Linux Mint

Linux Mint 11 («Katya»)
Распрацоўшчык	Clement Lefebvre і супольнасць
Сямейства АС	Linux
Заснавана на	Ubuntu, Debian
Першы выпуск	27 жніўня 2006
Апошняя версія	Linux Mint 16 "Petra" — 20 лістапада 2013 года
Падтрымлівае мовы	шматмоўны
Падтрымлівае платформы	x86, AMD64
Тып ядра	маналітнае (Linux)
Інтэрфейс	Cinnamon[d]
Ліцэнзія	розныя (галоўным чынам GPL)
Стан	актыўнае
Вэб-сайт	www.linuxmint.com
Медыяфайлы на Вікісховішчы

Mint (па-англ. «мята»; [мінт]): дыстрыбуцыя (distribution) адкрытага праграмнага забеспячэння на аснове аперацыйнай сістэмы Linux. Створаны на базе дыстрыбуцыі Ubuntu і арыентаваны на прастату ўжывання. Графік выпуску выданняў — не радзей аднаго разу ў шэсць месяцаў, а практычна, выданні могуць выходзіць і часцей за адзін раз у квартал.

Камплектацыя і канфігурацыя

Асноўным графічным асяроддзем дыстрыбуцыі Мінт з'яўляецца GNOME самага новага выдання. Камплектацыя праграмнага забеспячэння ўлічвае патрэбы як сервераў, так і рабочых станцый, і дазваляе сфарміраваць зручнае асяроддзе працы з дапамогай толькі аднаго інсталяцыйнага CD.

Адрозненні камплектацыі і канфігурацыі выпуску Mint 3.0 ад параўнальнага Ubuntu 7.04:

• новы mintInstall;
• адкрыццё Linux Mint Software Portal: http://www.linuxmint.com/software;
• паштар Thunderbird замяніў Evolution;
• Pidgin замяніў Gaim;
• Sunbird;
• Gnome-control-center заменены на mintConfig;
• Наяўнасць падтрымкі NTFS як праз mintDisk (для ўнутраных дыскаў), так і праз NTFS-Config (для вонкавых дыскаў);
• падтрымка Gnome Templates у mintDesktop;
• mintInstall замяніў gnome-app-install;
• падтрымка Drag & Drop у mintMenu;
• Sun Java 6 замяніла Sun Java 5;
• інсталююцца Compiz, Beryl і Emerald;
• новыя фоны;
• інтэграцыя Microsoft Windows (падвойнае счытванне?, поўная падтрымка NTFS (чытанне і запіс), Migration Assistant);
• інсталяцыя адным націсканнем (Linux Mint Software Portal, mintInstall);
• mintMenu;
• эфекты 3D (Compiz і Beryl на AIGLX);
• Google Earth, Picasa, Skype і іншае ПЗ у сховішчы (repository) на Linux Mint Software Portal.

Рэдакцыі

Дыстрыбуцыя мае некалькі рэдакцый, якія розняцца стандартным рабочым асяроддзем і некаторымі настройкамі. Найперш выпускаюцца рэдакцыі з Mate і Cinnamon. Потым, праз месяц-два, з XFCE і KDE. Зрэдку, дадаткова, бывае LXDE-рэдакцыя. Да таго ж раней існавала рэдакцыя з Fluxbox. Хтосьці з супольнасці карыстальнікаў часам робіць сваё выданне са сваім улюбёным рабочым асяроддзем і камплектам праграм. Напрыклад, для 15 версіі ёсць неафіцыйнае выданне са стандартным асяроддзем LXDE, якое адразу уключае htop, mc і іншыя праграмы, якія падаліся ягоным аўтарам патрэбнымі.

Спасылкі

Афіцыйна

• linuxmint.com Афіцыйная пляцоўка Linux Mint
• Атрыманне
• Вікі
• Афіцыйны форум
• Старонка на Distrowatch (англ.)