Перайсці да зместу

Allen Telescope Array

З Вікіпедыі, свабоднай энцыклапедыі
Комплекс АТА, ва ўяўленні мастака
Комплекс АТА, ва ўяўленні мастака
Комплекс АТА, ва ўяўленні мастака
Арыгінал назвы Allen Telescope Array
Тып радыётэлескоп
Размяшчэнне 470 км на паўночны ўсход ад Сан-Францыска
Каардынаты
Вышыня 1280 м
Дыяметр 6 м адна антэна, агульны дыяметр рашоткі - 100 м.
Сайт: Афіцыйны сайт

Антэнная рашотка Аллена (The Allen Telescope Array. ATA) — суместны праект Інстытута SETI і радыёастранамічнай лабараторыі Каліфарнійскага ўніверсітэта ў Берклі. Тэлескоп з’яўляецца рашоткай з 42 спадарожнікавых антэн-талерак (плануецца, што ў будучыні іх колькасць дасягне 350) дыяметрам 6 м кожная. Такая рашотка дзейнічае як тэлескоп з антэнай дыяметрам 100 м. знаходзіцца на завяршальнай стадыі будаўніцтва і знаходзіцца ў абсерваторыі Hat Creec Observatory у 470 км на паўночны захад ад Сан-Францыска.

Адна з уваходзячых у комплекс антэн

Да красавіка 2011 года комплекс кругласутачна займаўся радыёастранамічным назіраннем нашай і іншых галактык, успышак гама-выпраменьванняў з мэтай пошуку іншапланяцян. Для гэтага АТА даследаваў 100 000 ці нават 1 000 000 навакольных зорак, змог ахапіць міліярд каналаў з частатой ад 0,5 да 11,2 ГГц, але нават гэты дыяпазон — кропля ў моры магчымых радыёчастот.

у тым, што такія сігналы будуць знойдзены, вядучы астраном праекта Сэт Шостак (Seth Shostak) практычна не сумняваецца. Праўда ён не разлічвае не тое, што знойдуцца такія замілавальныя істоты, якім быў іншапланяцянін у аднаіменным фільме Стывена Спілберга. акрамя таго, Шостак лічыць, што бліжэйшыя да нас разумныя істоты жывуць на адлегласці некалькіх (ці нават шматлікіх) светлавых гадоў, такім чынам, у бліжэйшай будучыні сустрэча двух сусветаў з’яўляецца нерэальнай. Прыйдзецца абмяжоўвацца радыёсувяззю. Хаця не выключана і тое, што ў іншай разумнай цывілізацыі будуць у наяўнасці тэхналогіі, якія дазволяць пераадолець такую адлегласць.

Дадзеный праект першапачаткова называўся 1hT (One Hectare Telescope), але потым быў пераіменаваны ў гонар аднаго з заснавальнікаў кампаніі Майкрасофт — Пола Алена, які фінансава падтрымаў будаўніцтва першага і другога этапаў комплексу (42 антэны), агулам выдаткаваўшы больш за 30 міліёнаў долараў. Акрамя таго, на асобных талерках замацаваны таблічкі з імёнамі тых мецэнатаў, на чые грошы тая ці іншая талерка была набыта.

У канцы красавіка 2011 года тэлескопы былі выключаны праз адсутнасць фінансавання[1]. Аб гэтым дырэктар інстытута SETI Том Пірсан паведаміў у лісце[2] да спонсараў[3]. У чэрвені Інстытут SETI правёў збор дабраахвотных сродкаў для запуска тэлескопаў[4]. Арганізатары збора сродкаў сцвяржалі, што для аднаўлення працы дастаткова сабраць 200 000 долараў. У жніўні 2011 года патрэбная сума для кароткатэрміновага функцыянавання была сабрана[5].

Зноскі

  1. ↑ Sahagun, Louis (2011-05-07). "SETI Institute's search for extraterrestrial life hits a budgetary black hole". Los Angeles Times(англ.).
  2. ↑ Tom Pierson. Status of the Allen Telescope Array (англ.). Інстытут SETI (22 красавіка 2011).
  3. ↑ "У Земли не хватило денег на поиск инопланетян". 2011-04-27.
  4. ↑ Join us (англ.). Інстытут SETI.
  5. ↑ Cook, John (2011-08-07). "Searsh for ET continues as Paul Allen-backed telescope hits short-term funding goal". Geek Wire(англ.).

Спасылкі

commons: Allen Telescope Array на Вікісховішчы

Шаблон:Радыёастраномія

Узята з "https://be.wikipedia.org/w/index.php?title=Allen_Telescope_Array&oldid=2866790"