Endoderma

Durante a gastrulación fórmase o endodermo.

Sección a través dun embrión.

Sección a través dun embrión implantado no útero.

O endodermo é unha das tres capas xerminais primarias que aparecen nas fases máis iniciais do desenvolvemento do embrión. As outras dúas son o ectodermo (capa externa) e o mesodermo (capa media), entanto que o endodermo é a capa máis interna. As células que emigran cara ao interior ao longo do arquénteron forman a capa interna da gástrula, que se desenvolve orixinando o endodermo.^{[Cómpre referencia]}

O endodermo consta de células inicialmente aplanadas, que despois se fan columnares. O endodermo formará o revestimento epitelial de moitos órganos.^{[Cómpre referencia]}

Tecidos e órganos derivados do endodermo

A seguinte táboa indica os tecidos e órganos derivados do endodermo.

Capa	Categoría	Sistema
Xeral	Tracto gastrointestinal.	o canal alimentario completo agás parte da boca, farinxe e a parte terminal do recto (que está revestida por involucións do ectodermo), as células que revisten todas as glándulas que verten no tubo dixestivo, incluíndo o fígado e páncreas
Xeral	Tracto respiratorio	a traquea, bronquios, e alvéolos dos pulmóns
Xeral	Glándulas e órganos endócrinos	o epitelio de revestimento dos folículos da glándula tiroide e do timo
	aparato auditivo	o epitelio do tubo auditivo e da cavidade timpánica
	aparato urinario	a vexiga urinaria e parte da uretra

O fígado e o páncreas pénsase que derivan dun precursor común.

Nos humanos, o endodermo pode diferenciarse en organos distinguibles xa na 5ª semana do desenvolvemento embrionario.

Véxase tamén

Outros artigos

• Ectodermo
• Mesodermo
• Organoxénese

Modelo:Células humanas derivadas do endodermo