Kvevri

Kvevri (gruzincha: ქვევრი; G'arbiy Gruziyada churi (ჭური) nomi bilan ataladi) - an'anaviy gruzin sharobini fermentatsiya qilish va saqlash uchun foydalaniladigan yirik sopol idish. Kvevrilar tutqichsiz katta tuxum shaklidagi amforalar kabi yer ostiga ko'miladi yoki ko'plab sharoblar saqlanadigan joy poliga o'rnatiladi. Kvevrining hajmi 20 litrdan 10 000 litrgacha bo'ladi.

Gruziyaning janubidagi Kvemo Kartli viloyatida (xususan, Dangreuli Gora, Gadachrili Gora va Imiri qishlog'ida) olib borilgan arxeologik qazishmalar natijasiga ko'ra, miloddan avvalgi 6-ming yilliklarga oid uzum urug'lari hamda kvevrilari haqida dalillar topilgan.^[1]

Kvevrida sharob tayyorlash jarayoni uzumni bosib, so'ngra uzum sharbati, po'stlog'i, poyasi va urug'ini kvevriga quyishdan iborat hisoblanadi. Keyin sharob fermentatsiya qilinadi, bu esa kamida besh oydan olti oygacha vaqt olishi mumkin. Undan so'ng bo'sh kvevri tozalab yuviladi, ohak bilan sterilizatsiya qilinadi va to'ldirish maqsadida unga asal mumi ham solinadi.

An'anaviy gruzin sharoblari bir xil usulda tayyorlanmaydi. Umumiy xususiyat shundaki, ular kvevrida butunlay yerga ko'miladi. Qolgan sharobni tayyorlash jarayonlari deyarli bir xil. Natijada, sharob Yevropa standartlariga ancha yaqinlashadi.

↑ T. Glonti, Traditional technologies and history of Georgian wine (Abstract, PDF file) (Wayback Machine saytida 2015-06-05 sanasida arxivlangan), in Le Bulletin de l'Organisation internationale de la vigne et du vin, July–August-September 2010

[1] T. Glonti, Traditional technologies and history of Georgian wine (Abstract, PDF file) (Wayback Machine saytida 2015-06-05 sanasida arxivlangan), in Le Bulletin de l'Organisation internationale de la vigne et du vin, July–August-September 2010

[1]