ᨕᨗᨉᨚᨊᨙᨔᨗᨐ

ᨒᨚᨈᨑ

Lating

ᨕᨗᨉᨚᨊᨙᨔᨗᨐ ᨕᨒ ᨕᨗᨉᨚᨊᨙᨔᨗᨕ᨞ ᨕᨔᨛ ᨑᨔᨛᨆᨗᨊ ᨑᨙᨄᨘᨅᨛᨒᨗ ᨕᨗᨉᨚᨊᨙᨔᨗᨐ᨞ ᨐᨗᨊᨑᨗᨈᨘ ᨔᨙᨉᨗ ᨊᨁᨑ ᨆᨀᨄᨘᨒᨚᨓᨛ ᨑᨗ ᨕᨔᨗᨐ ᨈᨁᨑ ᨐᨗ ᨉᨗᨒᨗᨈᨔᨗ ᨁᨑᨗᨔᨗ ᨖᨈᨘᨒᨗᨔᨛᨈᨗᨓ ᨔᨗᨅᨓ ᨃ ᨑᨗ ᨄᨒᨓᨂᨛᨊ ᨉᨑᨈ ᨅᨊᨘᨓ ᨕᨔᨗᨐ ᨔᨗᨅᨓ ᨕᨚᨔᨙᨐᨊᨗᨐ ᨔᨖᨗᨁ ᨑᨗᨊᨗᨔᨛᨂᨗ ᨔᨗᨅᨁᨙ ᨊᨁᨑ ᨒᨗᨈᨔ ᨅᨊᨘᨓ᨞ ᨊᨛᨊᨗᨐ ᨄᨒᨓᨂᨛᨊ ᨔᨆᨘᨉᨛᨑ ᨄᨔᨗᨄᨗ ᨔᨗᨅᨓ ᨔᨆᨘᨉᨛᨑ ᨖᨗᨉᨗᨐ᨞᨞

ᨕᨗᨉᨚᨊᨙᨔᨗᨐ ᨐᨗᨊᨑᨗᨈᨘ ᨓᨊᨘᨓ ᨀᨆᨗᨊ ᨆᨒᨛᨅᨗᨊ ᨑᨗ ᨒᨗᨊᨚᨓᨙ ᨊᨔᨗᨅᨓᨕᨗ 1.904.569km², ᨊᨛᨊᨗᨐ ᨓᨊᨘᨓ ᨀᨆᨗᨊ ᨆᨕᨙᨁ ᨄᨘᨒᨚᨓᨙ ᨑᨗ ᨒᨗᨊᨚᨓᨙ᨞ ᨊᨔᨗᨅᨓᨕᨗ 17.504 ᨄᨘᨒᨚ᨞᨞ ᨕᨔᨛ ᨒᨕᨗᨊ ᨐᨗ ᨑᨗᨄᨀᨙ ᨑᨗ ᨀᨄᨘᨒᨚᨓᨛ ᨕᨗᨉᨚᨊᨙᨔᨗᨐ ᨑᨗᨐᨔᨛ ᨊᨘᨔᨈᨑ᨞᨞ ᨊᨐᨗᨀᨗᨐ᨞ ᨕᨗᨉᨚᨊᨙᨔᨗᨐ ᨆᨏᨍᨗ ᨊᨁᨑ ᨆᨉᨛᨄᨘᨂᨛ ᨄᨅᨊᨘᨓ ᨆᨀ 14 ᨑᨗ ᨒᨗᨊᨚ ᨔᨗᨅᨓ ᨄᨅᨊᨘᨓ ᨒᨛᨈᨘ 257.344.166 ᨈᨕᨘ ᨑᨗ ᨈᨖᨘ 2022. ᨕᨗᨉᨚᨊᨙᨔᨗᨐ ᨐᨗᨊᨑᨗᨈᨘ ᨊᨁᨑ ᨆᨉᨘᨄᨑᨘᨄ ᨅᨂᨔᨊ᨞ ᨕᨙᨈᨛᨊᨗᨊ᨞ ᨔᨗᨅᨓ ᨅᨘᨉᨐᨊ ᨑᨗ ᨒᨗᨊᨚᨓᨙ᨞ ᨄᨄᨉᨊ ᨕᨆᨙᨑᨗᨀ ᨔᨑᨗᨀ᨞᨞ ᨕᨗᨉᨚᨊᨙᨔᨗᨐ ᨃ ᨄᨑᨅᨈᨔᨛᨊ ᨔᨗᨅᨓ ᨔᨗᨐᨑᨙ ᨊᨁᨑ ᨑᨗ ᨕᨔᨗᨐ ᨈᨁᨑ ᨊᨛᨊᨗᨐ ᨕᨚᨔᨙᨐᨊᨗᨐ᨞᨞ ᨕᨗᨉᨚᨊᨙᨔᨗᨐ ᨆᨄᨑᨙᨈᨂᨗ ᨑᨗ ᨉᨑᨈ ᨔᨗᨅᨓ ᨆᨒᨕᨗᨔᨗᨐ ᨑᨗ ᨄᨘᨒᨚ ᨀᨒᨗᨆᨈ ᨔᨗᨅᨓ ᨔᨛᨅᨈᨗ᨞ ᨔᨗᨅᨓ ᨄᨄᨘᨓ ᨊᨘᨁᨗᨊᨗ ᨑᨗ ᨄᨘᨒᨚ ᨄᨄᨘᨓ᨞ ᨔᨗᨅᨓ ᨈᨗᨆᨚ ᨒᨙᨔᨙᨈᨙ ᨑᨗ ᨄᨘᨒᨚ ᨈᨗᨆᨚᨑᨚ᨞᨞ ᨈᨊᨛᨈᨊᨛᨈᨛ ᨒᨕᨗᨂᨙ ᨐᨗ ᨆᨀᨒᨗᨆᨊ ᨔᨗᨅᨔ ᨕᨗᨉᨚᨊᨙᨔᨗᨐ ᨐᨗᨊᨑᨗᨈᨘ ᨔᨗᨂᨄᨘᨑ᨞ ᨄᨗᨒᨗᨄᨗᨊ᨞ ᨕᨚᨔᨛᨑᨒᨗ᨞ ᨈᨕᨗᨒ᨞ ᨄᨗᨐᨙᨊᨛ᨞ ᨄᨒᨕᨘ᨞ ᨔᨗᨅᨓ ᨓᨗᨒᨐ ᨕᨔᨙᨉᨗᨂᨛ ᨀᨄᨘᨒᨚᨓ ᨕᨉᨆᨛ ᨔᨗᨅᨓ ᨊᨗᨀᨚᨅᨑ᨞ ᨕᨗᨉᨗᨐ᨞᨞

ᨕᨗᨉᨚᨊᨙᨔᨗᨐ ᨐᨗᨊᨑᨗᨈᨘ ᨊᨁᨑ ᨕᨔᨙᨉᨗᨂᨛ ᨔᨗᨅᨓ ᨅᨛᨈᨘ ᨄᨆᨑᨙᨈ ᨑᨙᨄᨘᨅᨛᨒᨗ ᨑᨗ ᨔᨙᨔᨙ ᨀᨚᨈᨗᨈᨘᨔᨗ ᨐᨗ ᨔᨖᨛ᨞ ᨐᨗᨊᨑᨗᨈᨘ UUD 1945. ᨑᨗ ᨈᨘᨍᨘᨊ DPR, DPD, ᨊᨛᨊᨗᨐ ᨄᨑᨙᨔᨗᨉᨙ ᨑᨗᨄᨗᨒᨙᨕᨗ ᨐᨗ ᨑᨗᨄᨗᨒᨙᨕᨗ ᨑᨗᨒᨒᨛ ᨕᨄᨗᨒᨙ ᨕᨘᨆᨘ᨞᨞ ᨕᨗᨅᨘᨀᨚᨈᨊ ᨕᨗᨉᨚᨊᨙᨔᨗᨐ ᨆᨀᨚᨀᨚᨓᨙ ᨐᨗᨊᨑᨗᨈᨘ ᨍᨀᨑᨛᨈ᨞᨞ ᨑᨗ ᨈᨁᨒ 18 ᨍᨊᨘᨓᨑᨗ 2022 ᨄᨆᨑᨙᨈ ᨕᨗᨉᨚᨊᨙᨔᨗᨐ ᨊᨄᨒᨙᨈᨙ ᨕᨗᨅᨘᨀᨚᨈᨊ ᨊᨘᨔᨈᨑ ᨐᨗ ᨃᨕᨙ ᨑᨗ ᨄᨘᨒᨚ ᨀᨒᨗᨆᨈ᨞ ᨐᨗ ᨆᨄᨘᨊᨂᨗ ᨓᨗᨒᨐ ᨀᨅᨘᨄᨈᨙ ᨄᨊᨍ ᨄᨔᨙ ᨕᨗᨐᨓ᨞ ᨕᨘᨈᨘ ᨊᨔᨙᨒᨙᨕᨗ ᨍᨀᨑᨛᨈ ᨆᨏᨍᨗ ᨕᨗᨅᨘᨀᨚᨈᨊ ᨐᨗ ᨅᨑᨘ᨞᨞ ᨊᨑᨄᨗᨊᨗ ᨈᨖᨘ 2022. ᨄᨑᨚᨔᨙᨔᨛ ᨄᨑᨒᨗᨖᨛ ᨕᨗᨅᨘᨀᨚᨈ ᨆᨈᨛᨂ ᨑᨗᨄᨀᨙ᨞᨞

ᨔᨗᨍᨑᨊ ᨕᨗᨉᨚᨊᨙᨔᨗᨐ ᨆᨕᨙᨁ ᨑᨗᨄᨂᨛᨑᨘᨖᨗ ᨄᨚᨒᨙ ᨅᨂᨔᨅᨂᨔ ᨄᨉᨈᨛ ᨊᨛᨊᨗᨐ ᨄᨍᨍ᨞᨞ ᨄᨘᨒᨚᨄᨘᨒᨚ ᨕᨗᨉᨚᨊᨙᨔᨗᨐ ᨆᨏᨍᨗ ᨕᨚᨋᨚ ᨕᨉᨃᨂᨛ ᨄᨑᨛᨒᨘ ᨔᨗᨄᨘᨂᨛᨊ ᨕᨅ ᨆᨀ 7, ᨐᨗᨊᨑᨗᨈᨘ ᨔᨗᨄᨘᨂᨛᨊ ᨄᨈᨛᨈᨚᨂᨛᨊ ᨔᨛᨑᨗᨓᨗᨍᨐ᨞ ᨀᨑᨍᨕᨛ ᨅᨑᨛᨌᨚᨑ ᨖᨗᨉᨘ ᨅᨘᨉ ᨐᨗ ᨅᨑᨛᨄᨘᨔ ᨑᨗ ᨄᨒᨙᨇ᨞᨞ ᨀᨑᨍᨕᨛ ᨔᨛᨑᨗᨓᨗᨍᨐ ᨊᨅᨛᨈᨘᨓᨂᨗ ᨖᨘᨅᨘᨂᨛᨊ ᨕᨁᨆ ᨔᨗᨅᨓ ᨕᨉᨃᨂᨛ ᨔᨗᨅᨓ ᨅᨂᨔ ᨌᨗᨊ᨞ ᨕᨗᨉᨗᨐ᨞ ᨔᨗᨅᨓ ᨕᨑ᨞᨞ ᨕᨁᨆ ᨔᨗᨅᨓ ᨕᨉᨛ ᨖᨗᨉᨘ ᨅᨘᨉ ᨆᨒᨛᨅᨂᨗ᨞ ᨊᨛᨊᨗᨐ ᨕᨔᨗᨆᨗᨒᨔᨗ ᨑᨗ ᨀᨄᨘᨒᨚᨓᨛ ᨕᨗᨉᨚᨊᨙᨔᨗᨐ ᨑᨗ ᨄᨆᨘᨒᨛ ᨕᨅ ᨆᨀ 4 ᨒᨛᨈᨘ ᨕᨅ ᨆᨀ 