ߡߊ߬ߟߌ ߓߌ߬ߟߊ߬ߡߊ ߖߊ߲߬ߖߏ߲ ߠߎ߬( ߓߋ߬ߒ߬ߞߊ߲߬ߠߌ߲߬ ߥߊߟߋ ߟߎ߬)

ߡߊ߬ߟߌ߬ߞߏ ߓߌ߬ߟߊ߬ߡߊ ߕߎ߬ߢߊ:ߌߛߊ߫ ߛߌ߬ߛߋ߫ ߓߟߏ߫ ߸ ߝߊ߬ߙߊ߲߬ߛߌ߫ ߛߌ߰ߓߊ߮

ߝߊ߬ߙߊ߲߬ߛߌ߫ ߕߴߊ߲ ߘߍ߬ߢߐ߲߰ ߢߌߡߊ ߘߌ߫ ߞߎߣߎ߲߬ ߸ ߊ߬ ߕߴߊ߲ ߘߍ߬ߢߐ߲߰ ߢߌߡߊ߫ ߘߌ߫ ߓߌ߬ ߸ ߊ߬ ߞߏ߬ߣߌ߲ ߘߏ߲߬ߣߍ߲߫ ߡߊ߬ߟߌ߬ߘߋ߲߬ߖߎ߮ ߘߏ߫ ߟߎ߫ ߘߐ߫ ߸ ߦߏ߫ ߦߊߘ ߊߜ߭ߊߟߌ߫ ߣߌ߫ ߊߡߊߘߎ߫ ߞߎߝߊ߬ ߣߴߊ߬ߟߎ߫ ߢߐ߲߰ߘߐ߫ ߟߎ߬، ߓߊ ߝߊ߬ߙߊ߲߬ߛߌ߫ ߞߊ߬ ߟߊ߬ߕߍ߰ ߛߓߍ ߘߏ߫ ߕߊ߬ ߡߊ߬ߟߌ߫ ߞߐ߰ߘߎ߯ ߞߊ߲ߡߊ߬ ߞߊ߬ߦߌ߯ ߁߉߅߇ ߡߍ߲ ߘߌ߫ ߘߌ߲߬ߞߌߙߊ ߏ߬ ߕߏ߫ ߊ߬ߟߋ ߕߦߊ ߘߐ߫ ߞߘߊߎ߫ ߦߋ߲߬ ߘߎ߰ߞߘߐ߬ ߣߊ߲ߝߟߏ ߕߣߐ߬ߓߐ߬ ߞߊ߲ߡߊ߬ ߞߊ߬ ߦߌߟߊ ߏ߬ ߕߐ߯ߟߊ߫ ߞߏ߫ "ߞߐ߰ߘߎ߰ ߕߌ߲ߞߎߘߎ߲ ߠߎ߬ ߟߊߘߍ߬ߣߍ߲ ߛߌ߲߬ߝߏ߲߬ߧߊ߬ߟߌ" (ߞ.ߕ.ߟ.ߛ.). ߝߊ߬ߙߊ߲߬ߛߌ߬ߞߊ߲ ߘߐ߫ "ߏߙߑߜ߭ߊߣߌߖ߭ߊߛߌߦߐ߲ ߞߏߡߎ߳ߣ ߘߍ߬ ߙߋߖ߭ߌߦߐ߲ ߛߤߊߙߊߦߍ߲ߣ" (ߏ.ߛߋ. ߍߙ.ߍߛ). ߏ߬ ߟߋ߬ ߞߏߛߐ߲߬ ߘߍ߲ߒߖߘߍߟߊ ߕߊ߬ߣߍ߲ ߸ ߡߏߘߌߓߏ߬ ߞߋߕߊ߬ ߕߌ߲߬ ߦߴߊ߬ ߞߊ߬ߟߊߡߊ߬ ߞߏ߫ ߞߐ߰ߘߎ߯ ߘߎ߰ߞߘߐ߬ߟߊ߫ ߢߊ߯ߛߊ߲ߣߍ߲ߓߊ ߟߋ߬ ߣߊ߲߬ߝߟߏ߬ߡߊ߬ߝߋ߲ ߠߎ߬ ߟߊ߫ ߸ ߞߏ߬ߣߵߊ߬ ߕߎ߲߬ ߕߴߛߋ߫ ߝߟߐ߫ ߟߊ߫ ߦߋ߲߬ ߠߊߓߊ߯ߙߊ߫ ߟߊ߫ ߝߏ߫ ߊ߬ ߦߋ߫ ߛߐ߰߰ ߞߊ߲ߓߍ߲߫ ߞߎߘߊ ߟߌߟߌ߲ ߠߎ߬ ߟߊߖߌ߰ ߟߋ߬ ߡߊ߬ ߡߎߣߎ߲߬ ߞߵߊ߬ ߓߊ߲ߓߊ߲߫ ߞߏߛߓߍ߫ ߞߊ߬ߡߊߛߐ߬ߘߐ߲߬ ߊ߬ ߕߌ߲߬ ߞߊ߬ ߕߌ߰ߞߘߐ ߥߊ߬ߣߌ߲߬ߞߋ ߟߐ߲߫ ߊ߬ ߞߏߢߊ ߘߐ߫ ߕߌ߯ߕߌ߯ ߸ ߞߏ߬ߣߌ߲߬ ߓߊߏ߬ ߊ߬ߟߋ ߝߣߊ߫ ߥߊ߬ߣߌ߲߬ߞߋ ߟߐ߲ߣߍ߲߫ ߕߘߍ߬ ߥߙߎߣߍߦߟߊ߫ ߞߘߐ߫ ߝߊ߲߬ߞߊ߬ߡߊ ߓߟߏ߫ ߡߍ߲ߞߍ߭ ߊ߬ߟߎ߫ ߞߊ߬ ߝߙߍ߬ ߞߍ߫ ߞߵߊ߬ߟߋ ߟߊߗߌߙߏ߲߫ ߞߊ߬ߝߏ߬ ߖߊ߲ߛߏ߲ ߛߐ߲ߞߐߟߐ߲ߧߊ ߘߐ߫ ߝߊߙߌ߲ ߡߎߛߊ߫ ߕߙߊߥߟߋ߫ ߣߴߊ߬ ߘߍ߬ߢߐ߲߮ ߠߎ߬ ߓߟߏ߫ ߸ ߏ߬ ߟߋ߬ ߞߏߛߐ߲߬ ߡߎߛߊ߫ ߕߙߊߥߟߋ߫ ߡߊ߫ ߛߎߛߋ߫ ߡߊ߬ߟߌ ߟߊ߫ ߥߙߎߞߌ ߓߊ߯ߙߊ߫ ߛߌ߫ ߞߍ ߟߊ߫ ߸ ߓߵߊ߬ ߞߵߊ߬ ߟߐ߲߫ ߞߴߏ߬ ߕߍߣߊ߬ ߓߍ߲߬ ߠߴߊ߬ ߟߊ߫ ߗߋߝߊ ߝߊ߬ߙߊ߲߬ߛߌ߫ ߡߊ߬.ߞߊ߲ߕߌ߯ ߞߘߐ ߊߟߌߝߊ߫ ߎߡߊߙߎ߫ ߞߏ߬ߣߊ߬ߙߋ߬ ߝߣߊ߫ ߞߵߊ߬ ߞߍ߫ ߡߎߛߊ߫ ߕߙߊߥߟߋ߫ ߕߊ ߞߍߢߊ ߡߊ߬ ߸ ߏ߬ ߟߋ ߡߊ߬ ߸ ߊ߬ߟߎ߫ ߛߌ߫ ߡߴߊ߬ߟߎ߫ ߖߍ߬ߘߍ ߓߌ߬ߟߊ߫ ߞߐ߰ߘߎ߮ ߘߎ߰ߞߘߐ߬ ߣߊ߲߬ߝߟߏ߬ߞߏ ߢߊߢߌߣߌ߲ ߘߐ߫ ߜߘߍߞߍ߫ ߡߊߞߕߏ߫ ߊ߬ߟߎ߬ ߞߊߣߊ߬ ߓߌ߬ߟߊ߬ ߝߊ߬ߙߊ߲߬ߛߌ߫ ߟߊ߫.

ߊߡߊߘߎ߫ ߕߎ߬ߡߊ߬ߣߌ߲߫ ߕߎ߬ߙߋ߬ ߟߊ߫ ߞߎ߲߬ߠߊ߬ߛߌ߮ ߞߍߕߊ ߓߊ߯ߙߊ ߘߐ߫:

ߤߊ߲߯ ߂߀߀߄ ߺ ߂߀߂߅ ߟߊ߫ ߸ ߝߊߙߌ߲߫ ߊߡߊߘߎ߫ ߕߎ߬ߡߊ߬ߣߌ߲߫ ߕߎ߬ߙߋ߫ ߟߊ߫ ߞߎ߲߬ߠߊ߬ߛߌ߮ ߞߵߊ߬ ߓߟߏߘߏ߲߬ ߦߌߟߊ ߣߌ߲߬ ߓߊ߯ߙߊ ߘߐ߫ ߞߵߊ߬ ߘߐߕߟߊ߫ ߕߊߖߌ߫ ߘߋ߲ߞߓߊ߫ ߂߉ ߘߌ߫ ߸ ߞߊ߬ ߦߌߟߊ ߘߏ߫ ߘߌ߫ ߊߟߌߗ߭ߋߙߌ߫ ߡߊ߬ ߡߊ߬ߝߣߍ߬ߟߌ߬ ߓߟߏߡߊ߬، ߏ߬ ߞߍ ߝߊ߬ߙߊ߲߬ߛߌ߫ ߞߵߊ߬ ߢߊߥߎߣߎ߲ ߟߐ߬ ߊߟߌߗ߭ߋߙߌ߫ ߘߐ߫ ߞߊ߬ ߓߊ߲߫ ߞߵߊ߬ ߝߐ߫ ߊ߬ ߦߋ߫ ߞߴߊ߬ߟߋ ߞߋߟߋ߲߫ ߘߎ߲߬ߘߎ߬ߡߊ ߟߵߏ߬ ߘߌ߫ ߸ ߊߟߌߗ߭ߋߙߌ߫ ߝߣߊ߫ ߞߵߊ߬ ߢߣߊߞߊߟߊ߲߫ ߞߊ߬ ߕߊ߯ ߛߋ߫ ߌߕߊߟߌߞߊ ߟߎ߬ ߟߊ߫ ߞߏߟߊߘߍ ߘߏ߫ ߡߊ߬ ߏ߬ ߕߐ߮ ߞߏ߫ "ߌߣߌ" ߞߵߏ߬ ߛߋ߲߬ߘߏ߲߬ ߕߣߐ߬ߡߊ߬ߢߊ߰ߘߊ ߣߌ߲߬ ߘߐ߫ ߥߟߊߞߏ߫ ߊ߬ߟߋ ߞߊ߫ ߛߋ߲߬ߓߐ߫ ߊ߬ ߘߐ߫ ߸ ߞߏߟߊߘߍ ߏ߬ ߣߊ߬ߣߍ߲ ߸ ߝߊ߬ߙߊ߲߬ߛߌ߫ ߞߵߊ߬ ߖߊ߬ߛߙߋ߬ߡߊ߬ߟߊ߫ ߏ߬ ߝߣߊ߫ ߢߍ߫. ߡߊ߬ߟߌ߫ ߞߎ߲߬ߠߊ߬ߛߌ߮ ߞߊ߬ ߘߏ߫ ߝߣߊ߫ ߝߙߋ߬ ߝߊ߬ߙߊ߲߬ߛߌ߬ ߞߏߟߊߘߍ "ߕߏߕߊߟ" ߡߊ߬، ߏ߬ ߟߋ߬ ߓߍ߲߬ ߘߊ߫ ߣߊߡߎߝߊߕߐ ߟߎ߫ ߘߏ߲߭ ߡߊ߬ ߡߊ߬ߟߌ ߞߣߐ߫ ߡߊ߬ߜߐ߬ߙߐ߲߬ߞߕߐ߬ߟߌ߬ ߓߟߏߡߊ߬ ߸ ߝߊ߬ߙߊ߲߬ߛߌ߬ ߞߏߟߊߘߍ ߏ߬ ߞߵߊ߬ ߟߐ߲߫ ߞߴߊ߬ ߕߍߣߊ߬ ߛߋ߫ ߟߊ߫ ߡߊ߬ߟߌ߫ ߞߐ߰ߘߎ߯ ߕߣߐ߬ߓߐ߫ ߟߴߊ߬ ߣߍߡߊ߬ ߣߊߡߎߝߊߕߐ ߏ߬ ߟߎ߬ ߢߣߊ߫ ߡߍ߲ߞߍ߭ ߝߊ߬ߙߊ߲߬ߛߌ߫ ߝߣߊ߫ ߞߊ߬ ߞߕߊߙߌ߬ ߡߊߞߟߌ߫ ߞߵߏ߬ ߟߎ߫ ߛߋ߲߬ߘߏ߲߬ ߞߏߢߊ ߘߐ߫ ߡߊߞߕߏ߫ ߊ߬ߟߎ߬ ߞߊߣߊ߬ ߓߣߐ߬ ߊ߬ߟߎ߬ ߟߊ߫ ߣߊ߲߬ߝߟߏ߫ ߡߎ߬ߛߞߊ߬ߣߍ߲ ߘߐ߫ ߣߊߡߎ߲ߝߊߕߐ ߟߎ߬ ߓߟߏ߫، ߡߊ߲߬ߘߋ߲߫ ߛߊ߲߬ߘߊ ߦߴߊ߬ ߝߐ߫ ߟߴߏ߬ ߟߋ ߛߎ߮ ߡߊ߬ ߞߏ߫ "ߣߌ߫ ߘߏ߫ ߟߊ߫ ߓߊ߬ ߡߊ߫ ߝߊ߰ ߸ ߘߏ߫ ߟߊ߫ ߣߊ߫ ߕߍ߫ ߘߌߦߊ߫. ߏ߬ ߞߐ߫ ߸ ߡߊ߬ߟߌ߫ ߓߘߍ߬ߓߘߍ߬ߟߌ߬ߟߊ ߟߎ߫ ߖߍ߬ߘߍ ߞߵߊ߬ ߕߐ߭ ߘߐߕߟߴߊ߬ߟߎ߬ ߣߌ߫ ߢߐ߲߮ ߕߍ߫ ߛߌߣߍ߬ߛߊ߫. ߊ߬ ߘߏ߲߬ ߘߋ߲߬ߞߊ߬ ߞߋߟߋ߲ ߘߐߛߏߘߏ߲ߜߊߟߌ (ߞߵߊ߬ ߍߛߔߎߟߊߕߋ߫) ߡߎ߬ߛߊ߬ߞߊ ߦߋ߫ ߓߍ߲߬ ߠߊ߫ ߘߟߊ߫ ߞߋ߲߬ߥߟߎ߫ ߗߡߍ߬ ߣߌ߫ ߓߌߟߏ߯ߟߎ߫ (߁߅߀ .߀߀߀ ߀߀߀) ߟߋ ߡߊ߬ ߸ ߥߊߘߌ ߛߎ߮ ߏ߬ ߛߋ߫ ߕߍ߫ ߊ߲ߠߎ߬ ߟߊ߫ ߓߘߍ߬ߓߘߍ߬ߟߌ߬ߟߊ ߟߎ߬ ߦߋ߫ ߡߍ߲ߞߍ߭ ߸ ߊ߬ߟߎ߬ ߓߍ߯ ߞߵߊ߬ߟߎ߫ ߥߟߌ߬ ߊ߬ߟߎ߫ ߣߌ߬ߦߙߐ߬ߛߓߍ ߟߎ߬ ߘߌ߫ ߞߊ߬ ߥߴߏ߬ ߟߎ߫ ߝߙߋ߬ ߋߙߐߔ ߞߏߟߊߘߍ ߟߎ߫ ߡߊ߬ ߞߵߏ߬ ߥߊߘߌ߫ ߓߌ߬ߟߵߊ߬ߟߎ߫ ߞߎ߲߬ ߞߵߊ߬ߟߎ߫ ߛߌ߰ ߊ߬ߟߎ߬ ߘߊߞߘߎ ߡߊ߬ ߛߌߣߍ߲߬ ߜߘߎ߫ ߸ ߓߊ ߣߴߊ߬ ߡߊ߫ ߢߊ߬ ߞߏ߫ ߝߊ߬ߙߊ߲߬ߛߌ߫ ߘߌߣߊ߬ ߡߊ߬ߟߌ ߓߙߐߕߐ߫ ߊ߬ ߘߎ߰ߞߘߐ߬ ߣߊ߲ߝߟߏ ߞߊ߲ߡߊ߬ ߸ ߊ߬ߟߎ߫ ߞߏ߬ߣߌ߲߬ ߓߘߊ߫ ߓߊ߲߫ ߊ߬ߟߎ߬ ߕߊ ߛߐ߬ߘߐ߲߬ ߠߊ߫ ߞߊ߬ ߓߊ߲߫،ߞߎߡߊ ߏ߬ ߟߊߒߡߊ ߜߍߘߐߕߊ ߦߋ߫ ߡߍ߲ ߘߌ߫: ߟߏ߲ ߺ ߟߏ߲߫ ߸ ߣߊ߲߬ߕߌ߮ ߟߎ߬ ߦߋ߫ ߛߌ߬ߛߍ߬ߘߋ߲߬ߣߍ߲߬ ߝߊ߰ ߟߊ߫ ߦߏ߫ ߣߊ߲߬ߒߕߊ߲ ߠߎ߬ ߖߐ߯ߙߊ߲ߒߕߊ߲ߧߊ ߘߝߊߣߍ߲ ߘߐ߫ ߸ ߘߎ߱ ߟߎ߬ ߝߣߊ߫ ߦߋ߫ ߕߋ߭ ߞߊ߲߬ ߞߊ߬ ߘߋ߲ߣߍ߲ ߠߎ߬ ߣߌ߫ ߡߛߏ߬ ߞߣߐߡߊ ߟߎ߬ ߛߌ߬ߛߍ߬ߣߍ߲߬ ߞߊ߲ߠߊߕߍ߯، ߡߐ߰ ߛߌ߫ ߕߍ߫ ߞߎߡߊ߫ ߡߊ߬ߞߟߐ ߟߎ߬ ߘߐ߫ ߸ ߏ߬ ߞߎ߲߭ ߠߋ߬ ߓߊߏ߬ ߡߌ߬ߙߌ߲߬ߘߌ ߟߋ߬ ߓߘߊ߫ ߖߊ߲߬ߝߊ߬ ߞߣߐߟߊ ߣߌ߫ ߞߐߞߊ߲ߠߊ ߓߍ߯ ߘߐ߫ ߞߋߟߋ߲ߘߌ߫.

