Utente:Moroder/Articul
| Articul per Ladin Gherdëina | 
|
| Rosina Vinatzer | |
|---|---|
 | |
| Rusina Vinatzer. | |
| Auter inuem | Rusina |
| Nasciù/da | 1 de nuvëmber 1839 |
| Mort/a | 15 de merz 1905 a Urtijëi |
| Educazion | Scola d'Ert a Urtijëi |
| Cunesciù/da per | dessënies |
| Operes cunesciudes | Dessënies de scola |
Rusina Vinatzer, dita nce Rosina, (* 1 de nuvëmber 1839 a Santa Cristina; † 15 de merz 1905 a Urtijëi ie stata na buteghiera a Urtijëi.
Biografia
Si oma fova Marianna Schmalzl dl Pech (1815-1870) y si pere Josef Vinatzer (1816-1864) dl Mulin de Inaz te Santa Cristina. Do che la fova cresciuda su te Santa Cristina, ala scumencià a lauré pra si berba Cristian Schmalzl, cunesciù sciche Cristl Pech a Urtijëi. Cristl Pech ova fat su na cësa cun butëiga tla Bruscia sa Ianesc, daujin ala dlieja de San Antone. Ëila à maridà Christian Grossrubatscher (1825-1882) mut de Peter (1795-1880), nascù tla Gran Ciasa a La Ila, zumpradëur, che à fabricà la cësa Rainelles a Urtijëi. I à abù n sëul mut Josef. Rusina Vinatzer fova resteda vëidua cun 43 ani. L ann 1986 à Rusina cumprà per 5000 rainesc la spersa de n toch dl luech de Pedetliva ulache la à lascià fabriché la cësa Rusina cun na gran butëiga, che vendova plu che auter articuli per i primes turisc da entlëuta sciche chiena, chedri, lampes y scudelam. Ntlëuta fovel una dla majera cëses y butëighes de Gherdëina. I 2400 rainesc che la fova mo debit a Johann Baptist Sotriffer tl 1890 se ovela mprestà da Luigi Moroder de Janmatie. L ann 1890 à l Sotriffer lascià fé su la cësa Pedetliva nueva sota la streda nueva cun i scioldi vadaniei per avëi vendù n toch dl luech de Pedetliva a anda Rusina[1]. Si mut Sepl ie ani ala longia jit tl furesto a Firënza, Turig y Berlin a mparé l mestier de marcadënt ntant che si oma menova inant la butëiga da sëula.
Lëures
Dai dessënies de Rusina Vinatzer vëijun la scola de Iacun Sotriffer a Urtijëi ulache la ova mparà a dessenië.
-
Rusina cun si loma Anna Maria Schmalzl. -
Rusina Vinatzer a Dispruch
Notes
- ↑ Toni Sotriffer: ‘’Anton Sotriffer zu Neu-Pedetliva in St. Ulrich/Gröden’’. Weger Persenon, 2011, pl. 22-23 (tudësch).
Cëla nce
Cunliamënc
Categoria:Uem Categoria:Scultëures de Gherdëina Categoria:Ert