13 ᨆᨔᨗᨖᨗ᨞᨞ ᨄᨘᨑᨊ᨞ ᨈᨕᨘ ᨄᨅᨒᨘ ᨔᨘᨄᨗ ᨔᨗᨅᨓ ᨔᨘᨊᨗ ᨕᨔᨛᨒᨛ ᨊᨈᨗᨓᨗ ᨕᨁᨆ ᨕᨔᨛᨒᨛ ᨕᨗᨑᨙᨀᨙ ᨕᨅ ᨆᨀ 8 ᨒᨛᨈᨘ ᨕᨅ ᨆᨀ 16. ᨄᨌᨄᨘᨑᨛᨊ ᨕᨅ ᨆᨀ 15᨞ ᨅᨂᨔᨅᨂᨔ ᨕᨙᨑᨚᨄ ᨒᨕᨚ ᨑᨗ ᨀᨄᨘᨒᨚᨓᨛ ᨕᨗᨉᨚᨊᨙᨔᨗᨐ ᨔᨗᨅᨓ ᨆᨆᨘᨔᨘ ᨕᨘᨈᨘ ᨆᨀᨈᨛᨊᨗ ᨆᨚᨊᨚᨄᨚᨒᨗᨕᨉᨃᨂᨛ ᨑᨇᨑᨇ ᨑᨗ ᨆᨒᨘᨀᨘ ᨔᨗᨄᨘᨂᨛᨊ ᨔᨆᨛ ᨄᨍᨒᨖᨛ᨞᨞ ᨄᨘᨑᨊ ᨆᨏᨍᨗ ᨍᨍᨖᨛᨊ ᨅᨒᨉ᨞ ᨕᨗᨉᨚᨊᨙᨔᨗᨐ ᨓᨛᨈᨘᨕᨙᨑᨚ ᨑᨗᨐᨔᨛ ᨖᨗᨉᨗᨐ ᨅᨒᨉ᨞ ᨆᨄᨒᨛᨅ ᨀᨆᨑᨛᨉᨙᨀᨕᨛ ᨑᨗ ᨄᨌᨄᨘᨑᨛᨊ ᨄᨛᨑ ᨉᨘᨊᨗᨐ ᨉᨘᨓ᨞ ᨈᨛᨄᨊ ᨑᨗ ᨈᨁᨒ 17 ᨕᨁᨘᨔᨘᨈᨘ 1945. ᨆᨀᨚᨈᨚᨄᨑᨚ᨞ ᨕᨗᨉᨚᨊᨙᨔᨗᨐ ᨊᨀᨛᨊᨕᨗ ᨔᨗᨐᨑᨙ ᨈᨈᨂᨛ ᨊᨛᨊᨗᨐ ᨄᨔᨒᨛ ᨆᨈᨊᨛ᨞ ᨑᨗᨄᨆᨘᨒᨕᨗ ᨄᨚᨒᨙ ᨅᨏᨊ ᨕᨒᨛ᨞ ᨄᨛᨑᨈᨙ ᨀᨚᨑᨘᨔᨗ ᨆᨔᨗ᨞ ᨀᨚᨇᨛᨒᨗ ᨔᨚᨔᨗᨐᨒᨛ᨞ ᨁᨑᨀᨛ ᨔᨙᨄᨑᨈᨗᨔᨛᨆᨙ᨞ ᨄᨑᨚᨔᨙᨔᨛ ᨉᨙᨆᨚᨀᨛᨑᨈᨗᨔᨔᨗ᨞ ᨔᨗᨅᨓ ᨄᨙᨑᨗᨐᨚᨉᨙ ᨄᨅᨂᨘᨊᨛ᨞ ᨄᨙᨑᨗᨐᨚᨊᨙ ᨄᨑᨚᨅᨖᨛ ᨔᨗᨅᨓ ᨄᨑᨛᨀᨅᨂᨛ ᨔᨚᨔᨗᨐᨒ ᨕᨙᨀᨚᨊᨚᨆᨗ ᨄᨚᨒᨗᨈᨗ᨞ ᨊᨛᨊᨗᨐ ᨆᨚᨉᨙᨑᨛᨊᨗᨔᨔᨗ ᨐ ᨆᨁᨈᨗ᨞᨞

