Medalla Leeuwenhoek

A Medalla Leeuwenhoek foi establecida en 1877 pola Real Academia de Artes e Ciencias dos Países Baixos ( Koninklijke Nederlandse Akademie van Wetenschappen, KNAW) na honra do microscopista holandés Anton van Leeuwenhoek . Concédese cada dez ou doce anos ao científico ou científica que fixo a contribución máis significativa á microbioloxía durante a década anterior.

Ata a edición de 2003 o premio foi outorgado pola KNAW, pero a partir da edición de 2015 o premio está organizado pola Royal Dutch Society of Microbiology ( Koninklijke Nederlandse Vereniging voor Microbiologie, KNVM). ^[1] En 2023, a medalla foi concedida á profesora estadounidense Jillian Banfield, a primeira muller en recibir este premio. ^[2]

Notas

↑ "van Leeuwenhoek Medal" (en inglés). Consultado o 2024-01-14.
↑ "van Leeuwenhoek Medal 2023" (en inglés). Consultado o 2024-01-14.

[1] "van Leeuwenhoek Medal" (en inglés). Consultado o 2024-01-14.

[2] "van Leeuwenhoek Medal 2023" (en inglés). Consultado o 2024-01-14.

[1]

[2]