Arduino

Arduino
Arduino logoa
Arduino Uno R3
webhorria: www.arduino.cc

Arduino kode irekiko plataforma elektroniko bat da, software eta hardware erabilterrazean oinarritua. Proiektu interaktiboak egiteko asmoa duen edonori zuzendua dago.

Arduino hardwarea aurrez-aldetik mihiztatua edo zuk-zeuk egin motako kitetan erosi daiteke. Era berean, diseinuari buruzko informazioa eskuragarri dago nahi duenak zerotik hasita Arduino bat -edo honen garapen bat- sortu ahal dezan.

Proiektua mikrokontrolagailu plaken familia baten diseinuan oinarritzen da. Plaka hauek nagusiki SmartProjectsek mihiztatzen ditu Italian.

Arduino plakek 8 biteko Atmel AVR mikrokontrolagailuak edo 32 biteko Atmel ARM mikroprozezadoreak erabiltzen dituzte. Sistema hauek sarrera/irteera digital eta analogiko pin taldeak dituzte, eta beste estentsio plaka batzuetara edo zirkuito elektronikoetara konektatu daitezke. Txartelak serie komunikaziorako interfazeak ditu, modelu batzuetan USB portua barne, konputagailutik programatu ahal izateko. Mikrokontrolagailuak programatzeko, Arduinok Processing proiektuan oinarritutako programazio-ingurune (IDE) bat dauka, C eta C++ programazio lengoaiak erabili ditzakeelarik. Behin programatuta txartelak guztiz autonomoak izan daitezke.

Lehen Arduinoa 2005ean irten zen. Proiektuaren sortzaileek hobbylari, ikasle, irakasle eta profesionalentzat sentsore eta eragingailuak erabiltzen dituen gailu interaktiboak sortzeko era erraz eta merke bat lortu nahi zuten. Hobbylari hasiberrien proiektuen adibide batzuk robot sinpleak, termostatoak eta mugimendu detektagailuak dira.

Arduino aipatzerakoan askotan mikrokontrolagailuari buruz ibili arren, Arduino hitzak hardwarea, softwarea, garapen taldea, diseinu filosofia eta erabiltzaile komunitatearen talde espiritua besarkatzen ditu.

Historia

Massimo Banzi, Arduinoren sortzaileetako bat

2002an Massimo Banzi, software arkitektoa eta interakzio diseinatzailea, Ivreako (Italia) Interaction Design Institute Ivreara (IDII) heldu zen, diseinu interaktiboa -batzuetan konputazio fisikoa bezala ezagutzen zen kanpua- sustatzera. Baina aurrekontu murriztu eta klase ordu gutxirekin, aukera gutxi zituen.

Banzik BASIC Stamp mikrokontrolagailua hartu zuen oinarri bezala, baina honek arazo bi zituen: ez zuen ikasle batzuek buruan zerabiltzaten proiektuetarako nahiko kalkulu potentzia, eta gainera modelo basikoak 100$ inguruko kostua zuen. Gainera Macintoshen ejekutatu ahal zen zerbait nahi zuen, IDIIko diseinatzaileen hartean sistema erabiliena bait zen. Gauzak honela, bere beharrizanak beteko zituen plaka beraiek egitea burutatzen hasi zen.

Banzik MITean Processing garatu zuen lagun bat zeukan. Processingek programazio-ingurune IDE erabilterraz bat zeukan, eta esperiantzia gutxidun erabiltzaileek ere bisualizazio konplexu eta ederrak egin zitzaketen. Banzik mikrokontrolagailuak kodifikatzeko antzerako zerbait egin ahal zen zerabilen buruan.

Hernando Barragan, IDII ikasle batek, norabide horretan lehen pausua eman zuen. Wiring deituriko plataforma bat sortu zuen, IDE erabilterraz eta zirkuito plaka bategaz osatua. Baina Banzik oriandik sinpleago, errazaga eta merkeagoa zen zerbait nahi zuen.
Banzi eta bere laguntzaileek kode irekiko softwarean sinesten zuten, eta nahiago zuten proiektua ahalik eta jende gehienari zabaltzea. Gainera IDII diruz eskaz zebilen eta itxi egin behar zuten, eta taldekideek beraien proiektua galtzeko beldurra zeukaten. Kode irekiko software modelua hardwarearen nola aplikatu ahal zuten inbestigatuta, Creative Commons lizentzia erabiltzea erabaki zuten.

