Help:Stairtin a new page

A new page differs frae a blank page: the latter haes a page history. Houaniver, makking a new page is juist like editing a blank page, but that the message that is in MediaWiki:Newarticletext kythes. That can differ frae ae project ti the ither.

New pages can be made bi follaeing a link ti a missin page ("reid link") or bi editin the hindmaist bit o the URL o anither page i the same project. It is uisefu to mak a page by follaeing a link, or ti mak links to the new page richt aifter makking the page, to evyte the new page being orphaned.

(For general editin maitters, sic as the o the wikitext, see Help:Editin.)

General precepts

• Rake ti see gif somebodie haes written a like page or no afore ye stairt ane yersel.
• Review conventions o the project ye'r working in aboot sic things as:
  • the namin; see also Help:Page name.
  • gif anither page is justified or no; aiblins it is better ti eik the text ti a related page (especially gin the text is nae that lang); that page can aye be split later, aifter it haes grown.

Starting a page frae an existin link, aifter makkin ane, or aifter a rake

Ti stairt a new page, ye can stairt frae a link ti the title o the new page. Anither wey is ti rake (as ye shuid haev duin afore) wi the Gang button an comin up wi nothing, pressin "mak the article".

Internal links ti missin pages are maistly made afore makking the page, an/or ti encourage ither fowk ti mak it. They aften leuk different frae links ti existin pages, dependin on yer settins: anither colour or wi a quaisten mairk (sometimes they are cried "reid links" aifter ane o the defaut settins).

Sic a link is ti the edit mode o the missin page, an allous makkin it, juist like editin a blank page.

Afore follaeing the edit link, decide gif ye want ti give the new page the name suggestit. If no, first edit the link on the referrin page.

Of coorse ye can aye mak the link yersel, in a relatit page or index page. Houaniver, it micht be better to wait ti mak links till aifter makking the new page, mair sae gin the link wuid replace ane ti an existing page. In that case ye can mak the link but juist press "Shaw preview", nae "Hain page" (a previewed link works an aa) or juist mak the link first on yer uiser page.

Mynd that links on relatit pages are nae juist convenient for navigation, but mak fowk tak tent o the new page forbye, (them that happen to read a relatit page, but them that watch sic a page an aa).

Stairting a page through the URL

Pittin in the URL for a page that haesna bin made will shaw a regular page.

The page at that URL will shaw the defaut 'nae airticle' message (see MediaWiki:Noarticletext). The new page will hae the usual edit link, that will allou oniebodie ti begin eiking content.

Sae a "broken link" frae within or outwith the project is, in a wey, nae raellie broken, as lang as the first bit o it is richt.

Editin the last bit o the URL for an existing page (in the same project) is an aesie wey to mak the URL for a new page.

An interwiki link ti a missin page gies the same result, but isna recommendit.

Ti get access til a MediaWiki project wi aa the links at the edges, but athoot superfluous loadin o onie page, ye can beukmairk a missin page.

Makking an empty page

Nou an then it is uisefu ti mak an empty page. For exemplar a template can be made sic that, dependin on a parameter, it produces either juist a staundard text or else an addeitional text. This is duin bi haeing it caa anither template, that's name is a parameter; ae version o the ither template hauds the addeitional text, the ither version is blank. See optional text.

A blank page canna be made directly; first mak an unblank page, wi juist the ae character, then edit the page ti blank it.

Proteckin a page frae being creatit

It isna raellie possible ti proteck a page frae being creatit, but ye can mak a page with a staundard text sic as in w:en:Template:Deletedpage an proteck that page. Mynd that sometimes a terminology like "This page shuidna be creatit." is uised een tho, for the seistem, the page exists. Sae it isna richt for shawin a link ti a missin page.