Менск-1 (аэрапорт)

Файл:Belarus-Minsk-Airport Minsk-1 (2).jpg

Будынак аэравакзалу.

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  713Г000265

«Мінск-1» — аэрапорт у паўднёвай частцы Менску. Знаходзіцца за 4 км ад гістарычнага цэнтру гораду.

«Мінск-1» быў пабудаваны ў 1933 годзе, і тады ж зь яго выляцеў першы самалёт К-5. Увесну 1934 году тут прызямліліся тры самалёты По-2, што належалі Смаленскаму авіяпадразьдзяленьню спэцыяльнага прыстасаваньня Маскоўскага ўпраўленьня грамадзянскага паветранага флоту. Затым яны былі прыпісаныя да гэтага аэрапорту, што дало пачатак разьвіцьцю грамадзянскай авіяцыі ў Беларусі. У 1935 годзе былі адкрытыя першыя рэгулярныя рэйсы паміж Менскам і сямнаццацьцю раённымі цэнтрамі Беларусі, а ў 1936 годзе - першы паштова-пасажырскі рэйс паміж Менскам і Масквой.

Аэрапорт атрымаў міжнародны статус у 1955 годзе і ўжо ў 1970-х абслугоўваў больш за мільён пасажыраў у год.

Аэрапорт можа прымаць наступныя тыпы самалётаў: Ту-134, Ан-12, Ан-24, Ан-26, Ан-72, Ан-74, Як-40, Як-42, - а таксама ўсе тыпы гэлікоптэраў.

Ёсьць адна ўзлётна-пасадачная паласа даўжынёй 2000 м. і шырынёй 60 м., якая можа абслугоўваць паветраныя судны максымальнай узьлётнай масы да 63 т.

Цяпер аэрапорт працуе з 06.00 да 17.00. Ажыцьцяўляюцца пасажырскія рэйсы ў Маскву, Кіеў, Калінінград, Віцебск, Гомель і Магілёў.

Шаблён:Накід:Менск Менск-1 (аэрапорт) — сховішча мультымэдыйных матэрыялаў