ߡߊ߬ߟߌ ߓߘߍ߬ߓߘߍ߬ߟߌ߬ߟߊ ߟߎ߬ ߟߊ߫ ߡߊߙߊ߲ߛߊߟߌ߫ ߝߎߙߎ߲ߞߎߟߌ ߞߎ߲߭:

ߏ߬ ߟߋ ߡߊ߬ ߸ ߌ ߘߌ߫ ߓߘߍ߬ߓߘߍ߬ߟߌ߬ߟߊ ߟߎ߬ ߦߋ߫ ߓߐ߫ ߟߊ߫ ߞߊ߬ ߡߊߙߊ߲ߛߊߟߌ߫ ߝߎߙߎ߲ߞߎߟߌ߫ ߕߊ߯ߡߊ ߟߎ߬ ߞߍ߫ ߸ ߞߏ߬ߣߵߊ߬ߟߎ߬ ߛߌ߫ ߕߍ߫ ߛߎߛߋ߫ ߟߊ߫ ߞߊ߬ ߘߏ߫ ߝߐ߫ ߝߊ߬ߙߊ߲߬ߛߌ߫ ߡߊ߬ ߥߟߊ߫ ߞߊ߬ ߞߎߡߊ߫ ߞߌ߬ߘߊ߬ߟߌ߬ ߞߏ ߞߊ߲߬ ߹߹߹ ߡߊ߲߬ߘߋ߲߫ ߛߊ߲߬ߘߊ ߘߏ߫ ߞߊ߲߫ ߞߏ߫ "ߓߌ߬ߢߍ߬ ߞߟߊ߬ ߢߌ߬ߣߌ߲߬ߠߊ ߖߍ߬ߘߍ ߟߋ߬ ߛߋ߲߭ ߟߊߣߍ߲߫ ߓߌ߬ߢߍ߬ ߞߟߊ ߞߊ߲߬ ߸ ߏ߬ ߦߋߕߐ߫ ߘߌ߬؟؟؟ ߏ߬ ߘߐ߫ ߡߊ߬ߟߌ߫ ߖߎ߮ ߟߐ߲ߣߍ߲߫ ߠߋ߬. ߡߌ߬ߙߌ߲߬ߘߌ ߟߋ߬ ߞߊ߫ ߞߊ߲߫ ߞߵߊ߬ ߛߍ߬ߓߍ ߦߌ߬ߘߴߊ߬ ߛߍ߲ߓߍ ߟߊ߫ ߸ ߓߊ ߡߌ߬ߙߌ߲߬ߘߌ ߟߋ߬ ߞߋߟߋ߲߫ ߘߌ߫ ߛߋ߫ ߡߊ߬ߟߌ߫ ߓߐ߫ ߟߊ߫ ߝߙߞߋߢߊ߫ ߛߎ߮ ߣߌ߲߬ ߘߐ߫.

ߡߊ߬ߟߌ ߞߐ߰ߘߎ߮ ߣߊ߲߬ߝߟߏ ߓߐߖߎ:

ߊߟߎ߫ ߦߴߊ߬ ߡߊߝߍߣߍ߫ ߞߍ߬ ߸ ߞߎ߰ߘߐ߯ ߣߊ߲߬ߝߟߏ߬ߡߊ߬ ߦߌߟߊ ߓߊߖߎ ߟߋ߬ ߞߌ߬ߘߊߟߌ߬ ߘߌ߫ ߸ ߞߍ߬ߟߍ ߝߣߊ߯ ߦߋ߲߬ ߠߋ߬ ߸ ߒ߬ߞߊ߬ ߝߊ߬ߙߊ߲߬ߛߌ߫ ߦߴߊ߬ ߞߊ߲߬ ߞߵߊ߬ ߓߊ߲ߓߊ߲߫ (ߍߡ.ߣߋ.ߟߊ.) ߞߊ߲߬ ߞߎ߲߬ ߞߋߟߋ߲ ߣߌ߲߬ ߠߋ߬ ߟߊ߫: ߊ߬ߟߎ߬ ߦߴߊ߬ ߞߊ߲߬ ߞߵߊ߬ߟߎ߫ ߖߘߍ߬ ߞߍ߫ ߍߡ.ߣߋ.ߟߊ. ߡߞߊߘߊ߲ߠߊ ߣߴߊ߬ ߡߊߞߊ߲ߞߊ߲ߠߊ ߘߌ߫ ߞߊ߬ ߡߊߟߌ ߘߐߕߟߊߞߊ߲ ߞߍ߫߸ ߞߴߊ߬ߟߎ߬ ߦߋ߫ ߞߣߍ ߢߌߣߌ߲ ߞߊ߲߬ ߍߡ.ߣߋ.ߟߊ. ߦߋ߫ ߸ ߞߵߊ߬ ߞߴߏ߬ ߘߐ߫ ߛߊ߫ ߦߏ߫ ߡߊ߬ߟߌ ߟߋ߬ ߞߵߊ߬ ߓߊ߲߬ ߊ߬ ߘߋ߲ ߘߏ߫ ߟߎ߫ ߘߐ߫ ߥߟߴߊ߬ ߓߘߊ߫ ߖߐ߬ߒ߬ߡߊ߬ߦߊ ߤߊߡߊ߲ߕߍ߫ ߛߌߦߊߥߟߏߡߊ ߞߎ߲߬ߟߐ߬ ߞߌ߬ߘߊߟ ߓߙߎ߬ߘߊ߬ߡߍ߬ ߓߐ߲ߛߐ߲ ߠߎ߬ ߟߊ߫ ߸ ߏ߬ ߘߐ߫ ߊ߬ߟߎ ߘߌ߫ ߞߍ߫ ߘߎߢߊ߫ ߢߊߞߘߐ߫ ߦߏ߫ ߕߐ߬ߢߍ߬ߣߍ߲ ߟߊߝߛߊߟߊ ߟߎ߬.

