Sletse

E paor sletsn

E sletse is e sôorte schoeisel daj makkelik uut en an ku doen. De zeule is mêestol redelik kloek, mao kan toch buuhn, en da wordt an de voet h'hoedn deur ne soort beuhel of kappe uut zochte stoffaosje, wao daj met de voorkant van je voet kud in schuuvn.

Sletsn kuj bevoorbeeld hebruukn voer ip 't heet zand te wandeln aj noa 't strand haot, of voer aj je voetn te steekn aj uut bad komt. Vele mensschn hebruukn da wok voer in uus mee roend te loopn.

E sletse is nie 't zelfste lik ne sluffer: e sluffer bestao uut zochtere stoffe en wordt aljeene mee hebruukt voer in uus mee roend te loopn; dao kom je nie mee ip straote.