Lehen Arduino prototipoa

Plaka egiteko, 30$eko kostua jarri zuten kostu helburu bezala. Plaka berezia izatea ere nahi zuten, itxura erakargarriduna. Besteen plakak berdeak baziren, beraienak urdinak izango ziren; fabrikatzaile gehienek sarrera-irteeretan ekonomizatu nahi bazuten, hauek piloa edukiko zituzten. Azken ukitu bezala, plakaren atzealdean Italiako mapa txiki txiki bat gehitu zuten.

Taldeak pieza merke eta errez bilatzekoetan oinarritutako produktua sortu zuen, erabiltzaileek, nahi izanez, euren kabuz plakak egin ahal zitzaten. ATmega328 mikrokontrolagailua erabili zuten. Arduinok gerora izan duen arrakasta lortzeko, erabaki klabe bat plaka Plug and play izan behar zela izan zen, erabiltzaileak plaka kaxatik atera, konputagailura konektatu eta berehala erabiltzeko modukoa.

Lehen 300 plakak IDIIko ikasleen artean banandu zituzten. Bakoitzak zerbait -nahi zuena- egiteko esan zitzaien, eta lehen proeiktuak jaio ziren. Denbora gutxian beste batzuek ere plaka bat nahi zuten. Proiektua abian zen, baina oraindik izenik ez.

Arduino izena gau batean, herriko tabernan tragoxka bat hartzen zeudela erabaki zuten: tabernaren izenetik hartu zuten -Bar di Re Arduino-. Era berean tabernak izena Arduino Erregearengandik hartzen du, 1002an Yvreako errege izan zena.

Laister zabaldu zen Arduino izena sarean, inongo marketing edo anuntziorik gabe. Tom Igoe, orduan New Yorkeko Unyvertsitateko irakasle eta gaur egun Arduinoren garapenaren taldekideetako bat, txundituta gelditu zen Arduinok elektronika ezagutzarik gabeko jendeari ematen zion erraztasunaz eta bere prezio merkeaz.

Arduinok Processing eta Wiringetik hartu zuen IDE erabilterrazari esker, aurretik ezagutza handirik ez zuen jendearentzat ere hardware mundua sartzen erraza egiten hasi zen.

Arduino zuk-zeuk egin mugimenduan indarra hartzen joan zen. 2011ko maiatzean Massimo Banzik 300.000 bat Arduino saldu direla kalkulatu zuen. 2013ko apirilean, David Cuartiellesen arabera, 700.000tik gora Arduino ofizial zeuden salduta, eta txartel ofizial bakoitzeko gutxienez klon edo deribatu bat zegoela estimatu zuen. Momentu horretan, egunero 5.000 Arduino ofizial produzitzen ari ziren. 2014ko uztailerako, saldutako Arduino Uno kopurua milioi ta erditik gorakoa zen. 2015eko otsailean Arduino webhorri ofizialean 19 plaka desberdin daude.

Arduino prototipoak sortzeko plataforma zabalduenetako bat bilakatu da munduan.

Hardwarea

Arduino hardware ofizialaren ezaugarriak Arduino webhorri ofizialetik hartuak daude, 2015eko otsailean. 

Arduino plaka ofizialak

Arduino Uno. Konexioak

Hainbat Arduino plaka modelo desberdin badaude ere, denek dituzte ezaugarri komun batzuk. Plakek mikrokontrolagailu bat dute, eta sarrera/irteera digital eta sarrera analogiko pin taldeak dituzte -irteera digital batzuk PWM moduan erabili daitezke-. Mikrokontrolagailuak konputagailutik programatu ahal izateko, serie komunikaziorako interfazeak dituzte, modelu batzuetan USB portua barne.

