Bân-oa̍t

Bân-oa̍t kap Se Hàn

Bân-oa̍t (Hàn-jī: 閩越 / 閩粵; Bân-tang-gí: Mìng-uŏk; Bân-pak-gí: Mâing-ṳ̆e; Phô͘-sian-gí: Máng-e̤̍h), mā hō-chò Bân-oa̍t-kok (閩越國) kap Bû-chu-kok (無諸國), sī chi̍t ê Hok-kiàn ê kó͘-chá ông-kok. Bân-oa̍t sī Pah-oa̍t Bân-oa̍t-cho̍k kiàn-li̍p ê kok-ka. Bân-oa̍t tī kong-goân chiân 202 nî khai-sí ê 60 chì 70 nî chi-kan, kok-le̍k ta̍t-kàu téng-sēng, sī hit-tong-sî Hàn-tiâu tang-lâm-bīn siōng kiông-sēng ê kok-ka chèng-koân. Bân-oa̍t-ông Bû-chu tī Siâⁿ-chhun kiàn-li̍p ê Ông-siâⁿ sī hit-tong-sî Tiong-goân tang-lâm-hong siōng-tōa ê siâⁿ-chhī.

Khí-oân

: Bân-oa̍h-cho̍k kap Bân-oa̍t bûn-hòa

Koan-hē Bân-oa̍t-cho̍k ê khí-goân, siōng-bô ū saⁿ khoán lí-lūn, chi̍t khoán sī jīn-ûi Tang-oa̍t (Bân-oa̍t-kok) sī chhun-chhiu sî-tāi hō͘ Chhó͘-kok siau-bia̍t ê Oa̍t-kok î-cho̍k hiòng lâm-pêng hoat-tián--ê; koh chi̍t khoán sī kóng Bân-oa̍t-cho̍k sī Ho̍k-kiàn chāi-tē ê Bân-cho̍k kap tùi pak-pêng Hōe-khe (會稽) hiòng-lâm sio ha̍p sán-seng--ê; ia̍h ū lí-lūn sī jīn-ûi in sī chāi-tē goân-chū-bîn ûi-chú hoat-tián--ê.