Wikibooks
Wikibooks, inisialmènte ciamà Wikimedia Free Textbook Project e Wikimedia-Textbooks, 'l xè un projeto multiłèngue pà ła racolta de e-book (overo libri eletronisi, cioè che nò i xè fati de carta) gratuiti e dal contenùo libaro, rivolti in particołare a i studenti, come libri de testo, manuałi e libri comentai, de publico dominio. Eso mira a jutare l'(auto)istrusion sia de studenti che de insegnanti de tuti i livełi.
Partìo el 10 de lujo 2003, al novenbre 2010 contava pì de 4800 modułi par sirca 300 libri inte ła version in łengua itałiana. El pì grando Wikibooks xè in łengua inglexe có 35.500 modułi inte ło steso periodo.
El projeto xè stà ativà in seguito a na domanda del wikipedian Karl Wick par 'vere un logo 'ndove scominsiar a costruire dei libri de testo open content, ad exenpio pà ła chimega organica o pà ła fìxega, al fine de ridure i costi e altre limitasion inerenti ai materiałi de aprendimento.
Alcuni dei primi libri i xera conpletamènte orixinałi, altri testi copiai da altre fonti libare scovae in rete. I contenùi del sito i vien rilasiài in CC-BY-SA e GFDL. I contributi i xè senpre propietà dei loro creatori, mentre ła licensa copyleft garantise che i contenùi i rimarà senpre liberamènte distribuibiłi e riprodusibiłi.
Dopo che so alcuni Wikibooks (itałian, inglexe, todésco, spagnoło, fransexe) xera stà ativà el portałe Wikiversity, un anbiente de aprendimento 'verto e na comunidà de riserca, che 'l fornise corsi online, el projeto se gà sucesivamènte stacà e Wikiversità in łèngua itałian xè ativa ora sul sito de Wikiversity.
Difarense có Wikisource
Ła prinsipałe difarensa che ghè xè tra Wikibooks e Wikisource xè che el primo se ocupa de redixere libri, manuałi, testi comentai scriti ex novo mentre Wikisource se ocupa de '"digitałixare" testi xà editi presedentemènte so ła carta.
Ło scopo de Wikibooks xè queło de preparare libri có finałità didatica, in modo da esar utiłi a chiunque pà ło studio, l'autoaprendimento, o ła senplise voja de saver de pì.
Sicome sti libri i vien scriti in maniera asołutamente vołontaria e libara da vincołi, i testi i xè dinamisi, in costante axornamènto có l'ajuto de tuta ła comunidà, utenti registrài e nò. Ciò vałe anca par Wikisource ma có ła soła limitasion che, tratandose de testi xà editi, esi i gavarà corispondare exatamente al testo de ła fonte cartacea, partanto na olta raxonta l'identità tra version dixitałe e cartacea, el libro 'l vien xudicà conpleto.
Altri projeti
Wikimedia Commons el detien imàjini o altri file so Wikibooks
el detien schemi gràfeghi so