Mikrokontrolagailua kontutan hartuta, talde bitan banadu daitezke:
Talde bat Arduino Uno motako plakek osatzen dute. Hauetan ATmega168, ATmega328, ATmega328P edo ATmega2560 mikrokontrolagailua aurkitu daiteke. Mikrokontroladoreak sketchak -Arduinorentzat eginiko programak- ejekutatzen ditu, eta konputagailuarekin komunikatzeko prozesadore sekundario bat dute. Honen ondorioz konputagailuarekin duen USB konexioak zabalik (established) jarraitzen du mikrokontrolagailu nagusiaren egoeraren independiente izanik.
Beste taldea Arduino Leonardo motako txartelek osatzen dute. Hauek ATmega32u4 mikrokontrolagailua erabiltzen dute, hau sketchen ejekuzioaz eta konputagailuarekin komunikatzeaz arduratzen delarik. Funtzio biak prozesadore berean konbinatzerakoan, flexibilitate handiagoa dago konputagailuarekin komunikatzeko, eta, beste alde batetik, prozesadore bat kentzerakoan kostuak gutxitu egiten dira.
Hauetaz aparte, Arduino Duek SAM3X8E mikrokontrolagailua dauka -32 biteko mikrokontrolagailua darabilen lehen Arduinoa da-, eta programazioa beste Arduinoekiko desberdina da.

Programa garatzeko prozesuan, konputagailuan programa idatzi, konpilatu eta mikrokontrolagailura igotzen da. Behin programaren garapena bukatuta, Arduinoa bere lana egiten hasten denean, komunikazioa ez da beharrezkoa. Mikrokontrolagailua itzali arren programak memorian jarraitzen du, eta berriro pizterakoan bere lana egingo du konputagailuarekin komunikatuta egon ala ez.

Sarrera/irteerei dagokienez, gehienek pin taldeak dituzte, eta irakaskuntzarako, prototipoak lantzeko edo proiektu desberdinetan berrerabiltzeko egokiak dira. Beste batzuk -Arduino Pro eta Pro Mini tartean- pinen ordez zuloak dituzte, bertan aukeratutako pin mota ezarri daiteke edo soldatzea zuzenean plakan egin daiteke. Hauek prototipo bakarrean erabiltzeko edo erabilpen profesionalerarako egokiak dira.

Arduino batzuk zeregin edo ezaugarri espezifikoekin diseinatu dira: Arduino Mega sarrera/irteera asko behar dituztenentzat; Arduino Micro, Mini eta Nano mikrokontrolagailu plaka prototipo-plakan (breadboard) jartzeko, edo espazioa murriztua dagoen tokietan ezartzeko; Arduino Ethernet sarean zerbitzari bezala edo beste sare eginkizun batzuk egiteko; Arduino BTk bluetootha dauka; Arduino Fio wireless bidez programatu daiteke; Arduino Yunek WiFi txipa dauka eta honetan Linux banaketa bat dauka txertatuta; Arduino Lilypadak jantzietan txertatzeko; eta Arduino Robot, gurpilak eta sentsoreak txertatuta dituelarik, Robot proiektuetarako.

Arduino Uno

Arduino Uno Arduino plataformako erreferentzia modelua da. Uno izena Arduino garapen taldeak erreferentziazko modeloaren 1.0 bertsiotzat hartzen duelako da. Hurrengo erreferentziazko modeloak zenbaki bat gehitzen joango dira (Italieraz)
ATmega328 mikrokontrolagailuan oinarritzen da. 14 sarrera-irteera digital -hauetatik 6 PWM irteera bezala erabil daitzeke- eta 6 sarrera analogiko ditu. USB konexioa erabiltzen du. Alimentazio konektorea eta reset botoia dauzka.
Mikrokontrolagailuak behar duen guztia dauka; USB kablera, alimentazio iturrira edo bateriara konektatzeaz batera funtzionamenduan dago.

Arduino Due

Arduino Due, SAM3X8E ARM Cortex-M3 CPU prozesadorearekin

Arduino Due Atmel SAM3X8E ARM Cortex-M3 CPU-n oinarritutako mikrokontrolagailua da. 32 biteko ARM mikrokontrolagailu baten oinarritutako lehen Arduino txartela da. 54 sarrera/irteera digital ditu -12 PWM irteera bezala erabil daitezke-, 12 sarrera analogiko, 4 UART, 84MHz erlojua, USB OTG gaitasundun konexioa, 2 DAC (digital-analogiko konbertsore), alimentazio konektorea, reset botoia eta borratzeko botoia.
Beste Arduinoek ez bezala, Arduino Due txartelek 3.3Vko lan tentsioa dute.
Mikrokontrolagailuak behar duen guztia dauka; USB kablera, alimentazio iturrira edo bateriara konektatzeaz batera funtzionamenduan dago. Arduino Duek 3.3Vetan lan egiten duten eta Arduino 1.0 pin antolamendua duten estentsio plaka (shield) guztiekin konpatiblea da.
SAM3X txipetan Sketchen karga AVR mikrokontrolagailuekiko desberdina da, flash memoriak birprogramatu aurretik hutsik egon behar duelako.

