Kontent qismiga oʻtish

Java Development Kit

Vikipediya, erkin ensiklopediya


Java Development Kit
Ishlab chiquvchiOracle korparatsiyasi
Operatsion tizimWindows, Linux, macOS
Platformaaarch64, x86-64
LitsenziyaOracle No-Fee Terms and Conditions(NFTC)
Vebsayt:oracle.com/java/technologies/
Dasturlash tili:Java, C, C++, Assembler

Java Development Kit(JDK) Oracle korporatsiyasi tomonidan ishlab chiqilgan Java texnologiyasining distributsiyasidir. U Java tili spetsifikatsiyasi(JLS) va Java virtual mashina spetsifikatsiyasini (JVMS) qo'llaydi va Java dasturlash interfeysining(API) standart nashrini (SE) taqdim etadi. Bu Oracle tomonidan tashkil etilgan OpenJDK hamjamiyatining loyihasidir. [1] Ushbu to'plam Java ilovalari bilan ishlash uchun dasturiy ta'minotni taqdim etadi. Misol uchun, Java dasturchilari uchun zarur bo'lgan virtual mashina, kompilyatorlar, samaradorlikni monitoring qiluvchi asbob-uskunalar va shu kabi boshqa zaruriy utilitlarni o'z ichiga olgan.

Oracle ushbu dasturiy ta'minotni hozirgi versiyasini Oracle No-Fee Terms and Conditions(NFTC) litsenziyasi ostida ishlab chiqarmoqda. Oracle distributsiyani hozirda x86-64 arxitekturasidagi Windows, Linux, macOS operatsion tizimlari, hamda aarch64 arxitekturasidagi macOS va Linux tizimlari uchun ishlab chiqadi. Eskiroq versiyalari esa Oracle Solaris operatsion tizimi va SPARC arxitekturasini qo'llab quvvatlaydi.

Shuningdek, Oracle JVMS-ning asosiy implementatsiyasi HotSpot (virtual mashina) nomi bilan ham tanilgan.

JDK tarkibi

JDK o'zining asosiy komponentlari sifatida quyidagi dasturlash vositalari to'plamiga ega, jumladan:

  • appletviewer – bu vosita Java ilovalarini veb-brauzersiz ishga tushirish va test qilish uchun ishlatilishi mumkin.
  • apt – annotatsiya uskunasi [2]
  • extcheck – JAR faylidagi konfliktlarni aniqlaydigan yordamchi dastur
  • idlj – IDL dan Java-ga o'tkazuvchi kompilyator. Ushbu yordamchi dastur Java IDL faylidan Java bog'lanmalarini yaratadi.
  • jabswitch – Java Access Bridge(o'zb. Java Kirish Ko'prigi) hisoblanadi va Microsoft Windows tizimlaridagi assistant uskuna va texnologiyalarni ishga tushirib beradi.
  • java – Java ilovlalari uchun yuklovchi dastur. Ushbu vosita mashina tarjimoni bo'lib, javac kompilyatori tomonidan yaratilgan klass fayllarini tarjima qilib beradi. Ushbu dastur yordamida ishlab chiqish va ishga tushirish jarayonlarini birgalikda amalga oshirish mumkin.
  • javac – Java kompilyatori hisoblanib, dastur kodini Java bayt kodiga o'giradi
  • javadoc – manba kodidan avtomatik ravishda yaratilgan dokumentatsiyalar generatori
  • jar – tegishli klass kutubxonalarini bitta JAR fayliga to'playdigan arxivator. Ushbu vosita JAR fayllarini boshqarishga ham yordam beradi.
  • javafxpackager – JavaFX ilovalarini paketlash va imzolash uchun vosita
  • jarsigner – jar imzolash va tekshirish vositasi
  • javah – nativ metodlar yozish uchun ishlatiladigan C header va stub generatori.
  • javap – klass faylini qismlarga ajratuvchi vosita.
  • javaws – JNLP ilovalari uchun Java Web Start ishga tushiruvchisi.
  • JConsole – Java monitoringi va boshqaruv konsoli.
  • jdb – xatoliklarni tuzatuvchi yordamchi dastur.
  • jhat – Java Heap tahlil vositasi (eksperimental).
  • jinfo – Ushbu yordamchi dastur ishlayotgan Java protsessidan yoki ishdan chiqqan dumpdan konfiguratsiya ma'lumotlarini oladi. (eksperimental)
  • jmap Oracle jmap - Xotira xaritasi – Ushbu yordamchi dastur Java uchun xotira xaritasini chiqaradi va umumiy ob'ekt xotira xaritalarini yoki ma'lum jarayon yoki yadro to'plamining yig'ma xotira tafsilotlarini chop etishi mumkin. (eksperimental)
  • jmc – Java Mission Control
  • jpackage – dastur to'plamlarini yaratish uchun vosita. (eksperimental)
  • jps – Java Virtual Machine Process Status Tool asbobi hisoblanib, aniq tizimda moslashtirilgan HotSpot Java Virtual Machines (JVMs) ro'yxatlarini ko'rsatadi. (eksperimental)
  • jrunscript – Java buyruqlar qatorining skript shell-i hisoblanadi.
  • jstack – Java oqimlarining Java steklarini chop etuvchi yordamchi dastur (eksperimental).
  • jstat – Java virtual mashinasi statistikasini monitoring qilish vositasi (eksperimental).
  • jstatd – jstat daemon vositasi(eksperimental).
  • keytool – keystore-ni boshqarish uchun vosita
  • pack200 – JAR kompressor vositasi.
  • xjc – XML Binding (JAXB) API uchun Java API ning bir qismi. U XML sxemasini qabul qiladi va Java klasslarini yaratadi.

