API
Application Programming Interface (API) - foydalanuvchi interfeysidan farqli ravishda, ikki yoki undan ortiq kompyuter dasturlari o'zaro bog'lanishi va muloqot qila olishi uchun ishlatilinadi[1]. Bu turdagi aloqa yoki intefeysni ishlab chiqish, yoxud foydalanishni tavsiflovchi hujjat API spesifikatsiyasi (inglizcha: API specification) deb nomlanadi.
Kompyuter va insonni bog'lovchi fodalanuvchi interfeysidan farqli ravishda, API kompyuterlar yoki dasturiy ta'minot qismlarini bir-biri bilan bog'lashda ishlatiladi. API oddiy foydalanuvchilar tomonidan emas, balki, dasturchilar tomonidan foydalanish uchun mo'ljallangan.
APIning asosiy maqsadlaridan biri tizimning ichki detallarini yashirib, dasturchi uchun kerak bo'ladigan qismlarini ochiqlash va ichki detallar o'zgargan taqdirda ham ularni izchil saqlashdan iboratdir. API ma'lum bir tizim juftligi uchun moslashtirilgan, yoki, ko'plab tizimlar o'rtasida o'zaro ishlash imkonini beruvchi umumiy standart tarzida ishlab chiqilgan bo'lishi mumkin.
APIlarning bir qancha, jumladan, dasturlash tillari, dasturiy ta'minot kutubxonalari, operatsion tizimlar va kompyuter hardveyri uchun ishlatilinadigan turlari mavjud. API atamasi 1960-1970-yillarda paydo bo'lgan bo'lsa ham, ushbu texnologiyaning tarixi 1940-yillarga borib taqaladi. API atamasining hozirgi kundagi qo'llanilishi odatda internetga ulangan kompyuterlar o'rtasida aloqa o'rnatish imkonini beruvchi veb-APIlarga ishora qiladi[2]. APIlarning rivojlanishi mikroservislarning mashhurlikka erishishiga ham sababchi bo'lgan[3].
- ↑ Reddy, Martin. API Design for C++. Elsevier Science, 2011 — 1-bet. ISBN 9780123850041.
- ↑ Lane. „Intro to APIs: History of APIs“ (en-US). Postman (2019-yil 10-oktyabr). — „When you hear the acronym "API" or its expanded version "Application Programming Interface," it is almost always in reference to our modern approach, in that we use HTTP to provide access to machine readable data in a JSON or XML format, often simply referred to as "web APIs." APIs have been around almost as long as computing, but modern web APIs began taking shape in the early 2000s.“. Qaraldi: 2020-yil 18-sentyabr.
- ↑ Wood. „Global Cloud Microservices Market (2021 to 2026)“ (en-US). businesswire.com (2021-yil 25-avgust). Qaraldi: 2022-yil 29-mart.