ߡߊ߬ߟߌ߬ߓߊ

[[File:|left|thumb|300px|ߡߊ߬ߟߌ߬ߓߊ : ߡߊ߲߬ߘߋ߲߬ ߖߡߊߣߊ ߡߍ߲ ߞߵߊ߬ ߕߐ߮ ߕߊ߬.]] ߡߊ߬ߟߌ߫ ߦߋ߫ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߖߡߊߣߊ ߘߏ߫ ߟߋ߬ ߘߌ߫߸ ߡߍ߲ ߠߊߞߘߎ߬ߣߍ߲߫ ߛߌ߰ߢߐ߲߰ ߛߌߦߊߡߊ߲߫ ߠߊ߫߸ ߖߋ߬ߟߌ߬ߓߊ߬ߘߎ߯ ߦߴߊ߬ ߕߟߋ߬ߓߐ߫߸ ߛߣߍ߬ߞߊ߯ߟߌ߫ ߦߴߊ߬ ߕߟߋ߬ߓߋ߫߸ ߖߌ߬ߣߍ߫ ߦߴߊ߬ ߕߟߋ߬ߓߐ ߥߙߏ߬ߘߎ߮ ߘߐ߫߸ ߊߟߌߖ߭ߋߙߌ ߣߌ߫ ߡߏߙߊߕߊߣߌ߫ ߦߴߊ߬ ߞߐ߰ߘߎ߮ ߘߐ߫ ߸ ߞߘߏߥߊߙߌ߫ ߣߌ߫ ߓߙߎߞߌߣߊ߫ ߝߊ߬ߛߏ߫ ߦߴߊ߬ ߥߙߏ߬ߘߎ߮ ߘߐ߫. ߊ߬ ߜߎ߲ߞߎ߲ ߡߍ߲ ߞߊ߫ ߖߊ߲߬ ߊ߬ ߝߊ߲߭ ߓߍ߯ ߘߌ߫ ߸ ߏ߬ ߟߋ ߤߐ߲ߓߐߙߌ߫ ߕߐ߲ߘߐ߫ ߘߌ߫߸ ߏ߬ ߦߋ߫ ߜߟߊ߬ߜߟߊ߫ ߁߁߅߅ ߟߋ߬ ߘߌ߫߸ ߝߊ߬ߙߊ߲߬ߛߌ߬ ߟߊ߫ ߖߡߊ߬ߣߊ߬ ߡߊߜߐ߬ߙߐ߲߬ߞߕߐ߬ߣߍ߲߬ ߞߘߐ ߘߏ߫ ߟߋ߬߸ ߊ߬ ߕߐ߯ ߕߘߍ߬ ߟߋ߬ ߏ߬ ߞߎ߲߬ߕߊ߮ ߞߘߐ߫ ߞߏ߫ ߝߊ߬ߙߊ߲߬ߛߌ߫ ߛߎ߬ߘߊ߲߫߸ ߊ߬ ߣߊ߬ ߘߊ߫ ߞߍ߫ ߘߍ߲ߒߖߘߍߟߊ ߘߌ߫ ߁߉߆߀ ߟߊ߫ ߞߊ߬ ߓߡߊ߬ߞߐ߫ ߞߍ߫ ߊ߬ ߞߎߓߋߘߊ ߘߌ߫߸ ߡߐ߬ ߂ ߂߀߉ ߂߂߅ ߕߘߍ߬ ߏ߬ ߞߣߐ߫ ߂߀߀߉ ߟߊ߫.

