Utente:Moroder/Articul

Articul per Ladin Gherdëina

Rosina Vinatzer

Rusina Vinatzer.

Auter inuem	Rusina
Nasciù/da	1 de nuvëmber 1839
Mort/a	15 de merz 1905 a Urtijëi

Educazion	Scola d'Ert a Urtijëi
Cunesciù/da per	dessënies

Rusina Vinatzer, dita nce Rusina, ie stata na marcadënta a Urtijëi.

Biografia

Si oma fova Marianna Schmalzl dl Pech y si pere Josef Vinatzer dl Mulin de Inaz. Do che la fova cresciuda su te Santa Cristina, ala scumencià a lauré pra si berba Cristian Schmalzl, cunesciù sciche Cristl Pech che ova na butëiga tla Bruscia tla cësa nueva adunino ala dlieja de San Antone (Ianesc). Ëila à maridà Christian Grossrubatscher mut de Peter, nascù tla Gran Ciasa a La Ila, zumpradëur, che à fabricà la cësa Rainelles a Urtijëi. I à abù n sëul mut Josef. La fova resteda vëidua cun 43 ani. L ann 1986 à Rusina cumprà per 5000 rainesc la spersa de n toch dl luech de Pedetliva ulache la à lascià fabriché la cësa Rusina cun na gran butëiga, che vendova plu che auter articuli per i primes turisc da entlëuta sciche chiena, chedri, lampes y scudelam. Ntlëuta fovel una dla majera cëses y butëighes de Gherdëina. I 2400 rainesc che la fova mo debit a Johann Baptist Sotriffer, se ovela mprestà da Luigi Moroder de Janmatie. L ann 1890 à l Sotriffer lascià fé su la cësa Pedetliva nueva sota la streda nueva cun i scioldi vadaniei per avëi vendù n toch dl luech^[1].