ߝߊ߬ߙߊ߲߬ߛߌ߫ ߖߍ߬ߘߍ ߟߋ߬ ߞߊ߬ ߡߋ߬ߘߋ ߞߍ߫ ߊ߬ߟߎ߬ ߟߊ߫ ߖߡߊ߬ߣߊ߬ ߘߐ߬ߕߟߊ߬ߟߊ ߞߙߐߛߌ ߟߎ߬ ߟߊ߫؟؟؟

ߟߊߒߡߊ߫ ߛߎߘߎ߲߫ ߜߘߍ߫ ߟߋ߬ ߕߎ߲߯ ߣߌ߲߬: ߛߏߣߍ߲ ߘߏ߫ ߦߋ߫ ߞߊ߬ߕߌ߬ ߞߕߐ߫ ߞߏ߫ ߓߊ߬ߞߙߐ߬ߓߊ߬ߓߎ߯ ߸ ߕߊߖߌ߫ ߘߋ߲ߞߊ ߡߍ߲ ߠߎ߫ ߦߋ߫ ߕߋ߲߬ ߣߌ߫ ߒ ߞߵߊ߬ߟߎ߫ ߖߌ߬ߦߊ߬ߓߍ ߦߌ߬ߘߵߊߟߎ߫ ߟߊ߫ ߛߍ߲߫ ߸ ߏ߬ ߞߟߎߞߕߎ߫ (ߓߑߟߐߞ) ߇߲ ߣߌ߫ ߞߟߎߞߕߎ߫ (ߓߑߟߐߞ) ߂߅߲ ߟߋ߬ ߡߊ߬ߟߌ߫ ߓߘߍ߬ߓߘߍ߬ߟߌ߬ߟߊ߫ ߊ߬ߟߌ߫ ߓߊߘߊ߬ߙߊ߫ ߟߋ߬ ߕߊ ߘߌ߫ ߸ ߘߏ߫ ߟߋ߬ ߕߘߍ߬ ߦߴߊ߬ ߞߊ߲߬ ߞߊ߬ ߛߏ߯ߙߋߟߌ (ߝߏߙߊߗ߭ߌ) ߛߋ߲߬ ߊ߬ ߟߊ߫ ߦߌߟߊ ߏ߬ ߘߐ߫ ߦߋ߲߬ ߸ ߞߎ߲߰ߛߎ߲ (ߐߞߛߑߗ߭ߍߣ) ߔߌߦߐߔߌߦߐ ߟߋ߬ ߓߐ߫ ߘߴߏ߬ ߘߋ߲߬ߞߊ ߛߋ߲߬ߕߐ ߘߐ߫ ߸ ߞߎ߲߰ߛߎ߲ %߉߈ ߸ ߏ߬ ߡߊ߫ ߦߋ߫ ߖߡߊ߬ߣߊ߬ ߛߌ߫ ߞߣߐ߫ ߡߎߣߎ߲߬ ߣߌ߫ ߡߊ߬ߟߌ߫ ߞߋߟߋ߲߫ ߕߍ߫ ߸ ߤߊߟߌ߬ ߊ߬ ߓߙߍ߬ߦߊ ߘߊ߲߬ ߖߐ߲ߖߐ߲߫ ߟߐ߲ߣߍ߲߫ ߕߍ߫ ߸ ߒ߬ߞߊ߬ ߏ߬ ߦߋ߫ ߘߊ߫ ߊ߬ߟߌ߫ ߓߊߘߊ߬ߙߊ߫ ߟߊ߫ ߦߌߟߊ ߡߍ߲ ߘߐ߫ ߸ ߊ߬ߟߋ ߞߋߟߋ߲߫ ߘߎ߲߬ߘߎ߲߬ߡߊ ߟߴߏ߬ ߘߌ߫ ߸ ߞߵߊ߬ ߕߘߍ߬ ߘߏ߲߬ ߣߴߏ߬ ߕߘߍ߬ ߓߐ߫ ߟߊ߫ ߝߘߏ߬ߓߊ߬ ߓߟߏߡߊ߬ ߡߊ߬ߟߌ߬ߞߊ ߓߍ߯ ߕߐ߯ ߘߐ߫ ߸ ߡߊ߬ߟߌ߬ߞߊ ߟߎ߬ ߟߊ߫ ߢߐߡߍߛߙߊ ߕߘߍ߬ ߦߋ߫ ߓߍ߲߬ ߠߊ߫ ߕߊߡߊ߲߫ ߁߀ (ߘߙߐߡߍ ߂) ߔߋ߫ ߟߋ߬ ߡߊ߬ ߸ ߞߏ߬ߣߵߏ߬ ߦߋ߫ ߡߐ߰ ߞߋߟߋ߲ ߠߋ߬ ߘߎ߲߬ߘߎ߬ߡߊ߬ߦߊ ߟߊ߫ ߸ ߏ߬ ߓߘߴߏ߬ ߞߍ߫ ߟߋ߬ߡߎ߬ߣߎ߲߬ߓߊ ߘߌ߫ ߞߵߊ߬ ߓߍ߲߬ ߊ߬ ߟߊ߫ ߟߎ ߡߊ߬ ߸ ߡߌ߬ߙߌ߲߬ߘߌ ߦߴߊ߬ ߞߊ߲߬ ߞߊ߬ ߛߊ߬ ߞߐ߲ߞߐ ߣߌ߫ ߖߊ߲߬ߞߊߙߏ ߓߟߏ߫ ߸ ߊ߬ߝߐ߫ ߞߍߞߏߖߎ߯ߦߊ ߘߌ߫ ߕߊ߬ߡߌ߲߬ ߏ߬ ߞߊ߲߬؟ ߸ ߘߎ߲߬ߘߎ߲߬ߡߊ߬ߦߊ߬ ߞߊ߲ߞߋߦߊߖߎ߮ ߣߌ߲߬ ߠߋ߬ ߞߊ߫ ߞߊ߲߫ ߞߊ߬ ߡߊߝߊ߬ߟߋ߲߬ ߝߘߏ߬ߓߦߊ߬ ߞߊ߲ߞߋߦߊ߫ ߛߊߣߌ߲ ߠߊ߫ ߸ ߡߊ߬ߟߌ߫ ߡߌ߬ߙߌ߲߬ߘߌ ߟߋ߬ ߞߊ߫ ߞߊ߲߫ ߞߵߊ߬ ߟߊ߫ ߤߊߞߍ ߛߍ߬ߘߏ߲߬ ߞߍ߫ ߸ ߏ߬ ߘߐ߫ ߊ߲ ߡߊ߲߫ ߞߊ߫ ߞߊ߬ ߕߊ߯ ߕߎ߲ߞߊ߲ ߠߊ߫ ߛߐ߱ߣߊ߬ߝߙߍ߫ ߞߊ߬ ߕߊ߯ ߛߊ߬ ߖߌ ߘߐ߫ ߞߵߊ߬ ߕߘߍ߬ ߛߐ߬ߘߐ߲ ߓߊߖߎ ߓߍ߯ ߦߋ߫ ߒ߬ ߓߘߊ ߘߐ߫ ߸ ߊ߬ ߕߎ߬ߡߊ ߓߘߊ߫ ߛߋ߫ ߡߊ߬ߟߌ߫ ߝߎߣߎ߲ߞߋ ߟߎ߬ ߦߴߊ߬ߟߎ߫ ߢߊ ߡߊߞߊ߬ ߕߋ߲߬ ߛߌߣߍ߲߬. ߝߣߊ߫ ߸ ߞߊ߬ ߞߐ߲߬ ߂߀߁߃ ߞߊ߲ߕߌ߯ ߢߣߊߕߊߟߌ ߢߍ߫ ߡߊ߬ߟߌ߫ ߟߊ߫ ߸ ߥߊ߬ߛߌ߬ߥߙߊ߬ ߞߊߙߏ ߘߐ߫ ߸ ߞߏ߬ߞߏ߫ ߝߊ߬ߙߊ߲߬ߛߌ߫ ߡߊ߬ߞߊ߲߬ߞߊ߲߬ߠߌ ߞߏߕߌ߮ ߕߊ߯ ߘߊ߫ ߍߛߌߔߊߢ ߡߊ߬ߞߊ߲߬ߞߊ߲߬ߠߌ ߞߏߕߌ߮ ߕߘߍ߬ ߸ ߊ߬ߟߎ߫ ߕߊ߬ߡߌ߲߬ ߘߊ߫ ߛߣߋ߬ߜ߭ߊߟߌ ߝߍ߬ ߞߊ߬ ߣߊ߬ ߡߊ߬ߟߌ߫ ߟߊ߫ ߸ ߊ߬ߟߎ߫ ߣߊ߬ߣߍ߲ ߞߊ߬ ߘߟߊ ߞߋ߲߬ߥߟߎ߬ ߓߌߛߓߊ߬ ߣߌ߫ ߟߏ߯ߟߎ߫ (߃߅.߀߀߀߀߀߀߀) ߟߊߓߌ߬ߟߊ߬ ߖߐ߲߬ߞߎ߲ߕߊ߫ ߕߙߊߥߟߋ߫ ߦߋ߫ ߸ ߥߟߊߞߏ߫ ߡߊ߬ߟߌ߫ ߣߊ߲߬ߕߌ߮ ߟߎ߬ ߞߊ߫ ߛߋ߫ ߞߌ߬ߘߊߟ ߕߌ߲߬ߞߎߘߎ߲ ߘߐ߫. ߏ߬ ߘߐ߫ ߊ߬ߟߎ߫ ߞߊ߬ ߕߊߖߌ߫ ߘߋ߲߬ߞߊ ߘߏ߫ ߘߌ߫ ߍߛߑߔߊߢ ߝߣߊ߫ ߡߊ߬. ߏ߬ ߟߋ߬ ߦߴߊ߬ ߦߌ߬ߘߊ߬ ߟߊ߫ ߜߍ ߘߐ߫ ߞߏ߫ ߓߘߍ߬ߓߘߍ߬ߟߌ߬ߟߊ ߟߎ߫ ߟߋ߬ ߞߊ߬ ߡߊ߬ߟߌ߫ ߖߊ߲߬ߝߊ߬ ߸ ߏ߬ ߘߐ߫ ߊ߬ߟߎ߫ ߟߋ߬ ߡߊ߬ߟߌ߫ ߖߎ߮ ߟߎ߬ ߘߌ߫ ߸ ߡߌ߬ߙߌ߲߬ߘߌ ߟߋ߬ ߞߊ߫ ߞߊ߲߫ ߞߵߊ߬ ߢߊ ߟߊߞߊ߬ ߞߵߊ߬ ߕߊ߯ ߛߌߟߊ ߛߎߥߊ߲ߘߌ߫.

