Ver o código fonte de «Seta»

{{Nonconfundir|Cogomelo}}
{{Outros homónimos|Frecha}}
{{Produto}}
[[Ficheiro:Fleche Cartailhac MHNT PRE 2009.0.232.2 simple.jpg|miniatura|right|Punta de seta do [[Neolítico]]]]
[[Ficheiro:E38 p36.jpg|miniatura|320px|Tipos de setas indíxenas.]]
Unha '''seta''' ou '''frecha'''<ref>{{DRAG|frecha}}</ref> é unha arma ou [[proxectil]] que consiste nunha barra fina rematada en punta, que ten unha peza feita xeralmente de plumas no outro extremo para manter a estabilidade e que se lanza mediante un [[arco (arma)|arco]] ou unha [[bésta]]. Empregado dende a prehistoria, é común á maioría das culturas.

Unha seta consiste nunha hasta longa e fina, con sección circular, feita orixinalmente de madeira e agora tamén de [[aluminio]], [[fibra de vidro]] ou de [[fibra de carbono|carbono]]. É afiada na punta ou armada cunha punta de frecha nunha extremidade, dispondo na outra dun engaste ''(nock)'' para fixación na corda do arco. Hai unha gran variedade dispoñíbel de tipos de puntas de seta, axeitándose ao uso que se dará á frecha: deportivo, [[cinexética|caza]] ou [[militar]]. Achegado á extremidade posterior da seta colócanse superficies de estabilización que constitúen a plumaxe da frecha, a fin de axudaren na estabilización da traxectoria de voo. Xeralmente en número de tres, as plumas dispóñense ao redor da hasta formando un ángulo de 120º entre si. Nas frechas modernas as plumas fabrícanse en plástico e fíxanse cunha cola especial.

Os artesáns que fabrican setas son coñecidos como '''seteiros''' ou '''frecheiros''', este último termo relacionado coa palabra francesa: ''flèche''.

== Acción da frecha ==
Conforme a seta voa en dirección ao '''albo''' ou obxectivo, a súa hasta vaise entortando e flexionando dun lado para o outro, lembrando un peixe abanando fóra da auga, e caracterizando un fenómeno coñecido como [[paradoxo do arqueiro]].

O equipamento, especie de estoxo, usado para carrexar as setas usadas polos arqueiros desde a máis remota antigüidade é chamado '''[[alxaba]]'''.

== Derivacións do termo frecha ==
O termo '''frecha''' emprégase tamén para o [[símbolo]] gráfico utilizado universalmente para apuntar ou indicar dirección, sendo na súa forma máis sintética unha liña cun triángulo fixado nunha punta, e en formas máis complexas a representación dunha frecha de verdade. Pode ser utilizado para indicar unha posición no mapa, un ítem na pantalla dun computador (no caso dun cursor), ou nunha lista, por exemplo.

== Notas ==
{{Listaref}}

== Véxase tamén ==
* [[Arco (arma)]]
* [[Alxaba]]
* [[Tiro con arco]]

=== Ligazóns externas ===
* [http://www.manualdearqueiria.kit.net/ Manual de arqueiria] {{Webarchive|url=https://web.archive.org/web/20120815054238/http://www.manualdearqueiria.kit.net/ |date=15 de agosto de 2012 }}
* {{link|en|http://www.stortford-archers.org.uk/medieval.htm|Stortford Archery Club}} A física da arquería medieval
* {{link|en|http://library.thinkquest.org/27344/typebows.htm|Thinkquest: flechas}}

[[Categoría:Armas]]
[[Categoría:Tiro con arco]]