Advanced Encryption Standard

Nell'arte del scrivar sconto, l'AES (Advanced Encryption Standard, metodo tradissionae avansà par scondare l'informassion) xe on metodo basà soi blochi che tradissionalmente vien doparà dal governo merican par scondare e informassion.

El xe 'na costrussion pì specifica de 'n altro metodo, el Rijndael, e visto chel xe publico e ritegnù sicuro, se pensa che pì vanti vegnarà doparà in tuto el mondo cussì come che xe capità par el metodo che se doparava prima, el DES (Data Encryption Standard, metodo tradissionae par scondare l'informassion); chel xe 'sta abbandonà parché par come chel gera fato se ga visto che no gera sicuro.

El NIST (National Institute of Standards and Technoloy, Istituto Nassional dei metodi condivisi e dea Tecnologia) e a US FIPS PUB li ga scumissià a dopararlo nel novembre del 2001, dopo sinque anni passai a studiar e selessionar el metodo mejo tra tanti altri presentai.

El metodo scelto ze 'sta costruio da do esperti del mestiero che vien dal Belgio, Joan Daemen e Vincent Rijmen, ch-i lo ga presentà alle selession par l'AES col nome "Rie jndael", un smissiotto tra i loro nomi. Rijndael, in fiammingo, se dixe in maniera simile a "rèin-daal".