Dit artikel voldoe nog nie an 't gêne da je ku verwachtn van een artikel in nen encyclopedie en zoe nog mêer uutgewerkt moetn zyn. Doarom es 't tydelik ip de verwyderlyste gezet. Achter 2 weekn wordt er beslist wa dat er mee moe gebeurn.
Os 't artikel zodoanig verbeterd es dat 't wel past, mag 't patrôon weg.
Gemêente Wiengne
Liggienge in 't arroundissement Tielt in de provinsje West-Vloandern
Aloewel da Wiengne al vele in 't nieuws gewist èt vôor al da slicht is, is 't ier al beej al toch nog toamlik goe weunn. Die wil kan ier goe z'n brôod verdienn, en 't is nog skône weunn wok. Der zyn veel bossn surtout al de kant' van Blauwuus en de boane noa Beirnem ip, en round Sinte Pier. M'èn ier tefrente nieuwe verkoavlingn gèt en 't èn ier veel jounge mènsn kommn weunn.
Gemêentepolletiek
M'èn ier vroegre wel nogal wa akkelgoâten gêt met de politiek. Eingelek n'istorie di nog dateert van o bugemêestre Persén nog an woas, en ot'r ne kê twêe overgelôpn'èn van d'oppoziesje noa de CVP. En 'n spel dat da gewèst èt! T'ging gêene dag verbeej dat da nie ip den televizie kwoâm. T'sién dre die zegn' da hêel de mYzerie nog zoe te moâkn' èn me n'istorie eut n'oorloge; twa mè zwarte tegn' de witte. Eignlik véél te lang om tier allemoâle euteen te doen'.
't Latste woar ovre da s'ier neuj reuze ovre moakn, is ovre 'n nieuw oude-manuus. Vô t'kort te verteln m'èn ier nuej twêe oude-manuzn'; êen van de nun'n (Sint Anna) en êen van dn'ounderstand (an d'n Oêgweg). Ze zoen die twié neuj willn' tôpe smeltn' in êen nieuw, mo d'oppoziesje wil nie. E da sleept neuj al tien joar an zô da d'ode mènsn nog altyd in die oude gebouwn' zitn' die eignlik nie mêe van oezen tyd zin. Ze doen niet anders dan processn' doorovre, en ze zeggn' dat nog tien joar kan deurn'.
Sedert da Verkest an is, is de gemiènte wél styf veranderd. Nieuw kultuurcentrum, fuifzoàle spesjoàal voàr de jounge gastn, de platse hièl vernieuwd, enz... Ze zyn recht ut nie skuj van geld ut te gevn. M'èn wél ièn van de hôgste ipcentiemn' van de vloanders. We moetn' wél nog nie betôaln' vô t'konténerpark. T'is nen Euro vôa de veulzakkn'.
Brwôeôdwinninge
Mèn toon ne kêe de zwynepeste g'èd ôok. Ge moe weetn' Wiengne èt al altyd vrêe veel zwins g'èd. Moa da's neuj al vrêe geminderd. Nie van die peste zu! Moâ t'is neuj al ênigte joarn' dat de zwins gêen'en Euro mêe stoan, en de boern' zegn' da se doar nie mêer kunn' an verdien', en t'zin d'r al véel van eut geskêt.
M'èn hier in de plekke neuj veel joung'industie beej gekrégn'. No mo ves 'n nieuwe verkoavlinge ip den Hille me van alle sôrten industryn. En t'is ier neuj eigentlik rechtut 'n moderne gmêente gewordn'. T'èn ier wok altyd veel bouwoundernemers gewèst en meubelmoakeryn.
Socioal leevn en verkêer
Oj doet daj moet doen loat de pastre ôak iedrêen grust. t' Verynigingslevn trekt ier nog goe wok. Ge kunt zo zot nie bepeizn of t'is ne bound van. In de koartinge spéln' z'ier surtoe manieln', bién, en kleurewiezn'.
Gastn' van t'stad kom moa ne kêer of. Ge moe nievers betoaln' vôe te parkern'. M'èn êen van de skôenste zwemboadn' van verre in t'rounde; ênigte goe restorangs, tefrente skôone kafees, en oj lange genoog zoekt zuj meuglyks nog êen vindn me pintjes beneen nen'Euro.
Oj deur de platse passeert moej wél ipletn' daj nie gepakt wordt. Z'èn ier ôok 'n zone dertig g'enstalleerd, langst 'n brêe boane, en ge zit an dertig êer daj't weet. Surtoe an de vetpompe ip de boane no Tielt stoan ze dikwils te flitsn'. Boven de fêertig ang je dr' zékr' an.
Toale
t'Wiengns is eigntik t'écht, ôorsprounkelik West-Vloams. Iedrièn zal takkwôord zyn da Guido Gezelle den groetstn' West-Vlôams' dichtre ôoit is, en eigentlik van hêel t'Vlams toalgebied, (en meuglijks van olland der beej). Wél Guido Gezellen's moedertôale is t'Wiengens, want z'n moedre (Monica Devryze)was van Wiengne. T'is moâ daj t'weet. Oj de moedertoâle van den groetstn' vlôamsn' dichtre ôoit wil woêren is't beej ons daj moe zin.
Dit blad es nog nie gerêed vo Wikipedia.svg){kind=small}
Gemêente Wiengne
Vloandern
West-Vloandern