Arduino Leonardo

Arduino Leonardo

Bere aurreko plaken aldean, ATmega32u4 mikrokontrolagailuak USB komunikazioa barneratua dauka, prozesadore sekundario baten beharrizana kenduaz. Honek konputagailuan plaka sagu eta teklatu baten moduan agertzea dakar, serie / COM portu birtualaz gainera. Konputagailuaz duen komunikazioari flexibilitatea gehitzen zaio.

Arduino Mega 2560 eta Arduino Mega ADK

Arduino Mega 2560

Hauek ATmega2560 mikrokontrolagailuan oinarritzen dira. 54 sarrrera-irteera digital dituzte -15 PWM irteera bezala erabili daitezke-, 16 sarrera analogiko, 4 UART (hardware portu serieak), USB konektorea, alimentazio konektorea eta reset botoia.
Arduino Mega 2560 Arduino Megaren eboluzioa da eta hau ordezten du.
Arduino Mega ADK Mega 2560an oinarrituta dago, eta USB Host interfazea dauka Android telefonoekin konektatzeko.

Arduino Micro, Arduino Mini eta Arduino Nano

Arduino Nano, Board plaka (breadboard) txiki baten

Hauek tamaina txikiagokoak dira. Board plaka (breadboard) baten erraz jarri daitezke. Tamaina txikia beharrezkoa den proiektuetarako ere balio dute.
Arduino Micro ATmega32u4 mikrokontroladorean oinarritzen da. 20 sarrera/irteera digital ditu -7 PWM moduan erabil daitezke-. micro USB konektorea dauka. Arduino Leonardoak bezala, ATmega32u4 mikrokontrologailuak USB komunikazioa barneratua izaterakoan, konputagailuan plaka sagu eta teklatu baten moduan agertzea da, serie / COM portu birtualaz gainera.
Plakak 48 mm.ko luzera eta 17.7 mm.ko zabalera dauka.
Arduino mini hasieran ATmega168 mikrokontrolagailuan oinarritzen zen, oraingoek ATmega328a dute. 14 sarrera/irteera digital ditu -6 PWM bezala erabil ahal daitezkeenak-, eta 8 sarrera digital. USB serie adaptadorearekin edo beste USB ala TTL serie adaptadore batekin programatu daiteke.
Plakak 30 mm.ko luzera eta 18 mm.ko zabalera dauka.
Arduino nano ATmega168 (Arduino Nano 2.x) edo ATmega328 (Arduino Nano 3.x) mikrokontrolagailuan oinarritzen da. Gutxigorabehera Arduino Duemilanovearen ezaugarriak ditu, baina tamaina desberdinean. Mini-B USB konektorea dauka.
Plakak 45 mm.ko luzera eta 18 mm.ko zabalera dauka.
Gravitechek fabrikatzen du.

Arduino Ethernet

Arduino Ethernet, Ethernet konektorerekin eta microSD txartelarentzako tokiarekin

Arduino Ethernet Ethernet sare batera konektatu daiteke kable bitartez. ATmega328 mikrokontrolagailuan oinarritzen da. 14 sarrera/irteera digital eta 6 sarrera analogiko ditu -10,11,12, eta 13 pinak Ethernet moduloaz interfazea egiteko erabiltzen direnez, praktikan 9 sarrera irteera digital gelditzen dira, hauetako 4 PWM irteera gaitasunarekin- . honetaz gain, alimentazio konektorea, reset botoia.eta RJ45 konektorea ditu.
Aukeran plakari PoE modulo gehitu ahal zaio.
Arduino Ethernetek, beste plaka batzuen aldean, USB-serie driver txipa eduki beharrean Wiznet Ethernet interfazea dauka. Hau Ethernet estentsio plakan (shield) aurkitu daitekeen interfaze berbera da.
Plakak MicroSD txartel irakurgailua dauka. Hau sarean fitxategiak zerbitzatzeko erabili daiteke, SD liburutegiaren bitartez.

