Sas pàginas sighentes frunint una ghia in s'istile e su càbidu de sos artìculos de Wikipedia e ispiegant sa comunidade de Wikipedia e importantes polìticas e cunventziones. Custu est unu tutorial de base, no unu manuale ampru e cumpletu o un'ambiente interativu. Pro àteros detallios subra calesi siat informatzione in su tutorial, podes fàghere click in sos link a unas àteras pàginas de risursas in su mentras chi leges, aberende·los in una bentana o ischeda separada de su browser.
Unu video breve subra de su tastu "Modìfica" e ite si podet fàghere si ses corazosu! (in inglesu e sutaliniadu in sardu)
Comente a contributore nou, ti dias pòdere intendere azigu subrafatu dae sas dimensiones e de sa portada de custu situ. Niunu de sos impitadore noos podet cumprèndere totu in unu primu mamentu e nd'est atzetàbile impreare su bonu sensu mentras si protzedit a sos càmbios. Wikipedia non ti permitit de creare, revisionare e modificare articulos ebbia, ma meda de prus! Tenes petzi bisòngiu de ammentare chi mentras b'ant medas protocollos, su primore no est pedidu, ca Wikipedia est unu work in progress. Sa modìfica collaborativa signìficat chi sos primos abbotzos incompletos o iscritos male si podent isvilupare in su tempus in artìculos primorosos.
S'obietivu de un'artìculu de Wikipedia est cuddu de creare unu summàriu cumpletu e iscritu in modu neutrale de sos connoschimentos atuales generales in unos argumentos: Wikipedia non pùblicat chircas originales. Un' entziclopedia est, pro natura sua, una fonte tertziària chi frunit una rassegna de informatziones giai publicadas in su restu de su mundu. Tando rechergiamus chi sas informatziones siant verificàbiles in fontes esternas e fidadas. In manera ideale, totus sas informatziones si depent referire a fontes esternas fidadas, tzitende·las. Cando s'agiunghent cuntènnidos e si creant artìculos noos, est importante un'istile entziclopèdicu cun unu tonu formale. Imbetzes de iscrìere in manera de sazu, proende a argomentare o supònnere, sos artìculos de Wikipedia diant dèpere tènnere un'istile simpre e cun sa mera espositzione de sos fatos.
Wikipedia non tenet medas règulas istrintas; ma sas polìticas, sas lìnias ghia e sas normas pro su formatu sunt isvilupadas dae sa comunidade pro descrìere sas mègius pràticas, crarire sos prìntzipios, risòlvere sas cuntierras e lòmpere a sos obietivos nostros. Totus sos impitadores diant dèpere sighire sas normas sotziales generales. Sa comunidade de Wikipedia tenet persones de medas paisos e culturas, cun puntos de bista, opiniones e connoschèntzias diferentes; in carchi casu custos vàriant in manera ampra. Sos editores si depent tratare cun respetu su unu cun s'àteru, traballare paris in manera collegiale e evitare cumportamentos chi non si podent atzetare.
