lei "Valadas Occitanas" qu'èran negadas dins leis estats sardes...
• Siá tenèm còmpte dei regions culturalas actualas (valent a dire: dau sentiment regionau istoric globau dei populacions actualas). En aqueu cas, la consciéncia lengadociana sembla pron flaca en Velai e en Vivarés, uei, lei gents i se dison mai que mai velaiencs e vivarés, non? E parierament, i a una consciéncia provençala dins lo parçan de Nimes, que pasmens èra dins la província de Lengadòc. Dins la Marcha lo mond se dison lemosins, e mai se la Marcha èra una província distinta de Lemosin a la fin dau Regim Ancian... Es aquesta segonda concepcion qu'ai assajat de faire valer.--Aubadaurada 25 de mai de 2007 a 21:30 (UTC)

Es parier amb Provença e lo Comtat Venaicin (ont la consciéncia provençala es omnipresenta)...--Aubadaurada 25 de mai de 2007 a 21:37 (UTC)