Yzerbedevoart
Den Izerbedevoart is e bedevoart die de gesneuvelde Vlamsche soldoat'n van d'n Êerst'n Weireldôorlog ('14 - '18) erdenkt.
Geschiedenisse
- De bedevoart is begun in 1920 in Koaskerke (Diksmude) en bestoat oek nu nog. De Vlams-Nationalist'n oud'n de erinnering van de Frontbeweging in leven: Nooit Meer Oorlog, Zelfbestuur en Godsvrede (het fameuze Izertestament). Anders gezeid: Gèn ôorlog ne mi, e zelfstandig Vloanderen en soamenwerkieng tusschen olle Vloamingn - wuk da nunder strekking oek is.
- Acht joar loater stoeg den Izertôorn der.
- De miserie begoste in d'n Twèd'n Weireldôorlog (1940-1945). Vele Vlams-Nationalist'n deejn mèj mèt'n Duuts. Sommigte woar'n overtugd da ze mè de Nazi's eindelijk en oenofankelik Vloandern ging krieg'n. Andere woar'n mèjlopers of woar'n opgestok'n (bievôorbeeld deur de kerke e pasters lik Cyriel Verschaeve). Nog andere moes'n ni weet'n van Nazi-Duutsland. Moar achter d'n Ôorlog zat het spel op de woagn: ol de Vlams-Nationalist'n, zoender utzoendering, woar'n bekeken voe collaborateurs. D'n Izebedevoart krêeg va toen of oek e 'zwort' kantje.
- In 1946 wierd d'n Izertôorn opgebloazen. De doader ezee nôojt gevoen.
- In de jaren '80 kwam'n d'r mêer en mêer neo-nazi's na d'n tôorn. Dedie add'n dudelik gèn bôodschap an "Nooit Meer Oorlog". 't Stoat pertank in verschillige toal'n op 'n tôorn geschrev'n.
- 't Izerbedevoartcomité oender leiding van voerol Lionel Vandenberghe wilde mêer vook trekken. Ze vertoald'n 't Izertestament na Vrede, Vrijheid en Verdraagzaamheid en stichende e museum. De Vloaming'n va de rechtervleugel, voerol Vlaams Blok (nu Vlaams Belang) en een dêel van de Volksunie (nu opgedêeld in Spirit en N-VA), wos nie 't akkôord mè Vandenberghe.
- Dieptepunt kwam in 1996 toe ze vocht'n op de wieje. Vele bedevoarders weez'n in de richting van 't Vlaams Blok.
- Sedert 2003 et de rechtervleugel een eigen 'bedevoart', noamelik de Izerwoake.