Arduino Esplora

Jatorria Arduino Leonardoan dauka. Atmega32U4 AVR mikrokontrolagailuan oinarritzen da eta ondorioz USB konexioak USB kliente moduan jokatzea ahalbidetzen du.
Arduino Esploraren berezitasuna hainbat sarrera/irteera aldez aurretik txartelean txertatuta dituela da. Elektronika aldez aurretik ikasi gabe Arduinoa erabiltzen hasi nahi duenarentzat diseinatua dago.
Esplorak plakan soinu eta argi irteerak dauzka, eta hainbat sarrera sentsore, tartean Joysticka, sliderra, tenperatura sentsorea, azelerometroa, mikrofonoa, eta argi sentsorea. Honetaz gainera pare bat Tinkerkit konektore ditu sarrera-irteera kapazitatea haunditzeko, TFT LCD pantaila batentzako socketa.
Programazioa beste Arduino txartel batzukekiko apur bat desberdina da: bere liburutegi propioa dauka, sarreren irakurketa eta irteerako aktuadoreen idazketa errazago egiteko.

Arduino Fio

Arduino Fio ATmega328P mikrokontrolagailuan oinarritzen da, eta 3.3Veko lan-tentsioa dauka. 14 sarrera/irteera digital -6 PWM ireera moduan erabil daitezke-- eta 8 sarrera analogiko ditu.
LiPo baterientzat konexioa dauka, eta USB bitartez kargatu ahal izateko zirkuitua. Plakaren azpialdean XBee socketa era badago.
Arduino Fio wireless aplikazioetarako pentsatua dago. Sketchak FTDI kablez edo Sparkfun breakout txartel bitartez kargatu daitzeke. Honetaz gain, XBee Explorer USB bezalako USB-Xbee adaptadore egokitu batekin sketchak wireless bidez kargatu daitezke.
Plakak konektore mota desberdinak edo bertan soldatzea onartzen du.

Arduino Pro eta Arduino Pro Mini

Arduino Pro

Hauek instalazio erdi-permanente edo erakusketetarako pentsatuak daude. Konexio buru gabe datoz, honela konektore mota desberdinak ezarri edo zuzenean plakan soldatu daitekeelarik. SparkFun Electronicsek diseintatu eta fabrikatzen ditu. Arduino Unoren sarrera/irteera kopuru berdina daukate. 3.3V/8Mhz eta 5V/16Mhz bertsioak daude.
Arduino Pro ATmega168 edo ATmega328 mikrokontrolagailuetan oinarritzen da.. Sarrera-irteera pinen kokapena Arduino estentsio plakekin (shields) konpatiblea da. Alimentazio konektorea eta interruptorea dauzka. 3.3Veko bertsioa bateriekin alimentatu daiteke.
Arduino Pro Mini ATmega168an oinarritzen da. Pin kokapena Arduino miniarekin konpatiblea da.

LilyPad Arduino, LilyPad Arduino Simple, LilyPad Arduino SimpleSnap eta LilyPad Arduino USB

Lilypad Arduino

Hauek jantzietan eta e-textiletan erabiltzeko diseinatu dira. Telan josi daitezke. Borobilak dira, bi hazbeteko -gutxigorabehera 50 mm.- diametroarekin. Lodiera 0.8 mm. ingurukoa da, konponenteak dauden tokian lodiera handiena 3mm.ingurura heltzen delarik -6.5mm LilyPad Arduino USBn-.
Leah Buechleyk diseinatu eta garatuta, SparkFun Electronics fabrikatzen ditu.
Lilypad Arduino ATmega168V edo ATmega328V mikrokontrolagailuetan oinarritzen da, eta Arduino Unoren sarrera-irteera kopuru berdina dauka.
Lilipad Arduino Simple ATmega 328an oinarritzen da. Sarrera-irteerarako 9 pin baino ez ditu.JST konektorea dauka eta LiPo baterientzat karga zirkuitua.
LilyPad Arduino SimpleSnap aurrekoaren antzerakoa da, baina LiPo bateria integratua dauka eta zuloak barik automatikoak ditu. Honela soltatu egin daiteke erropa garbitzeko edo beste proiektu baten erabiltzeko.
LilyPad Arduino USB ATmega32u4 mikrokontrolagailuan oinarritua dago eta 9 sarrera/irteera ditu -4 sarrera analogiko bezala erabili daitezke eta beste lau PWM irteera bezala-. JST konektorea dauka 3.7Veko LiPo bateriarentzat. Beste Lilypadak FTDI USB-serie adaptorea behar duten bitartean, azken hau zuzean USB bidez konektatu daiteke konputagailura.

