Loria

Modeło:Comune Loria el xe on comune de 9 210 abitanti de ła provincia de Trevixo.

Storia

El nome xè ligà ała via Aurełia, strada romana che da Padoa te porta fin a Asolo. I documenti veci i riporta i toponimi Aurilia (972), Lorgna (1175), Lorlea (1221), Lorlia. Altri invese i attribuise l'orixine del toponimo a na faméja del logo, i da Loria, anca se pì probabilmente i xè stai łori a ciapare el nome da ła locałità e nò viseversa.

Dopo ła cadùa del'inpero roman Loria xè stà invaxa dai barbari, da Exelin da Roman e poi da Venesia.

Loria e tute łe so frasion łe xè tra łe locałità coinvolte inte łe visende che, tra l'XI secoło e el XIII secoło, i gà visto cofà protagonista ła potente faméja de i Ezzelini. I sentri i xè sitai inte'l conputo de łe molte propietà de ła caxata, stilà dopo ła so sconfita avegnùa inte'l 1260.

Inte'l 1754 el viłaxo de Loria xè stà teatro de un misterioxo fenomeno naturałe, i cussiditi «foghi insendiari», che i gà provocà oltre 80 insendi de abitasion, caxoni, siepi inte'l arco dei mexi primaveriłi. El fenomeno se gà manifestà fin dai primi ani del '700 inte i viłaxi sircostanti de Ramon, Godego, Rosan, Gałiera e gaveva atirà l'atension de studioxi e eruditi del tenpo. Da ultimo ghè gaveva dedicà atension anca Scipione Maffei inte'l tentativo de individuar na spiegasion rasionałe al fenomeno.