ᨕᨗᨉᨚᨊᨙᨔᨗᨐ ᨔᨗᨐᨑᨙ ᨊᨄᨘᨊᨕᨗ ᨆᨕᨙᨁ ᨔᨘᨀᨘ᨞ ᨅᨔ᨞ ᨊᨛᨊᨗᨐ᨞ ᨕᨁᨆ᨞᨞ ᨑᨗᨒᨒᨛ ᨑᨘᨇᨘᨊ ᨅᨂᨔᨕᨙ᨞ ᨕᨗᨉᨚᨊᨙᨔᨗᨐ ᨈᨑᨛᨉᨗᨑᨗ ᨄᨚᨒᨙ ᨄᨅᨊᨘᨓ ᨕᨔᨛᨒᨗ ᨄᨛᨑᨗᨅᨘᨆᨗ ᨐᨗᨊᨑᨗᨈᨘ ᨕᨚᨔᨛᨑᨚᨊᨙᨔᨗᨐᨛ ᨔᨗᨅᨓ ᨆᨙᨒᨊᨙᨔᨗᨐᨛ ᨐᨗᨊᨑᨗᨈᨘ ᨄᨅᨊᨘᨓ ᨕᨚᨔᨛᨑᨚᨊᨙᨔᨗᨐᨛ ᨐᨗ ᨀᨆᨗᨊ ᨆᨕᨙᨁ ᨊᨚᨆᨚᨑᨚᨊ ᨊᨛᨊᨗᨐ ᨒᨛᨅᨗ ᨆᨕᨙᨁ ᨆᨚᨋᨚ ᨑᨗ ᨕᨗᨉᨚᨊᨙᨔᨗᨐ ᨐᨗᨍ᨞᨞ ᨔᨘᨀᨘ ᨍᨓ ᨔᨗᨅᨓ ᨔᨘᨀᨘ ᨔᨘᨋ ᨆᨅᨛᨈᨘ ᨀᨒᨚᨇᨚ ᨔᨘᨀᨘ ᨅᨂᨔ ᨀᨆᨗᨊ ᨆᨒᨚᨄᨚ ᨔᨗᨅᨓ ᨄᨑᨛᨔᨙᨈᨔᨙ ᨒᨛᨈᨘ 57% ᨄᨚᨒᨙ ᨑᨗᨔᨗᨊᨗᨊ ᨄᨅᨊᨘᨓ ᨕᨗᨉᨚᨊᨙᨔᨗᨐ᨞᨞ ᨔᨅᨚᨐᨛ ᨊᨔᨗᨐᨚᨊᨒ ᨕᨗᨉᨚᨊᨙᨔᨗᨐ᨞ ᨅᨗᨊᨙᨀ ᨈᨘᨁᨒ ᨕᨗᨀ ⌊ᨔᨗᨒᨕᨗᨂᨛ ᨈᨄᨗ ᨈᨛᨈᨛ ᨔᨙᨉᨗ⌉, ᨅᨛᨈᨘᨓᨊ ᨀᨅᨛᨑᨁᨆᨛ ᨔᨚᨔᨗᨐᨒ ᨄᨂᨉᨛᨑᨛ ᨐᨗ ᨆᨅᨛᨈᨘ ᨔᨙᨉᨗ ᨕᨔᨙᨉᨗᨂᨛ ᨊᨁᨑ᨞᨞ ᨑᨗᨒᨕᨗᨊᨕᨙ ᨄᨘᨊᨕᨗ ᨈᨕᨘ ᨆᨕᨙᨁ ᨊᨛᨊᨗᨐ ᨕᨚᨋᨚ ᨆᨒᨚᨄᨚ᨞ ᨕᨗᨉᨚᨊᨙᨔᨗᨐ ᨄᨘᨊᨕᨗ ᨈᨊᨈ ᨐᨗ ᨊᨔᨚᨃᨚᨂᨗ ᨈᨗᨃ ᨀᨊᨙᨀᨑᨁᨆᨛ ᨖᨐᨈᨗ ᨐᨗ ᨀᨆᨗᨊ ᨆᨑᨍ ᨑᨗ ᨒᨗᨊᨚᨓᨙ᨞᨞