Прагляд зыходнага тэксту старонкі Тролі (Серадзем’е)

'''Троль''' ({{lang-en | Trolls}}) — у творах [[Джон Рональд Руэл Толкін|Дж. Р. Р. Толкіна]] — злосныя істоты, выведзеныя [[Моргат]]ам у [[Першая Эпоха Серадзем’я|Першую Эпоху Серадзем’я]], магчыма, у насмешку з [[Энты|энтаў]]. Тролі адрозніваюцца вялізным ростам і сілай, а таксама надзвычайнай выродлівасцю і тупасцю. Шкура троляў была тоўстай і грубай, кроў мела чорны колер. Любы троль, акрамя [[алагхай]], на сонечным святле ператвараўся ў камень. Тролі не будуюць ніякіх дамоў і жывуць у пячорах. Тролі сілкаваліся пераважна мясам — як сырым, так і прыгатаваным рознымі спосабамі (у аповесці «[[Хобіт, або Туды і назад]]» тролі доўга вырашалі, як з’есці гномаў: сырымі, смажанымі, зварыць або зрабіць з іх начынку для пірагоў), маглі забіць дзеля забавы, а нарабаванае дабро складалі ў пячоры. Так, менавіта ў пячоры троляў былі знойдзены даўно згубленыя [[Эльфы (Серадзем’е)|эльфійскія]] мячы [[Оркрыст]] і [[Гламдрынг]] (гл. «[[Хобіт, або Туды і назад]]»).

Усяго існавала чатыры разнавіднасці троляў: «класічныя» ''каменныя тролі'' [[Эрыядор]]а (з імі сутыкнуліся [[Більба Торбінс|Більба]] і [[Гномы (Серадзем’е)|гномы]] ў час паходу да [[Эрэбор]]а), ''пячорныя тролі'' [[Морыя|Морыі]] (яны не мелі пальцаў на нагах, з адным з іх сутыкнулася [[Брацтва Пярсцёнка]]), ''скальныя тролі'' [[Горгарат]]а (іх цела пакрывала луска) і ''[[алагхай]]'' — палепшаныя Саўранам тролі і паўтроллі-паўлюдзі, якія выступілі на баку Саўрана ў Бітве на Пеленорскіх палях.

Пасля знішчэння [[Пярсцёнак Усеўладдзя|Пярсцёнка Усеўладдзя]] тролі схаваліся ў глухіх месцах і, верагодна, з часам вымерлі.

На [[сіндарын]]е троляў называюць «торог».

{{Свет Серадзем’я}}
{{Мовы Серадзем’я}}

[[Катэгорыя:Серадзем’е]]
[[Катэгорыя:Народы Серадзем’я]]