Padde
- Dit artikel es geschreevn in 't Ypers, en da zou best ozô bluuvn.
| Geweune padde | ||||||||||||
|---|---|---|---|---|---|---|---|---|---|---|---|---|
.jpg) | ||||||||||||
| Taxonomische indêlienge | ||||||||||||
| ||||||||||||
| Sorte | ||||||||||||
| Bufo bufo Linnaeus, 1758 |
E padde (Latyn: Bufo bufo) is e bêeste die vele in West-Vloandern vôornkomt. 't Is en amfibie, e leeft dus in en uut 't woater.
Leevnswyze
Paddn leevn zeve nie in 't woater, ze kêern wel ieder joar were om eiers te leggn.
Je viendt paddn in olle sôort streek'n (wêen, busschn, stikk'n,...) en ze kolonieseern oek zêre nieuwe pittn (oek dedie die nie nateurlyk zien), mo je ziesse nie vele omdanze mêestol moa metn schemer uutkomm'n.
Z' eetn olle sôortn fernient en aar bêestn (tettienks, slekken,...)
Nunder grotste bedreigiengn zyn reigers, vossn en fiesjows (die 't vel, woa datter vergif inzit, ofdoen).
Padd'ntrek
Ieder joar tusschn begun februoari en olf april trekkn paddn were no de woaterpittn woa danze gebôorn zyn (ongeveer, want nieuwe woaterpittn in omtrek van bestoande pittn groakn oek ekoloniseerd) voen te poarn en eiers te leggn. Doavôorn moetn ze mêestol e hêel ende were kêern en anze toene e grôte boane over moetn steek'n, zyn der vele plat ereen. Doavôorn zyn der in vele gemêentn overzetakties voe de bêesn t'epn.
Achter danze gepoard en, kêern z'oek were, mo nie me zovele in ekêe.
Vôortplantienge
E padde legt eiers in 't woater in lange droan, mêesol roend en tusschn woaterplantn edroaid. At wuuvetje die eiers legt, bevrucht ventje ze beist datn up neur rik zit. Achter en ende kommn der doa dikkoptjes uut, die van e padde ossan schoezwort zien. Z'eetn toene surtout algn. Toene groein ze vors en ze krygn êest achterpôotn, toene vôorpôotn. Doarachter verteirt nunder steirt en krygn ze de vorme van en echte padde. 't Is van toene vors datn up't land go goan leevn.
Aar paddn in West-Vloandern
- Vroedmêesterpadde (Alytes obstetricans): roend Gilwe is er e populoatie, mo dat zyn der die uutgezet zyn en die van uut Itoalië kommn. Vroeger en der in West-Vloandern wel nog geleefd. De populoatie roend Gilwe is wel goed bezig. 't Vintje droagt de bevruchte eiers up ze rik mei. En oedt ze nat en smiet ze anze bykan moetn uutkomn in 't woater.
- Rugstreeppadde (Bufo calamita): e klêene padde met e strepe up ze rik. Kom't ollêne nog vôorn an de kust in De Panne, Koksyde en Nieuwpôort. Styf bedreigd.