ߘߐ߬ߝߐ: ߡߊ߬ߟߌ߫ ߦߋ߫ ߖߡߊ߬ߣߊ߫ ߓߣߊ߬ߦߊ߬ߣߍ߲߬ߓߊ߫ ߟߋ߬ ߘߌ߫ ߘߐ߬ߝߐ ߕߊ߫ ߓߟߏߡߊ߬ .ߓߍ߯ ߡߍ߲ ߞߊ߬ߟߊߡߊ߬ ߝߊߦߌߘߊ߫߸ ߝߊ߲߰ߡߟߊ߬ ߟߏ߯ߟߎ߫ ߞߊ߬ߣߌ߲߫ ߥߟߊ߫ ߡߊ߲߬ߛߟߊ߬ ߟߏ߯ߟߎ߫߸ ߡߍ߲ ߠߎ߫ ߕߎ߲߰ ߘߊ߫ ߢߐ߲߮ ߠߊ߫ ߘߐ߬ߝߐ ߞߎ߲߬ߕߊ߮ ߘߐ߫ ߝߙߍߕߍߕߍ߫߸ ߦߏ߫ ߢ߭ߊ߬ߣߊ߫ ߡߊ߲߬ߛߊ߬ߟߊ ߥߟߊ߫ ߥߊ߰ߘߎ߬߸ ߡߊ߲߬ߘߋ߲߫ ߡߊ߲߬ߛߊ߬ߟߊ߸ ߛߐ߲ߢ߭ߊߢߌ߫ ߡߊ߲߬ߛߊ߬ߟߊ߸ ߛߋߜ߭ߎ߫ ߓߡߊߣߊ߲߫ ߡߊ߲ߛߟߊ߸ ߊ߬ ߣߌ߫ ߡߊߛߌߣߊ߫ ߝߌߟߊ߫ ߡߊ߲ߛߟߊ. ߝߊ߬ߙߊ߲߬ߛߌ ߟߊ߫ ߞߍ߬ߟߍ ߥߓߊ߬ ߞߍ ߞߏߛߐ߲߬ ߁߈߈߃ ߟߊ߫߸ ߡߊ߬ߟߌ߫ ߣߊ߬ ߘߊ߫ ߗߌߙߏ߲߫ ߝߊ߬ߙߊ߲߬ߛߌ߬ ߟߊ߫ ߡߊ߬ߜߐ߬ߙߐ߲߬ߞߕߐ߬ߟߌ ߖߐ߭ ߟߊ߫ ߛߎ߬ߘߊ߲߬ ߝߊ߬ߙߊ߲߬ߛߌ߬ ߕߐ߮ ߘߌ߫. ߞߏ߲ߞߏߘߓߌ ߕߟߋ߬ ߄ ߺ ߁߉߅߉ ߟߊ߫߸ ߛߣߍ߬ߞߊ߯ߟߌ߫ ߣߌ߫ ߝߊ߬ߙߊ߲߬ߛߌ߫ ߛߎ߬ߘߊ߲߬ ߞߊ߬ߝߏ߬ ߘߊ߫ ߢߐ߲߮ ߞߊ߲߬ ߞߊ߬ ߞߍ߫ ߡߊ߬ߟߌ߫ ߞߙߎߝߊ ߘߌ߫߸ ߏ߬ ߡߍ߲ ߞߵߊ߬ ߟߊ߫ ߘߍ߲ߖߘߍߟߦߊ ߛߐ߬ߘߐ߲߬ ߥߊ߬ߛߌߥߊ߬ߙߊ ߕߋ߬ߟߋ߫ ߂߀ ߺ ߁߉߆߀ ߟߊ߫. ߝߏ߫ ߞߊߙߏ߫ ߝߌ߬ߟߊ߫ ߖߊ߬ߣߍ߲߬ ߞߐ߫ ߣߌ߫ ߛߣߍ߬ߞߊ߯ߟߌ ߣߊ߬ ߘߴߊ߬ ߛߋ߲߬ߓߐ߫ ߞߙߎߝߊ ߏ߬ ߘߐ߫ ߞߵߊ߬ ߟߊ߫ ߘߍ߲ߖߘߍߟߦߊ ߟߊߥߊ߲߬ߞߊ߫. ߝߊ߬ߙߊ߲߬ߛߌ߫ ߛߎ߬ߘߊ߲߬ ߝߣߊ߫ ߞߵߏ߬ ߟߋ ߞߍ߫ ߊ߬ ߟߊ߫ ߘߍ߲ߖߘߍߟߦߊ ߟߊߥߊ߲߬ߞߊ߲ ߘߌ߫ ߕߎߟߊߝߌ߲ ߕߋ߬ߟߋ߫ ߂߂ ߺ ߁߉߆߀ ߟߊ߫ ߡߏߘߌߓߐ߬ ߞߋߕߊ߬ ߟߊ߫ ߢߍߓߊ߯ߦߊ߫ ߢߌߡߊ ߛߘߊ߫ ߘߐ߫߸ ߞߵߏ߬ ߞߍ߫ ߊ߬ ߝߛߊ߬ߣߍ߲ ߘߌ߫ ߡߊ߲߬ߘߋ߲߬ ߞߘߐ߬ߓߊ ߊߙߊߓߎ߫ ߘߐߛߙߋ߫ ߕߐ߮ ߡߊߟߌ߫ ߡߊ߬ ߖߡߊ߬ߣߊ ߕߐ߯ ߞߏ ߘߐ߫߸ ߞߵߏ߬ ߞߍ߫ ߊ߬ ߘߎ߲߬ߘߎ߬ߡߊ߬ ߕߐ߮ ߘߌ߫ ߡߎ߬ߕߎ߲߬ ߞߎߘߊߌ߫.