Arduino Yun

Arduino Yun ATmega32u4 mikrokontrolagailuan eta Atheros AR9331 txipean oinarritzen da. Atheros prozesadoreak OpenWrt-n oinarrituriko OpenWrt-Yun Linux banaketa bat dauka.
Plakak Ethernet eta WiFi gaitasunak dauzka txertatuta, USB-A motako portua, MicroSD txartelarentzat slota, 20 sarreraa/irteera digital -7 PWM irteera moduan erabil daitezkeenak- microUSB koenktorea eta 3 reset botoi ditu.
Yunen berezitasuna beste txartelekiko, txertatuta daukan Linux banaketarekin komunikatu daitekeela da. Honela sareko gailu ahaltsu bat Arduinoren erratasunarekin konbinatzen da. cURL bezalako Linux komandoetaz gain, shell eta python [[Script|scriptak idazteko aukera dago.
Atmega32U4 mikrokontrolagailuan oinarritzerakoan, USB konexioak USB kliente moduan jokatzea ahalbidetzen du.

Arduino Robot

Arduino Robot gurpildun lehen Arduinoa da. Robotak bi prozesadore ditu, bere plaka bietan prozesadore bana. Motoreen-txartelak motorrak kontrolatzen ditu, eta Kontrol-txartelak sentsoreak irakurri eta nola operatu erabakitzen du. Plaka bakoitza Arduino IDEa erabiliz programatu daiteken Arduino plaka oso bat da.
Bai Motoreen-txartela eta Kontrol-txartela ATmega32u4 mikrokontrolagailuan oinarritzen dira. Roboteko hainbat pin plaketan txertatutako sentsore eta aktuadoreetara konektatuta daude.
Robotaren programazio prozesua Arduino Leonardoren antzerakoa da. Prozesadore biek USB komunikazioa txertatuta daukate, prosezadore sekundario baten beharra kenduz. Honela Robota (CDC) serie / COM portu birtual bat bezala agertu daiteke konputagailuan.
Arduino Robota zientzia dibertigarria eta ikasterraza egin nahi duen talde internazional baten ahalegin kolektibo baten emaitza da.

• Plaken espezifikazioak Arduino horri ofizialean: Arduino Uno Arduino Due Arduino Leonardo Arduino Mega 2560 Arduino Mega ADK Arduino MicroArduino Mini Arduino Nano Arduino Ethernet Arduino Esplora Arduino Fio Arduino Pro Arduino Pro Mini LilyPad Arduino LilyPad Arduino Simple LilyPad Arduino SimpleSnap LilyPad Arduino USB Arduino Yun Arduino Robot
• Datu horriak (data sheets): Atmel mikrokontrolagailuak: ATmega168 ATmega328 ATmega328P ATmega2560 ATmega32u4 Atmel SAM3X8E ARM Cortex-M3 datu horria; Beste batzuk: Atheros AR9331

