Baselbieterlied

Das Baselbieterlied ist die heimliche Hymne des Halbkantons Basel-Landschaft.

Gedichtet wurde es von Wilhelm Senn (1845-1895) in basellandschäftlicher Mundart.

1.

Vo Schönebuech bis Ammel,

vom Bölche bis zum Ryh

lyt frei und schön das Ländli,

wo mir deheime sy

das Ländli isch so fründlig,

wenn alles grüent und blüeht

drumm hei m`r au keis Land so lieb,

wie euses Baselbiet,

drumm hei m`r au keis Land so lieb,

wie euses Baselbiet.

2.

Es wächsle Berg und Täli,

so liebli mitenand

und über alles use,

luegt mängi Felsewand

dört obe weide d`Herde,

dört unde wachst d`r Wy

nei schöner als im Baselbiet

chas währli niene sy,

nei schöner als im Baselbiet

chas währli niene sy.

3.

Die Baselbieter Lütli,

si gar e fliss`ge Schlag

si schaffe und si wärche,

soviel e` jede mag

die einte mache Bändel,

die and`re schaffe s`Feld

doch alli sy wenn`s immer goht,

gar lustig uf d`r Wält,

doch alli sy wenn`s immer goht,

gar lustig uf d`r Wält.

4.

Me seit vom Baselbieter,

und red` ihm öppe no

er säg nu

"mir wei luege",

er chönn nit säge "jo"

doch tuesch ihn öppe froge,

"wit du fürs Recht ystoh?"

Do heisst`s nit dass me luege well,

do säge alli "jo",

Do heisst`s nit dass me luege well,

do säge alli "jo".

Melodie zum Baselbieterlied

Siehe auch: Liste deutschsprachiger Regionalhymnen