ᨄᨗᨊᨗᨔᨗ
[[Berkas:Taopere.jpg|right|jmpl|ᨄᨗᨊᨗᨔᨗ ᨄᨚᨒᨙ ᨑᨗ ᨄᨈᨚᨕᨙᨑᨙ᨞ ᨆᨀᨔᨑ]] jmpl|ᨁᨅᨑ ᨄᨗᨊᨗᨔᨗ ᨍᨊᨗᨔᨗ ᨒᨅ right|jmpl|ᨄᨗᨊᨗᨔᨗ ᨒᨅ ᨆᨄᨀᨙ ᨆᨔᨗᨊ ᨄᨗᨊᨗᨔᨗ ᨐᨗᨊᨑᨗᨈᨘ ᨀᨄᨒᨍ ᨈᨑᨛᨉᨗᨔᨗᨐᨚᨊᨒ ᨖᨔᨛᨊ ᨄᨚᨒᨙ ᨔᨘᨒᨓᨙᨔᨗ᨞ ᨕᨗᨉᨚᨊᨙᨔᨗᨐ᨞᨞ ᨐᨗ ᨄᨘᨊᨕᨗᨓᨗ ᨈᨚ ᨕᨘᨁᨗ ᨆᨀᨘᨈᨚᨄ ᨈᨚ ᨆᨀᨔᨑ᨞ ᨖᨘᨔᨘᨔᨛᨊ ᨄᨚᨒᨙ ᨑᨗ ᨓᨊᨘᨓ ᨅᨗᨑ᨞ ᨀᨌᨆᨈᨛ ᨅᨚᨈᨚ ᨅᨖᨑᨗ᨞ ᨀᨅᨘᨄᨈᨙ ᨅᨘᨒᨘᨀᨘᨇ᨞᨞ ᨄᨗᨊᨗᨔᨗ ᨐᨗᨑᨚ ᨔᨅᨊᨛᨑᨊ ᨕᨔᨛ ᨀᨄᨒ ᨒᨍ ᨐᨗᨕᨙ ᨆᨄᨘᨊᨕᨗ ᨉᨘᨓ ᨕᨒᨗᨑᨗ ᨒᨍ᨞ ᨐᨗᨊᨑᨗᨈᨘ ᨈᨛᨒᨘ ᨑᨗ ᨌᨄ ᨑᨗᨐᨚᨒᨚ᨞ ᨉᨘᨓ ᨑᨗᨐᨚᨒᨚ᨞ ᨔᨗᨅᨓ ᨉᨘᨓ ᨄᨚᨒᨙ ᨑᨗ ᨆᨘᨋᨗ᨞᨞ ᨅᨗᨐᨔᨊ ᨑᨗᨄᨀᨙ ᨕᨘᨈᨘ ᨆᨑᨀ ᨅᨑ ᨒᨗᨈᨔ ᨄᨘᨒᨚ᨞᨞ ᨉᨘᨓ ᨕᨒᨗᨑᨗ ᨒᨍ ᨄᨚᨀᨚ ᨐᨗᨑᨚ ᨑᨗᨄᨈᨛᨈᨘᨀᨂᨗ ᨉᨘᨓ ᨀᨒᨗᨆ ᨔᨖᨉ᨞ ᨔᨗᨅᨒᨙᨊ ᨄᨗᨈᨘ ᨒᨇ ᨒᨍ᨞ ᨐᨗ ᨅᨛᨈᨘᨓᨊ ᨍᨘᨆᨛᨒ ᨕᨐ ᨐᨗᨆᨊᨛ ᨔᨘᨑᨛ ᨕᨄᨈᨙᨖ᨞᨞ ᨄᨗᨊᨗᨔᨗ ᨐᨗᨊᨑᨗᨈᨘ ᨔᨗᨑᨘᨄ ᨀᨄᨒ ᨒᨍ ᨆᨄᨀᨙ ᨈᨍ ᨒᨍ ᨔᨛᨀᨘᨊᨑ ᨔᨗᨅᨓ ᨉᨘᨓ ᨕᨒᨗᨑᨗ ᨔᨗᨅᨓ ᨄᨗᨈᨘ ᨒᨇ ᨒᨍ ᨅᨛᨈᨘᨓᨊ ᨐᨗᨊᨑᨗᨈᨘ ᨊᨙᨊᨙ ᨆᨚᨐᨊ ᨅᨂᨔ ᨕᨗᨉᨚᨊᨙᨔᨗᨐ ᨓᨛᨉᨗᨂᨗ ᨊᨌᨛᨊᨙᨀᨗ ᨐᨗᨑᨙᨁ ᨊᨒᨒᨚᨕᨗ ᨄᨗᨈᨘ ᨈᨔᨗ ᨆᨒᨚᨓ ᨑᨗ ᨒᨗᨊᨚᨓᨙ᨞᨞
Sijara
Kappalaq aju Pinisi maitta sennanni ripaké ri Indonéssiya, yanaritu wettu mangngaba-aba ri olona, rekko riparekirakangngi kappalaq Pinisi engkani compa sebelunna taunna 1500 (baca: sisebbu lima ratuq). Menuruq arrukireng Lontaraq Babaq I La Lagaligo wettu abaq makka 14 (baca: seppulo eppaq), Pinisi pammula riyébbuq olé Sawérigading, anaq buranéna datuq Akkarungeng Luwu untuq mallaja ri tana Cina (Tiyongkoq?) elo nalamaraq anaq makkunraina polé Akkarungeng Cinaé riyaséng Wé Cudai.
Sawérigading salamaqi ri tana Cina sibawa naéwai mabbainé Wé Cudai. Puranna yaro, maitta na monro ri tana Cina, Sawérigading lisui paimeng ri kamponna mappaké Pinisi ri Luwu. Wettunna élo mattama ri tasiqna Luwu, rikénnai kappalaqna ombaq loppo nainappa kappalaq Pinisi yarodo mapué tellui sibawa mawangngi ri Wanua Ara, Wanua Tana Lemo sibawa Wanua Bira. Pabbanua ritellué wanua yéro nappa naébbui paimeng puépué kappalaq yérodo mancaji lopi nainappa naperengi aseng Pinisi. Toa Ara yanaritu pakkébbu babuanna kappalaqédé, ri Wanua Tana Lemo kappalaq yérodo irakiqi, samentara To Biraé marrancang kappalaq yérodo mancaji Pinisi sibawa pitu lajaé riébbui polé pappikkiriqna To Bira.
Engkato tau makkedda, aseng Pinisi yaé rialai polé aseng tau, yanaritu asengna Pinisi. Engka séddi wettu, yaro tauwé mallaja nalaloi wiring pantai Wanua Bira. Yaro mitai bangké kappalaq ri séddéna tasiqé kéro, nainappa aléna napudangi sala séddi pajokkai kappalaé yaro bawa lajaé yéro wedding mupa ripakessingngi. Wettunna yéro, To Birae mappikkiriq sibawa marrancang laja massesuwai agiyagi weddingngé napigauq. Pada wettunna puraé yero mancajini laja Pinisi padaé makkokowé. Polé pappudanna tauwé yéro, maka Pabbanua Bira naperéngngi lajaé yero aseng Pinisi.