Тоҷикӣ: Ин тасвири воқеии Манзумаи офтобӣ аст, ки бо рангҳо ва андозаҳои дақиқ бозсозӣ шудааст. Номҳои илмӣ авлавият дошта, номҳои суннатии эронӣ (чун Ноҳид ва Кайвон) бо ҳуруфи хурдтар илова гардидаанд.

Номҳои таърихии сайёраҳо ба шарҳи зерин аст:

Уторуд (Тир): Ин ном дар асл номи сайёраи Уторуд дар форсии бостон аст, аммо пайванди он бо «Тиштар» (эзиди борон) бештар ҷанбаи татбиқи мутааххир ва омиёна дорад. Ҳамчунин, «Тир» ба маънои «пайкон» аз решаи дигаре дар забонҳои эронии куҳан омадааст. Нисбат додани ин ном ба суръати сайёра баъдтар тақвият ёфтааст.

Зӯҳра (Аноҳита): Ин ном шакли дигари «Аноҳита», эзидбонуи покӣ, обҳо, борварӣ ва зебоӣ дар Эрони бостон аст. Дурахши хайракунанда ва беназири ин сайёра дар осмони шаб боис шуд, ки онро намод ва мазҳари ин илоҳа бидонанд. Дар адабиёти форсӣ низ ин сайёра ҳамчун «саъди асғар» ва намоди шодмонӣ, ҳунар ва мусиқӣ шинохта мешавад.

Миррих (Баҳром): Ин ном аз «Варҳром» (ё Веретрагна дар Авесто), эзиди пирӯзӣ, набард ва дарҳамшиканндаи муқовимати душманон гирифта шудааст. Ранги сурх ва оташини ин сайёра дар бовари қадимони эронӣ, ёдовари хашм, қудрат, хун ва салобати худои ҷанг буд. Дар толеъбинии куҳан, Баҳромро «наҳси асғар» меномиданд ва масъули ҷангҳо, диловариҳо ва низоъҳо дар ҷаҳони заминӣ медонистанд.

Муштарӣ (Ҳурмузд): Ин ном шакли кӯтоҳшуда ва таҳаввулёфтаи «Аҳурамаздо», худои бузург ва офаридгори доно дар ойини зардӯштии Эрони бостон аст. Ба далили азамат, бузургӣ ва рӯшноии бовиқори ин сайёра, ахтаршиносони куҳан онро ба офаридгори кулл ва мазҳари хайри мутлақ нисбат доданд. Дар адабиёт ва нуҷуми суннатӣ, ин ҷирми осмониро «саъди акбар» (бузургтарин хушқадам) ва намоди адолат, дониш ва подшоҳӣ мешумурданд.

Зуҳал (Кайвон): Ин ном вомвожае аз аккадии Каҷаману ба маънои «поянда, дерпо ва устувор» аст ва ҳаракати кунди ин сайёра баъдҳо бо ҳамин пойдорӣ татбиқ дода шуд. Дар толеъбинӣ ва нуҷуми куҳан, Кайвонро «наҳси акбар» (бузургтарин шумқадам) медонистанд, ки мазҳари торикӣ, сардӣ, пирӣ, инзиво ва сахтиҳои ҷаҳон буд.

Аҷроми осмонӣ, ки дар тасвир нишон дода шудаанд, иборатанд аз:

{Офтоб}

Сайёраҳои сангӣ: Уторид (Тир), Зӯҳра (Ноҳид), Замин ва Моҳ, Миррих (Баҳром).

Сайёраи кӯтоҳпайкар дар камарбанди астероидҳо: Сереpa.

Сипас Ғулҳои газӣ: Муштарӣ (Ҳурмузд) ва қамарҳои он (Ио, Европа, Ганимед, Каллисто), Зуҳал (Кайвон) ва қамарҳои он (Мимас, Энцелад, Тетис, Диона, Рея, Титан, Япет).

Сипас Ғулҳои яхӣ: Уран ва қамарҳои он (Миранда, Ариэл, Умбриэл, Титания, Оберон), Нептун ва қамари он (Тритон).

Сипас сайёраҳои кӯтоҳпайкар дар камарбанди Койпер: Плутон, Хаумеа, Макемаке, Квавар, Оркос, ва ду сайёраи кӯтоҳпайкар дар диски пароканда: Эрида ва Гунгун ба ҳамроҳи тамоми қамарҳояшон; ва як сайёраи кӯтоҳпайкар дар канори Манзума: Седна.

Бо сипос аз: CactiStaccingCrane, MotloAstro, Ardenau4, Grevera, NASA / ESA / ISRO / ISSDC / Justin Cowart / Gordan Ugarković

Асари муштақ ва тарҷума: Omarius257