Bit

Bit sī tiān-náu kap sò͘-ūi thong-sìn chhái-ēng ê ki-pún chu-sìn tan-ūi. Chi̍t-ê bit thang hâm siang khoán sò͘-ta̍t ê kî-tiong chi̍t khoán, tùi-èng tī si̍t-thé ki-thâi ê siang khoán chōng-hóng. Chòe phó͘-thong ê khài-liām chiō sī ēng 0 he̍k-chiá 1 lâi piáu-ta̍t.

bit chi̍t jī, sī Eng-gí tùi binary digit (ì-sù: jī-chìn sò͘-ūi) kán-lio̍k lâi--ê. Tī chu-sìn lí-lūn, ū chi̍t-ê kap bit tùi-téng ê tan-ūi sī shannon.