Voaderdag

Voaderdag es nen dag woarip da de voaders in de bloemekes gezet weirdn. 't Volt oltyd ip de twêede zundag van juni. Et weirdt gekenmerkt deur et feit da de kinders een knutselweirkske en een gedichtje moakn in schole ter êre van under voader.

Geschiedenisse

In 1909 wilde een Amerikoanse vrouwe eur voader êern, die achter de dôod van eur moeder by de geboorte van under 6de kind, allêne voo de kinders moeste zorgn. De êeste voaderdag kwam 't er een joar loate, ip 19 juni 1910 in Washington. In 1924 voerde president Calvin Coolidge en nationoale voaderdag in in Amerika, in 1966 eit president Lyndon Johnson ton beslist om da oltyd ip de derde zundag van juni te doen (in Amerika). Ondertussn wos et gebruuk ôok noa de reste van de weireld overgesleegn. In Belgje weirdt voaderdag ip de twêede zundag van juni gevierd.

Kritiek

Volgns sommigen es voaderdag ondertussn vôorol een commerciële bedoenienge gekoomn, woarvan da vôorol de commerçantn probeern te profiteern.