Carla van Leeuwen
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.| Pais di nashonalidat | Reino Hulandes  |
|---|---|
| Nòmber di dilanti | Carla |
| Fam | van Leeuwen |
| Fecha di nasementu | 15 ougùstùs 1955 |
| Lugá di nasementu | Caracas |
| Fecha di fayesimentu | 28 ougùstùs 1980 |
| Lugá di fayesimentu | Willemstad |
| Tata | Boeli van Leeuwen |
| Dominio di idioma | Hulandes, Ingles |
| Writing language | Hulandes, Ingles |
| Okupashon | poeta |
Carla Adolphine van Leeuwen (☆ 15 di ougùstùs 1955 na Caracas – † 28 di ougùstùs 1980 na Willemstad) tabata un poeta di Kòrsou. Huntu ku e poetanan Oda Blinder i Aletta Beaujon e ta okupá un lugá úniko den poesia di Kòrsou na idioma hulandes.
Biografia
Carla van Leeuwen tabata yu di Dorothy Debrot i di outor Boeli van Leeuwen. E tabatin un ruman hòmber i un dos ruman muhé menor. Na 1959, na edat di kuater aña, e ta muda pa Kòrsou. E tabata alumno di Dr. A. Schweitzerschool i despues PSC. E ta bai Hulanda pa studia idioma spaño, pero su estadia tabata breve. Bek na Kòrsou e ta kontinua su estudio na Akademia Pedagógiko.[1] Aki el a kuminsa skirbi poema i manera mayoria poeta el a kuminsa publiká su obranan den revista, entre otro den Kristòf.[2] Na edat di 24 aña Van Leeuwen ta debutá ku e kolekshon Because. Esaki tabata kontene diessinku poema, shete na hulandes i ocho na ingles. Segun resensia di Enrique Muller e kolekshon, sin ni sikiera usa e palabranan polítika, pobresa, odio, lucha of eksplotashon, tabata representa un krítika implísito riba sosiedat.[3] Otro tema hopi trata den su poesia ta e posishon intermedio entre mucha i adulto; un posishon ku no tabata fasil pa Van Leeuwen. Sinembargo amor lo por yuda kombatí sentimentunan molestoso.
Na 1980 i ku apenas 25 aña, el a pone fin na su bida dor di bula for di Koningin Julianabrug.[4] Motibu pa cual el a keda sin laga hopi obra atras. Na 2019 a deskubri diferente obra sin publiká, entre otro un kolekshon titulá Interval i algun poema los. Kombinando esakinan ku su promé kolekshon a saka un publikashon di 44 poema na 2021 bou di e título Because en andere gedichten.[5]
Na 1979 el a kasa ku Cor de Boer.
Obra
- 1979 - Because, Sticusa
- 2021 - Because en andere gedichten, Uitgeverij In de Knipscheer
Fuente, nota i/òf referensia
|