Premio Boeli van Leeuwen
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.| Fecha di fundashon òf kreashon | 2009  |
|---|---|
| Nòmber duná di | Boeli van Leeuwen |
Premio Boeli van Leeuwen (ofisialmente Premio Willem C.J. ‘Boeli’ van Leeuwen), ta un premio general di kultura ku ta dediká na e poeta i eskritor Boeli van Leeuwen (1922–2007). E ta wòrdu otorgá kada dos aña na persona of instansia aktivo riba tereno kultural, hurídiko, gobernamental, sosial òf periodístiko i ku mediante prestashon intelektual ekstraordinario a kontribuí na un profundisashon sientífiko, kual riba dje a sali for di su enbolbimentu den sosiedat.[1]
Desde 2009 ta otorgá e premio bi-anualmente riba Boeli van Leeuwen su dia natal óf rondó di 10 di óktober.[2] E premio ta konsistí di un suma di plaka di 10 mil florin, un akta ofisial di Gobiérnu di Kórsou i un eskultura chikitu di bròns trahá pa e eskultor hulandes Cornelis Zitman, internashonalmente renombrá, bibá na Caracas i amigu di hopi aña di Boeli van Leeuwen. E eskultura di 23 séntimeter haltu ta mustra Boeli den un posishon pensativo riba su kópi kófi i ku su sombré inseparabel. E premio a wòrdu realisá riba instigashon di Nic Møller (1937-2015) di Hotel Avila na Willemstad, unda Boeli van Leeuwen te su morto tabatin su lugá fiho pa bebe kòfi i diskuti ku amigu i konosirnan riba temanan literario, kultural, polítiko i konstitushonal.[3]
Ganadó
- 2009 − Henny Coomans (1929-2010) i Maritza Coomans-Eustatia (1940-2002) − pa nan investigashon kultural-históriko tokante literatura antiano
- 2011 − Rose Mary Allen − pa su investigashon antropológiko tokante sosiedat kurasoleño
- 2013 − Tania Kross, Randal Corsen i Carel de Haseth – pa Katibu di Shon, e promé opera na papiamentu
- 2015 − Angela Roe − pa su dokumentario Sombra di Koló, un treinta intrevista tokante e influensia di rasa i koló di kueru riba bida diario, den kolaborashon ku Hester Jonkhout i Selwyn de Wind
- 2017 – Mariano Luis Heyden – pa su trabou periodístiko
- 2019 – Norman Moron - pianista
- 2021 – no a otorga pa via di e pandemia
- 2023 – Orlando Cuales - pa su trabou periodístiko
Mira tambe
Fuente, nota i/òf referensia
|