Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Saterdag, 22 November 2025 Hier is tans 127 181 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die Keniaanse nasionale rugbyspan (Engels: Kenya national rugby union team; Swahili: Timu ya raga ya Kenya) is die nasionale rugbyspan wat Kenia in internasionale wedstryde (toetswedstryde) verteenwoordig. Hulle dra die bynaam Simbas (“die leeus”), genoem na die leeu (Panthera leo), Kenia se wapendier. Rugby word in Kenia geadministreer deur die Keniaanse Rugbyunie (Kenya Rugby Union, KRU; Swahili: Shirikisho la Raga Kenya) wat in 1970 gestig is. Kenia word deur Wêreldrugby as ’n vlak drie-span erken. Die Keniaanse rugbyspan is tans (November 2025) 36ste op Wêreldrugby se wêreldranglys gelys. Saam met Ivoorkus en Zimbabwe is Kenia tradisioneel een van die sterker nasionale Afrikarugbyspanne na die Suid-Afrikaanse Springbokke en die Namibiese Welwitschias.

Rugby in Kenia dateer uit die Britse koloniale tydperk en word sedertdien sterk deur die voormalige koloniale mag beïnvloed. Kenia het in 1954 sy eerste toetswedstryd teen Tanganjika (nou Tanzanië) gespeel. Hulle tuisveld is die RFUEA-veld in Nairobi wat in 1955 vir ’n Oos-Afrika-span teen die Britse en Ierse Leeus voorberei is. Die span het tydens die Afrikabeker twee titels ingepalm, vier keer in die derde en vier keer in die vierde plek geëindig. Hulle kon nog nie vir ’n rugbywêreldbekertoernooi kwalifiseer nie. Die Keniaanse span speel tradisioneel in rooi truie met swart broeke en groen sokkies – wat aan die kleure van die vlag van Kenia ontleen is. Een voormalige Keniaanse rugbyspeler is in Wêreldrugby se Heldesaal opgeneem.

...lees verder

In die nuus

Samoa bespreek die 24ste en laaste plek vir die Rugbywêreldbeker 2027 in Australië; Namibië versuim vir die eerste keer sedert 1999 om vir 'n rugbywêreldbekertoernooi te kwalifiseer.
Van 22 tot 23 November huisves Johannesburg die 30ste G20-spitsberaad met die Suid-Afrikaanse president Cyril Ramaphosa as sy gasheer.
Die voormalige Bangladesjiese eerste minister Sjeikh Hasina, wie haar in ballingskap in Indië bevind, is weens haar onderdrukking van die 2024-proteste in afwesigheid skuldig bevind aan misdade teen die mensdom en die doodstraf opgelê.
In die eindstryd van die 13de Vrouekrieketwêreldbekertoernooi op die DY Patil-stadion in Navi Mumbai verslaan die medegasheer Indië Suid-Afrika met 52 lopies en palm sodoende sy eerste vrouekrieketwêreldbekertitel in. Die verdedigende kampioen Australië en Engeland was die ander twee semi-finaliste.
Oos-Timor word die elfde lidland van ASEAN.

Het u geweet...

... dat regeringstroepe in Grenoble in Frankryk op die vooraand van die Franse Rewolusie met dakteëls bestook is? Dit het in 1788 in die sogenaamde "Dae van die Dakteëls" plaasgevind.

... dat Ayrton Senna die oggend op die dag van sy dood 'n vergadering van renjaers bygewoon het om veiligheid in Formule Een te bespreek?

... dat sekere vroue in die Victoriaanse tydperk arseen gemeng met asyn en kalk gedrink het? Dit is gedoen om hul gelaatskleur te verbeter en hulle velle ligter te maak as bewys dat hulle van 'n hoër stand is en nie in die landerye werk nie.

... dat Manfred von Richthofen, die Duitse vegvlieënier wat ook as die Rooi Baron bekend gestaan het, tydens die Eerste Wêreldoorlog tot 80 vyandelike vliegtuie afgeskiet het?

... dat in Australië en Nieu-Seeland meer skape as mense is? In Australië is daar 65,8 miljoen skape (2019) en 'n bevolking van 25,96 miljoen mense (2022), en in Nieu-Seeland 26,8 miljoen skape (2019) en 5 miljoen mense (2023).