Eksperimental vositalar JDK ning kelajakdagi versiyalarida mavjud bo'lmasligi mumkin.

JDK to'plami, shuningdek, "oddiy" JRE to'plamidan ajratilganligi va qo'shimcha komponentlarga ega bo'lgan, odatda private runtime deb ataladigan to'liq Java Runtime Environment (JRE) bilan birga keladi. U Java virtual mashinasi va dasturiy muhitida mavjud bo'lgan barcha klass kutubxonalaridan, shuningdek, dasturchilar uchun foydali bo'lgan qo'shimcha kutubxonalardan, masalan, xalqaro kutubxonalar va IDL kutubxonalaridan iborat.

JDK ning barcha versiyalari Java API ning deyarli barcha komponentlaridan foydalanadigan dasturlarning keng qamrovini o'z ichiga oladi.

Boshqa JDKlar

Ushbu maqolada muhokama qilingan eng keng tarqalgan JDK-dan tashqari, turli platformalar uchun boshqa JDK-lar mavjud bo'lib, ularning ba'zilari Sun JDK manbasidan ishlab chiqilgan, ba'zilari esa yo'q. Hammasi asosiy Java spetsifikatsiyalariga amal qiladi, lekin ko'pincha kompilyatsiya strategiyalari va optimallashtirish metodlari kabi sohalarda bir-biridan farqlanadi. Ularga quyidagilar kiradi:

Ishlab chiqilgan yoki texnik xizmat qo'llab-quvvatlash rejimida:

  • Azul Systems Zing, Linux uchun JDK; [3]
  • Azul Systems / OpenJDK asosidagi Zulu, ushbu JDk Linux, Windows, Mac OS X ga o'rnatilgan[4].
  • OpenJDK / IcedTea ;
  • Aicas JamaicaVM ;
  • IBM J9 JDK, AIX, Linux, Windows, MVS, OS/400, Pocket PC, z/OS uchun; [5]

Qo'llab-quvvatlanmaydigan yoki to'xtatilgan:

  • Apache Harmony ;
  • Apple kompaniyasining Mac OS Runtime; Klassik Mac OS uchun Java JVM/JDK [6].
  • Blackdown Java – Linux uchun Sun's JDK porti; [7] [8]
  • GNU Classpath va GCJ (Java uchun GNU kompilyatori);
  • Oracle korporatsiyasining Windows, Linux va Solaris uchunJRockit JDK; [9]

Shuningdek qarang

Ma'lumotnomalar

  1. ↑ „OpenJDK FAQ“. OpenJDK. Qaraldi: 2021-yil 23-oktyabr.
  2. ↑ „JDK 5.0 Java Annotation Processing Tool (APT)-related APIs & Developer Guides -- from Sun Microsystems“. Qaraldi: 2012-yil 5-avgust.
  3. ↑ „Azul Zing product page“.
  4. ↑ „Azul Zulu download page“.
  5. ↑ „developerWorks : IBM developer kits : Downloads“. Qaraldi: 2012-yil 5-avgust.
  6. ↑ „Support at Apple“. 2007-yil 13-dekabrda asl nusxadan arxivlangan.
  7. ↑ „Java Linux Contact Information“. 2007-yil 7-avgustda asl nusxadan arxivlangan. Qaraldi: 2012-yil 5-avgust.
  8. ↑ „Java-Linux Latest Information“. 1996-yil 19-oktyabrda asl nusxadan arxivlangan. Qaraldi: 2012-yil 5-avgust.
  9. ↑ „JRockit Family Download page“. Qaraldi: 2012-yil 5-avgust.

Tashqi havolalar

"https://uz.wikipedia.org/w/index.php?title=Java_Development_Kit&oldid=3859902" dan olindi