FC Dnipro
Dnepr futbol klubi ( ukraincha: Футбо́льний Клуб «Дніпро́») – Dniproda shahrida tashkil etilgan futbol klubi.
2018-yilda FIFA tomonidan Dnipro futbol klubi futbolchilar va menejerlarga va'da qilingan pul kompensatsiyalarini to'lamaganligi uchun ko'plab qonuniy da'volar tufayli bankrot bo'lishga majbur bo'ldi. Hozirgi paytda SC Dnipro-1 futbol klubi Dnipro futbol klubining norasmiy o'rinbosari hisoblanadi[1].
Klub 1918-yilda tashkil etilgan. Sovet ittifoqi davrida klub SSR ko'ngillilar sport jamiyati(inglizcha: Soviet Volunteer Sports Society) "Metallurg" a'zosi bo'lgan (shundan keyin Metallurg/Metalurh va Stal nomlarini olgan) va 1961-yilgacha Petrovskiy Dnipropetrovsk metallurgiya zavodi tomonidan moliyalashtirilgan. Keyinchalik klub Janubiy Yuzhmash mashinasozlik zavodi tomonidan qo'llab-quvvatlandi va ruscha Dnepr, ukraincha Dnipro nomlari bilan faoliyat yuiritib kelmoqda. Dnepr nomi bilan xalqaro musobaqalarda qatnashgan. Sovet ittifoqi davrida klub Ukrainada joylashgan ikkinchi raqamli eng muvaffaqiyatli klub bo'lib, Sovet ittifoqining eng yuqori ligasida 1983 va 1988-yillarda g'alaba qozongan. Sovet Sotsialistik Respublikalari Ittifoqi qulaganidan so'ng klub xususiylashtirilgan.
Tarixi
BRIT
Klub 1918-yilda Petrovskiy fabrikasi tomonidan tashkil etilgan va BRIT(ruscha: Брянский рабочий индустриальный техникум) deb nomlangan. Klub Katerynoslav hududiy chempionatida ishtirok etgan. BRIT klubi uy uchrashuvlarini "Sokil" stadionida o'tkazgan, bu kichik stadion Pushkin va Yuriy Savchenko ko'chalarining kesishmasida joylashgan. Bu stadionda BRIT klubidan tashqari yana toʻrtta klub uy uchrashuvlarini oʻtkazgan.
Petrovets - Stal - Metalurg
Birinchi jahon urushi boshlanganida BRIT futbol klubi 1925-yil 9-mayga qadar tarqatib yuborilgan. Klub nomi 1926-yilda "Petrovets"ga o'zgartirilgan va shu nomi bilan birinchi mavsumda ishtirok etgan. Klub 1936-yilda birinchi SSSR Oliy Ligasida Stal nomi bilan qatnashgan. 1947-yilda jamoa Dnipropetrovskning boshqa klubi Dnipropetsk Dynamo bilan birlashgandan so'ng SSSR Oliy Ligasida yana ishtirok etadi. 1949-yildan 1961-yilgacha jamoa Metallurg deb nomlangan. 1950-yildan 1952-yilgacha u yomon natijalar tufayli havaskorlar oʻrtasidagi chempionatga tushurilgan. 1954-yilda Metalurg Dnipropetrovsk USSR kubogining yarim finaliga yetadi va Spartak Yerevan klubi tomonidan tormor etiladi.