ߥߋ߯ߟߋߞߊ߲ ߡߊ߬ߟߌ ߡߌ߬ߙߌ߲߬ߘߌ ߡߊ߬:

ߏ߬ ߘߐ߫ ߒ ߧߋ߫ ߥߟߋߟߌ߫ ߞߊ߲ ߡߍ߲ ߠߊߛߋ߫ ߟߊ߫ ߡߊ߬ߟߌ߫ ߡߌ߬ߙߌ߲߬ߘߌ ߡߊ߬ ߸ ߊߟߎ߫ ߦߴߊߟߎ߫ ߘߐߓߍ߲߬ ߊ߲ ߓߍ߯ ߦߋ߫ ߒ߬ ߥߟߌ߬ ߞߋߟߋ߲ߘߌ߫ ߞߊ߬ ߕߊ߯ ߞߌ߬ߘߊߟ ߸ ߊ߲ ߝߊ߬ߛߏ ߦߌߟߊ ߘߏ߫ ߟߋ߬ ߸ ߊ߲ ߓߊ߯ ߘߏ߲߬ ߟߏߟߊ߲ ߠߎ߬ ߓߍ߯ ߘߌ߫ ߥߴߊ߬ߟߎ߬ ߓߘߊ ߸ ߊ߲ ߝߣߊ߫ ߘߴߊ߲ ߛߌ߰ ߛߌߣߍ߬ ߞߵߊ߲ ߠߊ߫ ߖߡߊ߬ߣߊ߫ ߡߙߊ߬ߞߊ߲ ߣߴߊ߬ ߡߙߊ߬ߢߊ ߝߐ߫ ߒ߬ ߢߐ߲߮ ߦߋ߫. ߌߛߊ߫ ߛߌ߬ߛߋ߫ ߓߟߏ߫ ߝߊ߬ߙߊ߲߬ߛߌ߫، ߝߊ߬ߓߘߊ߬ߟߊ߲߬ߘߌ߫ ߖߓߊ߬ߕߍ߫ ߟߊ߫ ߘߕߐ߬ߡߐ߲ߠߌ ߣߴߊ߬ ߟߊ߫ ߛߓߍߦߊߟߌ ߣߴߊ߬ ߟߊ߫ ߟߊ߬ߖߍ߲߬ߛߍ߲߬ߠߌ߲ ߠߋ߬ ߸ ߣߎߥߊߞߌߛߐߕ ߡߙߎߕߊߣߌ߫ ߞߊ߲ߓߍ߲ ߸ ߊߟߎ߫ ߣߌ߫ ߢߊߦߋߟߌ߫ ߞߏߢߌߡߊ߲߫. ߊ߬ ߛߓߍ߫ ߘߊ߫ ߞߎ߬ߣߎ߲߬ߟߏ߲ ߂߀߁߉ ߣߍߣߍߓߊ ߂߇ ߸ ߞ.ߜ: ߇߈߄ ߞߊ߬ ߓߍ߲߬ ߂߂:߁߈ ߣߌ߫ ߡߊ߰ߙߌ߬ ߝߎߣߎ߲ߛߋ߫ ߘߌ߬ߢߍ߬ ߘߊ߫ ߸ ߊ߲ ߘߌߣߊ߬ ߞߎߡߊ߫ ߌߛߊ߫ ߛߌ߬ߛߋ߫ ߟߌ߬ߤߟߊ ߞߊ߲߬ ߕߎ߬ߡߊ߬ ߜߘߍ߫.