Arduino plaken espezifikazioak

plaka	mikro- kontrolagailua	lan-tentsioa/ sarrera tentsioa	CPU abiadura	Sarrera/ irteera analogikoak	Sarrera- irteera digitalak/ PWM	EEPROM (KB)	SRAM (KB)	Flash (KB)	USB	UART
Uno	ATmega328	5 V/7-12 V	16 MHz	6/0	14/6	1	2	32	Regular	1
Due	AT91SAM3X8E	3.3 V/7-12 V	84 MHz	12/2	54/12	-	96	512	2 Micro	4
Leonardo	ATmega32u4	5 V/7-12 V	16 MHz	12/0	20/7	1	2.5	32	Micro	1
Mega 2560	ATmega2560	5 V/7-12 V	16 MHz	16/0	54/15	4	8	256	Regular	4
Mega ADK	ATmega2560	5 V/7-12 V	16MHz	16/0	54/15	4	8	256	Regular	4
Micro	ATmega32u4	5 V/7-12 V	16MHz	12/0	20/7	1	2.5	32	Micro	1
Mini	ATmega328	5 V/7-9 V	16MHz	8/0	14/6	1	2	32	-	-
Nano	ATmega168 ATmega328	5 V/7-9 V	16MHz	8/0	14/6	0.512 1	1 2	16 32	Mini-B	1
Ethernet	ATmega328	5 V/7-12 V	16MHz	6/0	14/4	1	2	32	Regular	-
Esplora	ATmega32u4	5 V/7-12 V	16MHz	-	-	1	2.5	32	Micro
ArduinoBT	ATmega328	5 V/2.5-12 V	16MHz	6/0	14/6	1	2	32	-	1
Fio	ATmega328P	3.3 V/3.7-7 V	8MHz	8/0	14/6	1	2	32	Mini	1
Pro (168)	ATmega168	3.3 V/3.35-12 V	8MHz	6/0	14/6	0.512	1	16	-	1
Pro (328)	ATmega328	5 V/5-12 V	16MHz	6/0	14/6	1	2	32	-	1
Pro Mini	ATmega168	3.3 V/3.35-12 V 5 V/5-12 V	8MHz 16MHz	6/0	14/6	0.512	1	16	-	1
LilyPad	ATmega168V ATmega328V	2.7-5.5 V/2.7-5.5 V	8MHz	6/0	14/6	0.512	1	16	-	-
LilyPAd USB	ATmega32u4	3.3 V/3.8-5V	8MHz	4/0	9/4	1	2.5	32	Micro	-
LilyPad Simple	ATmega328	2.7-5.5 V/2.7-5.5 V	8MHz	4/0	9/4	1	2	32	-	-
LilyPad SimpleSnap	ATmega328	2.7-5.5 V/2.7-5.5 V	8MHz	4/0	9/4	1	2	32	-	-
Yun	ATmega32u4	5 V	16MHz	12/0	20/7	1	2.5	32	Micro	1

Armadurak (Shields)

• Arduino shields
• 
  Arduino Uno
• 
  Arduino Due
• 
  Arduino UNO
• 
  Arduino Leonardo
• 
  Arduino Mega
• 
  Arduino MEGA 2560 R3 (front side)
• 
  Arduino MEGA 2560 R3 (back side)
• 
  Arduino Nano
• 
  Arduino Due (ARM-based)
• 
  LilyPad Arduino (rev 2007)

Softwarea

Arduino garapen-ingurunea (IDE)

Fitxategi:Arduino Code Editor with 5DOF Sensor Code.png

Arduino programazio-ingurunea. Gohitik behera: menua, funtzio erabilienentzako botoiak, testu editorea, mezuentzako area eta testu kontsola. Azpian, eskuinaldean, Ardino Uno txartel bati konektatua dagoela ikusten da.

Arduino programazio-ingurunea (IDE) Javan idatzita dago, Processing eta beste kode irekiko software batzuetan oinarritua. Windows, Mac OS eta Linux sistemetan ejekutatu daiteke. .
Programazio-ingurunea kodea idazteko testu-editorea, mezuentzako area, testu kontsola, funtzio erabilienentzako botoiak dauzkan herreminta-barra eta menu batzuekin osatua dago. Arduino hardwarearekin konektatzen da programak igo eta hauekin komunikatzeko.
Arduinoan ejekutatzeko idatzi den programa edo kodea sketch deitzen da. Sketchak testu editorean idazten dira,eta .ino extentsioa erabiltzen dute -1.0 aurreko IDE bertsioek .pde extentsioa erabiltzen zuten-. Testu editoreak ebaki/kopiatzeko eta bilatu/aldatzeko aukera dauka. Testu kontsolan IDEaren testu irteera ikusten da, errore mezuak eta beste informazio batzuak. Azpian eskuinaldean konektatua dagoen plaka eta serie portua ikusten dira. Botoiekin programak konprobatu eta kargatu, sketchak sortu, ireki eta gorde, eta serie monitorea irekitzen da.

Ardublock?

ARDUINO INTERNALLS p31 ARDUINO IKASTETXEAN, 33

http://arduino.cc/en/Tutorial/Blink

Garapena eta lizentziak

Arduino hardware diseinuak Creative Commons Attribution-ShareAlike 2.5 lizentziarekin banatzen dira, Eagle CAD formatuan.
Arduino softwarea kode irekikoa da. Java programazio-ingurunearen kodea GPL lizentziapen banatzen da, eta mikrokontrolagailuarentzako C/C++ liburutegiak LGPL lizentziarekin.
Webhorriko edukiak, halanola textu eta eta argazkiak, Commons Attribution ShareAlike 3.0 lizentziarekin publikatuak daude.
Arduino marka, Arduino logoa eta Arduinoren webhorriaren diseinua Arduino SAren jabetzapean daude copyright lizentziarekin.

