Naktzoadign

Dat artikel es geschreevn in 't Noordelik West-Vlams.

---

Naktzoadign
Verschillnde naktzoadign
Taxonomische indêlienge
Ryk: Plantae (Plantn) Ounderryk: Embryophyta (landplantn)
Divisies
Pinophyta, Ginkgophyta Cycadophyta, Gnetophyta

De naktzoadign (Gymnospermae) zyn e groep van zoadplantn die de konifeern, cykoadn, ginkgo, en gnetoaln insluutn. De noame "Gymnospermae" komt van 't Grieksch inêengestookn wôord γυμνόσπερμος (γυμνός gymnos, "nakt" en σπέρμα sperma, "zoad"), tgêen wil zegn "mê nakt zoad", vôgns de nie ingeslootn toestand van undre zoad (genoamd ovuuln of eicelln o ze nog nie bevrucht zyn). Undre nakte toestand stoa teegnoovre de zoadn en ovuuln van de blommeplantn, die ingeslootn zyn in e vruchtbeginsl of ovoarium. Zoadn van naktzoadign oentwikkln undre tzy ip d' ippervlakte van schubn of bloarn vo keegles te vormn, tzy ip 't ende van korte stingltjies lik by Ginkgo.

De naktzoadign en bedektzoadign tegoare vormn de zoadplantn. Verre de grotste groep van leevnde nakzoadign is de konifeern of Pinophyta (pynboomachtign, cypresaschtign, en undre verwantn), gevôgd deur de cykoadn of Cycadophyta, gnetofytn of Gnetophyta (Gnetum, Ephedra en Welwitschia), en Ginkgo (êen ienkle leevnde sôorte).

Klassifikoasje

In vroegre klassifikoasjesystêemn wierdn de naktzoadign bekeekn lik e nateurlikke groep. Dr zoe'n nu bewyzn zyn da de leevnde naktzoadign gin "kloade" zyn . De verstêende oovrebluufsls van de naktzoadign bevattn veele verschillnde taxa die nie zittn in de vier moderne groepn, woaroendre zoaddroagnde boomn die ip voarns trekn (de zogenoamde zoadvoarns of Pteridospermatophyta) . O verstêende naktzoadign lik de Bennettitales, Caytonia en de Glossopteridales in beschowienge genoomn wordn, ist kloar da de bedektzoadign verweevn zittn in e grotre nakzoadign-kloade, oewêl da 't nie duudlik is wa datr undre dichtste verwantn zyn.

Verwyziengn

<references>