Apoderamento

A estratexia do empoderamento xurde das organizacións de mulleres dos países en desenvolvemento e consiste nun proceso mediante o cal as mulleres, individual e colectivamente, toman conciencia sobre a discriminación de xénero e gañan capacidade para participar e decidir en maior medida sobre as súas posibilidades vitais e das súas comunidades.

O empoderamento non supón un proceso de suma cero polo cal unhas gañan poder exclusivamente en detrimento do poder doutros.Existen diferentes dimensións do empoderamento:

   Cognitiva: a comprensión de que as condicións de subordinación das mulleres non
   son naturais, o coñecemento das súas causas e alternativas. Inclúe o coñecemento sobre a
   sexualidade, o traballo reproductivo e os dereitos.
   Psicolóxica: a superación das propias autolimitacións que se impoñen as mulleres
   opresión internalizada), a través do desenvolvemento da autoestima e a autoconfianza.
   Económica: o acceso ao traballo remunerado, ao ingreso e á independencia
   económica en xeral.
   Política: supón a capacidade de analizar a realidade en termos políticos e
   sociais, organizarse e promover cambios sociais.