Can I build a commercial product based on Arduino? (FAQ) Gaur egungo garapen taldea

Proiektuak

Euskal Herrian

20/05/2014 Radio Euskadi Ciencia en Acción Construyendo un ascensor inteligente con arduino 2 alumnos y un profesor de Lauro Ikastola nos muestran el modelo de ascensor inteligente elaborado en clase de Tecnología. Un reto en programación superado gracias a la plataforma Arduino y que nos relatan a lo largo de esta charla. http://www.eitb.eus/es/audios/detalle/2259550/ciencia-aulas-proyecto-ascensor-inteligente-arduino/ Alumnos de Tolosa mandan una sonda a la estratosfera Alumnos de Tecnología del colegio Hirukide de Tolosa y su profesor, Jabi Luengo, explican su proyecto de lanzamiento de una sonda a la estratosfera. El aparato contaba con cámaras para grabar la ascensión, un registrador de datos en una placa Arduino y varios sensores. En esta charla explican cómo realizaron los preparativos, para los que contaron con la ayuda de Euskalmet, y el lanzamiento, que fue todo un éxito.

http://www.euskadinnova.net/es/innovacion-social/noticias/estudiantes-tolosa-crean-cubo-con-arduino-para-mayores-ejerciten-mente/11835.aspx http://www.genbetadev.com/formacion/mowayduino-el-pequeno-robot-espanol-pensado-para-que-desde-pequenos-a-mayores-programemos https://addi.ehu.es/handle/10810/13339 http://incubegg.blogspot.com.es/2014/02/incubegg-proiektua-el-proyecto-incubegg_21.html http://academica-e.unavarra.es/handle/2454/13166 http://ardukubo.blogspot.com.es/2014/02/kubo-proiektua-el-proyecto-kubo_24.html http://www.euskadinnova.net/eu/gizarte-berrikuntza/elkarrizketak/ikasleek-eginez-ikasten-dute-memorizatuz/699.aspx

Ikus, gainera

• (Ingelesez) Arduino txartel eta sistema konpatibleen zerrenda
• (Ingelesez) Txartel bakarreko konputagailuen arteko konparaketa
• Software libre
• Kode ireki
• Kode irekiko hardware
• Zuk-zeuk egin filosofia
• Rapsberry Pi

Kanpo loturak

• (Ingelesez) Arduino webhorri ofiziala
• "Zer da arduino eta zer egin dezakegu berarekin?". 2012-02-28an ETBko nickdutnick saioan emititutako bideoa
• "Arduinori buruzko elkarrizketa David Cuartellesi" sale, software askea libre Euskadin, 2014-12-15
• (Ingelesez) Alice Mela: "A visit to the Arduino factories". domus, 2013-5-15.
• (Ingelesez) Jenny Filippetti: "arduino factory + production tour in turin, italy". desigboom magazine, 2013-09-06
• (Gaztelaniaz) "Arduino The Documentary". Arduinoren historiari begirada bat emoten dion dokumentala. Zuzendariak: Rodrigo Calvo eta Raúl Alaejos. LABoral Centro de Arte y Creación Industrial. Iraupena: 28:16". Urtea: 2010 Lizentzia: Creative Commons
• (Ingelesez) Massimo Banzi (Arduino sortzaileetako bat): "How Arduino is open-sourcing imagination". TED Ideas worth spreading, 2012ko ekaina. Massimo Banziren Arduinori buruzko konferentziaren bideoa. Iraupena:15'38"
• (Italieraz)(Ingelesez) "Arduino: creare è un gioco da ragazzi / Arduino: Creation is Child’s Play ". Wired TV. Dokumentala. Andrea Girolami + Opificio Ciclope. Urtea: 2012. Iraupena: 19'09". Italieraz, ingelesezko azpitituluekin.

Bibliografia

Artikulu hau ingelesezko Arduino webhorri ofizialean (Creative Commons Attribution ShareAlike 3.0 lizentziarekin) eta wikipediako ingelesezko eta gaztelerazko artikuluetan oinarritzen da nagusiki. Webhorri ofizila gazteleraz era badago sarean, baina badirudi 2011tik aurrera ez dela eguneratu (2015eko otsailean kontsultatua). Euskaraz, Aitor Aspirozen Arduinoa Ikastetxean ((Creative Commons Attribution ShareAlike 3.0 lizentziarekin) kontsultatu da.