Buganu

Umkhosi weBuganu Eswatini ngumkhosi wekugubha sivuno sekucala. Lomkhosi wentelwa Lutsango wonkhe mnyaka - wenteka esigodlweni saseHlane, aphindze enteke nasesigodlweni saseBuhleni.

Umkhosi weBuganu wenteka emalanga lamatsatfu. Ngelilanga lekucala, Lutsango luyetfula kuwo emakhosi lasuke amelelwe nguMhlekazi Indlovukazi. Lutsango lwetfula tipho letehlukene, lokufaka ekhatsi buganu, tibhidvo nalokunye kudla. Ngelilanga lesibili, Lutsango luyagidza neMakhosi, bese eMakhosi abeka tinkhulumo uma sewuyawuphela umsebenti. Lokulandzela loko kutsi Lutsango lungene emkhandlweni kanye nawo eMakhosi laholwa ngiyo Ingwenyama Mswati III, lugidze kute kuse.

Ngelilanga lesitsatfu, Lutsango luyakhululeka luye emakhaya, netipho leluphiwa tona ngiwo eMakhosi.

Ngemnyaka wa2025, Ingwenyama isungule liholide labomake lolutogujwa ngeMsombuluko lolandzela umkhosi weBuganu.^[1]^[2]

Umkhosi weLutsango

Umkhosi weBuganu ngumsebenti lohlanganisa lutsango lwakaNgwane. Ngulapho khona lutsango lufike lushiyelana khona timfundziso ngemphilo, lokufaka ekhatsi tindzaba tebufati, tindlela tekutiphilisa, kukhulisa bantfwana, kanye nekufundza lokunyenti ngemihambo nemasiko.

Loku kushiwo yincenye yelutsango uma ibutwa ngawo umkhosi weBuganu.^[3] ^[4]

Tentfutfuko Ngekwemnotfo

Labanyenti baphawula ngekutsi umkhosi weBuganu uphindze abe neluhlangotsi lwekutfutfukisa umnotfo wabo bomake, kanye nalendzawo lapho ubanjelwa khona lomsebenti weMkhosi weBuganu.

Ngekuholwa ngiyo Indlovukazi, inkapane lekutsiwa yiSwazi Secrets yasungulwa ngawo uMkhosi weBuganu. Lenkapani yabomake yakha emakha, tinsipho, kanye nalokunye kwekutimonyonga ngekusebentisa wona Emaganu. ^[5]Emva kwekukha emaganu, ahlatjwe kulungisela kuphisa Buganu, tinganu letiphuma ekhatsi tiyasilwa kuphuma lokungekhatsi lokusetjentiswa kwakha kona kwekutimonyonga netinsipho. Lenkapane seyitfutfuke seyize itsengise nasetiveni letingesheya kwelwandle.

Umkhosi weBuganu uphindze anike bosomabhizinisi bendzawo kanye nelive lonkhe kutsi bete lapho kuhlangane khona live batewutsengisa loko labakusebentako.

Tinkhomba

↑ "Archive copy". Archived from the original on 2025-05-22. Retrieved 2025-05-22.
↑ https://www.youtube.com/watch?v=3YpgquSTyCU
↑ https://www.facebook.com/100095666821584/videos/997319952313356/
↑ https://www.facebook.com/100095666821584/videos/1298133688080210/
↑ https://buyeswatini.com/store/swazi-secrets/category/marula-oil/

[1] "Archive copy". Archived from the original on 2025-05-22. Retrieved 2025-05-22.

[2] ttps://www.youtube.com/watch?v=3YpgquSTyCU

[3] ttps://www.facebook.com/100095666821584/videos/997319952313356/

[4] ttps://www.facebook.com/100095666821584/videos/1298133688080210/

[5] ttps://buyeswatini.com/store/swazi-secrets/category/marula-oil/

[1]

[2]

[3]

[4]

[5]