߁߉߆߈ ߠߊ߫߸ ߞߊ߬ߝߏ߬ ߖߊߛߏ߲ ߞߍ߫ ߘߊ߫ ߡߏߘߌߓߐ߬ ߞߋߕߊ߬ ߟߊ߫ ߣߊ߲߬ߕߌ߰ ߞߙߎ ߘߏ߫ ߓߟߏ߫ ߡߎߛߊ߫ ߕߙߊߥߙߋ߫ ߟߊ߫ ߢߍߓߊ߯ߦߊ ߟߊ߫߸ ߏ߬ ߡߍ߲ ߣߊ߬ߣߍ߲߬ ߞߍ߫ ߟߊ߫ ߖߊߟߌߞߦߊߟߊ ߓߟߋ߬ߓߟߋ ߘߌ߫. ߞߟߍ߬ߕߌ߯ ߊߡߊߘߎ߫ ߕߎߡߊߣߌ߫ ߕߎ߬ߙߋ߬ ߝߣߊ߫ ߟߋ߬ ߞߊ߬ ߞߊ߬ߝߏ߬ ߖߊߛߏ߲ ߞߍ߫ ߊ߬ߟߋ߬ ߟߊ߫ ߁߉߉߁ ߠߊ߫߸ ߞߵߏ߬ ߞߍ߫ ߕߟߋ߬ߝߌ߬ߟߊ߬ߣߍ߲߬ ߡߙߊ ߖߎ߬ߕߍ߰ߣߍ߲ ߘߌ߫ ߓߍ߯ߦߊ ߖߎ߬ߓߌ߬ߟߊ߬ ߞߊ߲ߡߊ߬ ߖߡߊ߬ߣߊ ߞߣߐ߫ ߖߡߊ߬ߣߊ߬ߘߋ߲ ߠߊ߫ ߢߣߊߕߊߟߌ ߛߌߟߊ ߝߍ߬߸ ߞߊ߬ ߊߟߌߝߊ߫ ߎߡߊߙߎ߫ ߞߎ߬ߣߊ߬ߙߋ߬ ߛߎߥߊ߲ߘߌ߫ ߏ߬ ߘߐ߫ ߁߉߉߂ ߟߊ߫߸ ߞߣߵߊ߬ ߛߎߥߊ߲ߘߌ߫ ߁߉߉߇ ߝߣߊ߫ ߟߊ߫ ߕߎ߲߯ߣߌ߫.

