Yano Tetu
Yano Tetu (Ji̍t-bûn: 矢野徹, 1923 nî 10 goe̍h 10, Ehime-koān, Matuyama-chhī), Ji̍t-pún kho-hoàn siáu-soat chok-ka, hoan-e̍k-chiá. I tùi 1940 nî-tāi bóe-kî khai-sí tōa-liōng kài-siāu Bí-kok ê kho-hoàn siáu-soat chok-phín hō· Ji̍t-pún-lâng chai. I sī thâu-1-ê hóng-būn Bí-kok ê Ji̍t-pún kho-hoàn chok-ka. I tàu hoat-khí Ji̍t-pún SF Chok-ka-hōe (日本SF作家クラブ), mā bat tam-jīm hōe-tiúⁿ (1978-1979).
Yano--sī tī Kobe-chhī tōa-hàn. Tī Tiong-iong Tāi-ha̍k (Tyuô Daigaku) tha̍k 3-tang ê chheh, liáu-āu hō· chèng-hú cheng-tiàu ji̍p-khì lio̍k-kun 2 nî koh 2 goe̍h-ji̍t. Ji̍t-pún chiàn-pāi liáu-āu, i tī Bí-kun ki-tē khioh pùn-sò tō· ji̍t-chí. I tùi Bí-kok peng-á tàn-hìⁿ-sak ê kho-hoàn siáu-soat ê chheh-phôe, ang-á chin ū chhù-bī, chū án-ne khai-sí o̍h tha̍k Eng-bûn. Kúi-nā-nî liáu-āu oân-nā liâu-lo̍h-khì hoan-e̍k ê sū-kang. Kàu-taⁿ hoan-e̍k liáu 360 pún chó-iū, te̍k-pia̍t sī Robert Heinlein, Frederik Pohl, Desmond Bagley, Frank Herbert téng-jîn ê chok-phín.
I ka-tī ê chhòng-chok ū "Origami Ú-tiū-chûn ê Thoân-soat" (折紙宇宙船の伝説).