Frederik Deburghgraeve
Frederik (Fredje) Deburghgraeve (°1 juni 1973, Roeseloare) is de bestn zwemmre van België, dus zekers van West-Vloandern. J' i geboorn en ipgegroeid in Roeseloare. Zyn specialiteit wa schoolslag, de disepline woa dat 'n ip d' 100 meiter e goudn medaille i gewon in Atlanta in '96. Zinne trainer was ton den Ollander Ronald Gaastra.
Me zwemmn es ter nie vé geld te verdienn, doadeur verkôop 'n nu schoenn.
J'es wok nog en ende gemêenteroadslid gewist van Langemark-Poelkapelle, de gemêente woa dat 'n nu weunt (in de dêelgemêente Poekapelle.
Ôogtepuntn
- 1995 Europees kampjoen 100m schoolslag in Weenn
- 1996 Goddn medaille 100m schoolslag ip de Olympische Speeln in Atlanta
- 1996 Weireldrecord 1.00,60 (ip diezelfde Olympische Speeln)
- 1998 Weireldkampjoen 100m schoolslag in Perth
Trivia
- Roeseloare hêeft êen steedelyk zwembad doat de noame droagt van "Deburghgraevebad". 't Is êen hulde oan zwemkampioen Frederik Deburghgraeve, doar krêeg hy noamelyk zyn êestn zwemlessn in 't bad.[1]
Externe koppelienge
Hoe zou 't nog zyn met... Frederik Deburghgraeve? - focus.knack.be
- ↑ Frederik Deburghgraeve oovr 't levn noa olympisch goud. pietermoons.wordpress.com