Willem Denys
Willem Denys (Roeseloare, 3 december 1911, Roeseloare, 10 moarte 1983) wos ne West-Vlamschen schryver die bekend gekommn es me zyn veroalen over de volksfigeure Peegie.
Zyn voadre Achiel en zyn moedre Margriet Schelpe woarn welgestelde minsen die commerce dêen in boent en chic textiel. Willem wos ’t zesde kiend in e menage van tien joenges. Je dei Latynrieksin ’t Klein Seminarie in Roeseloare, en loatre paktne de wienkel van zyn voadre over.
Willem Denys schrêef geirne, ol van kiends of. Je koste wok goed vertelliengskes en kluchten vertelln. Je begoste in 1964 were me nen olmenak van ’t Manneke uit de Mane, en je stichtte toen wok de Ridderorde.
"Peegie"
Willem Denys es nog ’t bekendst van zyn veroal over Peegie, ne Nieuwmarkter uut Roeseloare. Êest wos ’t 'n vervolgveroal in de Het Wekelijks Nieuws. Zyne moat F.R. Boschvogel zei dat ie d’r wok nen boek moeste van moakn. Loatr e es ’t wok bewerkt gewist vo tonêel, da wos e stik da vele succes a.