Apache HTTP Server
Apache HTTP Server, anca conosùo senplicemente come Apache (/əˈpætʃi/) el xe un Server web łibaro e multipiataforma distribuio baso i termini de ła licenxa Apache License 2.0. El xe sviłupà e mantegnuo da na comunità de sviłupatori che i fa riferimento a l'Apache Software Foundation.
Ła pì parte de łe instałasion de Apache łe xe fate su na distribusion GNU/Linux[1], ma el pol anca girar su Windows[2] e na gran varietà de sistemi Unix-like. Łe version pì vecie łe girava anca su OpenVMS[3], NetWare, OS/2 e altri sistemi operativi.
Originalmente baxà sol server NCSA HTTPd, el sviłupo de Apache el xe scominsià 'nte ła prima parte del 1995 dopo che el lavoro sul codexe de NCSA el se gà fermà. Apache ga xogà un ruolo inportante par ła cresita del World Wide Web[4], sorpasando vełocemente NCSA HTTPd come server web pì inportante, e el xe restà el pì conosùo da l'apriłe 1996. Nel 2009 el xe deventà el primo software par server web a servir pì de 100 milioni de siti[5]. A agosto 2018 jera stimà che el servise el 39% de tuti i siti ativi e el 35% de el milion de siti pì inportanti[6]
Notasion
- ↑ (EN) OS/Linux Distributions using Apachesecure1.securityspace.com.
- ↑ (EN) Platform Specific Notes - Apache HTTP Server Version 2.4httpd.apache.org.
- ↑ (EN) HP OpenVMS systems - Secure Web Server (based on Apache)h41379.www4.hpe.com.
- ↑ (EN) Netcraft Market Share for Top Servers Across All Domains August 1995 - today (monthly updated)
- ↑ (EN) February 2009 Web Server Survey, Netcraft. Entrada il 15 de marso 2013 (archivià il 26 February 2009).
- ↑ (EN) August 2018 Web Server Survey, Netcraft.