Wikipedia:Tutorial/Fontes
| Fontes |
Custa est un entziclopedia, ammenta·ti tando chi est pretzisu annànghere sos riferimentos, pònnere sa lista de sos giassos web, sos giornales e dogni àtera fonte impreada. Ogni pàgina noa o curregida depet èssere basada subra fontes esternas solidas. Custu non cheret nàrrere chi podes copiare e incollare sos testos pigados dae fontes esternas, francu chi cantos minoreddos de testu. Sas pàginas noas o sas modìficas podent èssere burradas si non respetant sas regulas de Wikipedia e tenent violatziones de su deretu de autore.
Riferimentos
A su solitu sos riferimentos sunt annantos diretamente a pustis che su fatu chi suportant, a sa fine de sa frasia e chene signu diacriticu. Wikipedia permitit a sos impitadores de impreare su metodu shi preferint pro su chi pertocat sas tzitatziones de sas fontes. Sos metodos comunes pro sos riferimentos sunt sas notas a sa fine sa pàgina, sas notas reduidas, e sas notas intro de parèntesis.
Bi sunt tres metodos fundamentales pro annànghere riferimentos a su testu de una pàgina. Podes impreare unu metodu o una cumbinatzione de sos tres:
- refToolbar, prenande sos ispatzios de un'ischeda cun sa informatziones bibliogràficas
- VisualEditor, unu trastu isperimentale
- Tzitazione manuale cun su còdighe
Wiki markup
Sa manera prus comune pro creare una tzitazione in sa riga de su testu est de impreare su Wiki markup e agiùnghere ref tags in antis e a pustis de sa fonte, gai:
<ref>Sa fonte tua</ref>
Cando as publicadu sa modìfica, su ref tag at a cunvertire sa fonte tua in una tzitatzione (che a custa[1]), cun su testu chi aparit in sa setzione Riferimentos a s'agabu de sa pàgina.
Si sa tzitatzione chi ses ponende est unu ligàmene esternu, pone s'URL intro de una paja singula de parèntesis cuadras, e pone carchi testu chi at a èssere ammustradu che a unu ligàmene. Pro esèmpiu:
<ref>[http://www.nytimes.com/article_name.html Article in ''The New York Times'']</ref>
Mancari non siat dimandadu, est meda menzus si pones prus informatziones in su riferimentu. Unu riferimentu prus intreu est:
<ref>Name of author, [http://www.nytimes.com/article_name.html "Title of article"], ''The New York Times'', date</ref>
Est menzus a non impreare ligàmenes a sa sola, chene àteros testos.
Àteras ghias
In sas pàginas de sos templates de tzitatzione as a pòdere agatare àteras ghias e infomatziones pro imparare comente insertare tzitatziones fatas a sa minuda:
- Template:Tzita web
- Template:Tzita libru
- Template:Tzita noas
- Template:Tzita publicatzione
- Template:Tzita TV
- Template:Tzita vìdeu
- Template:YouTube
VisualEditor
Su VisualEditor l'impreas cando incarcas subra su tastu "Modìfica" in artu in sa pàgina. Pro insertare unu riferimentu, lassa prima su puntadore ue lu cheres pònnere. Faghende click subra su tastu "Tzita" s'at a abbèrrere un'ischeda de dialogu chi ti permitit de pònnere sos detàllios de su riferimentu.
Bi sunt duos modos simples pro creare riferimentos noos: automàticu de su totu (ponende petzi s'URL) o manuale (ue pones sas informatziones in unu template).
Su modu automàticu est su prus fatzile de impreare. Wikipedia, medas bortas, podet di fatis creare in manera automàtica sos riferimentos impreende s'URL chi pones tue. Si b'at carchi cosa chi no andat bene, lu podes semper modificare a pustis.
Podes fintzas pònnere sas informatziones de unu riferimentu in manera manuale, seberende intre unas cantas categorias. Si sa categoria chi ses chirchende non b'est, podes impreare su "Mòdulu de base".
Aberende sos templates de tzitazione, in VisualEditor, as a pòdere fintzas agatare sas descritziones, e, si t'ant a serbire, sas informatziones pro cada campu disponìbile pro insertare datos. Pro sas informatziones, bastat a incarcare su butoneddu ammustradu in custa immàgine.