Драўляне

	Драўляне †
	Князь Ігар збірае даніну ў драўлян
Агульная колькасць
Рэгіёны пражывання	правабярэжжа Прыпяці
Мова	Старажытнаруская
Рэлігія	політэізм, хрысціянства
Блізкія этнічныя групы	дулебы, дрыгавічы, валыняне

Драўля́не — славянскае сярэнявечнае аб'яднанне на правабярэжжы Прыпяці ў VIII - XII стст.

Паходжанне

У "Аповесці мінулых часоў" назва драўлян тлумачыцца тым, што яны жылі ў лясістай мясцовасці, хаця, як вядома ў наш час, падобныя назвы сустракаліся і ў славян іншых рэгіёнаў Еўропы (гл. Дрэване), а таму могуць паказваць на даўнейшую племянную сувязь. Археолагі атаясамляюць драўлян з носьбітамі Лука-Райкавецкай культуры. В. В. Сядоў лічыў драўлян аўтахтонамі украінскага Палесся, прамымі нашчадкамі дулебаў (у гэтую групу ён таксама ўключаў дрыгавічоў, валынян і прыдняпроўскіх палян. Аднак некаторыя гісторыкі сцвярджаюць, што драўляне перасяліліся на землі дулебаў толькі ў VII ст.