Java dasturlash tili

Java dasturlash tili — bu ob'yektga yo'naltirilgan dasturlash tilidir. Bugungi kunga kelib kompyuter va Internetda ishlovchi ko‘plab foydalanuvchilar Java haqida bir oz bo‘lsada tushunchaga ega bo‘lganlar. Aksariyat professional dasturchilar esa uni o‘rganishni boshlab yuborganlar. Java dastirlash tilida C va C++ tilining konstruksiyalari, operatorlari va funksiyalaridan yetarlicha foydalanilgan bo‘lib, u yangicha uslubdagi ob’yektga yo‘naltirilgan tamoyillar kiritilgan. Unda dastur tuzish va o‘rganishning osonligi, yaratilgan dasturlarning ixtiyoriy platformada ishlata olish, Internet uchun ixcham dasturlar tuzish, xotirani “chiqindi”lardan avtomatik tozalash, imkoniyatining mavjudligi uning ommabopligini oshirdi. Java dasturlari Java virtual mashinasi (JVM) deb ataluvchi mexanizmning bayt-kodlari orqali kompilyatsiya qilinganligi uchun ixtiyoriy operatsion tizimda ishlay oladi. Shu sababli, Java dasturlarining ishga tushirilishida vaqt ko‘proq talab qilinadi. Ko‘pchilik foydalanuvchilar uni shu tomonlama tanqid ostiga olishadi. JAVA tilining imkoniyatlari:

• Java – tilining asosiy yutuqlaridan biri uning tez o’zgaruvchanligidir. Bu til dasturlash muhitiga va dasturlash yondashuvlariga tez moslasha oladi. Undan nafaqat ilovalar yaratishda, balki Internet uchun dasturlar yaratishda ham foydalanish mumkin.
• Xavfsizlik (ishonch yuq kodni xavfsiz ishga tushirish).
• Xotirani xavfsiz boshqarish (avtomat ravishda keraksiz ma’lumotlarni yig’adi)
• Tarmoqda dasturlash
• Ko’p oqimli (Multi-thread) dasturlash

Quyidagi farqlar bilan Java C/C++ dan ajralib turadi

• header fayllar yo’q
• Preprocessorlar yo’q
• Goto yo’q
• Unicode belgilar
• Avtomat musorlarni yig’adi
• Ko’rsatkich (pointer) yo’q
• Operatorlarni qayta yuklash qilish yo’q
• Dasturda barcha vazifalar class tushunchasi bilan boshlanadi
• Global o’zgaruvchi va funksiyalar yo’q

Havolalar

• [1] Javaning asosiy sayti.
• [2] Javada ishlovchi NetBeans dasturlash muhiti sayti.