߂߀߀߂ ߟߋ߬ ߟߊ߫߸ ߊߡߊߘߎ߫ ߕߎߡߊߣߌ߲߫ ߕߎ߬ߙߋ߬ ߡߍ߲ ߞߵߊ߬ ߛߋ߲߬ߓߐ߫ ߣߊ߲߬ߕߌ߰ߦߊ ߘߐ߫ ߊ߬ ߖߘߍ߬ ߓߐ߫ ߞߊ߲ߡߊ߬ ߞߊ߲ߕߌ߯ߦߊ ߞߐ߫߸ ߏ߬ ߛߎߥߊ߲ߘߌ߫ ߘߊ߫ ߡߊ߬ߟߌ߫ ߞߊ߲ߕߌ߯ߦߊ ߟߊ߫ ߞߎߘߊߞߍ߫ ߂߀߀߇ ߟߊ߫߸ ߏ߰ ߕߏ߫ ߘߊ߫ ߖߡߊ߬ߣߊ ߞߎ߲߬ߠߊ߬ ߤߊ߲߯ ߞߐߘߐ߲߫ ߝߍ߫ ߞߟߍ ߥߌ߬ߟߌ. ߢߍߡߌߘߊ߫ ߤߊ߯ߦߊ߫ ߛߊ߬ߣߞߏ߬ ߝߣߊ߫ ߞߊ߬ ߞߊ߬ߝߏ߬ ߖߊߛߏ߲ ߞߍ߫ ߊ.ߕ.ߕ ߟߊ߫ ߞߊ߬ ߞߊߙߏ߫ ߘߊ߲ߘߐ߫ ߕߏ߫ ߊ߬ ߟߊ߫ ߟߐ߬ߒ߬ߗߋ߬ߟߊ ߓߊ߲ ߠߊ߫ ߂߀߁߂ ߟߊ߫. ߞߐߘߐ߲ߝߍ߫ ߞߟߍ ߡߊ߫ ߓߊ߲߫ ߸ ߌߓߎߙߊߤߌߡ ߓߎߓߞߊߙ ߞߋߕߊ߬ ߣߊ߬ ߘߊ߫ ߛߎߥߊ߲ߘߌ߫ ߞߵߊ߬ ߞߍ߫ ߞߊ߲ߕߌ߮ ߘߌ߫ ߂߀߁߃ ߟߊ߫. ߏ߬ ߟߋ ߦߋ߫ ߞߊ߲ߕߌ߯ߦߊ ߟߊ߫ ߤߊߟߌ߬ߓߌ߬. .

ߓߘߍ߬ߓߘߍ߬ߟߌ:

ߞߎ߬ߙߎ߲߬ߘߎ߬ߛߋ߲ ߝߐ߰ߝߍ߬ߦߊ߬ߣߍ߲߹ ߡߊ߬ߟߌ ߓߘߍ߬ߓߘߍ߬ߟߌ

ߡߊ߬ߟߌ߫ ߦߋ߫ ߞߊ߲ߓߍ߲ ߠߋ߬ ߘߌ߫ ߞߎߡߊߞߍߓߏ߲߫ ߞߋߟߋ߲ߡߊ ߦߋ߫ ߡߍ߲ ߓߟߏ߫ ،ߟߥߊ߬ߟߌ߬ߟߌ ߛߋߓߊ߯ߦߊ ߦߋ߫ ߞߊ߲ߕߌ߮ ߟߋ߬ ߓߟߏ߫ ߸ ߊ߬ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߛߊ߬ߙߌ߬ߦߊ߬ߦߊ ߛߋߓߊ߯ߦߊ ߦߋ߫ ߝߊ߬ߛߏ߬ ߜߙߊ ߟߋ߬ ߓߟߏ߫ ، ߞߕߌ߫ ߝߊ߲ߞߊ ߓߍ߯ ߘߐ߫ ߢߍߕߊ ߟߋ߬ ߛߊ߲ߘߐ߫ ߞߕߌߖߌ߲ ߘߌ߫، ߡߊ߬ߟߌ߫ ߞߊ߲ߕߌ߮ ߟߋ߬ ߡߊ߬ߟߌ߬ߞߊ ߟߎ߬ ߟߊ߫ ߖߡߊ߬ߣߊ ߘߊ߲߬ߞߙߐ߬ߓߊ ߘߌ߫ ߞߊ߬ߓߌ߯ ߊ߬ ߘߍ߲ߖߘߍߟߦߊ߫ ߕߎߡߊ ߞߊ߬ ߓߐ߫ ߝߊ߬ߙߊ߲߬ߛߌ߫ ߝߍ߬ ߁߉߆߀ ߟߊ߫.

   ߡߏߘߌߓߐ߬ ߞߋߕߊ߬ ߁߉߆߀ ߟߊ߫

   ߞߟߍ߬ߕߌ߯ ߡߎߛߊ߫ ߕߙߊߥߙߋ߫ ߁߉߆߈ ߠߊ߫

   ߝߊߙߌ߲߫ ߊߡߊߘߎ߫ ߕߎߡߊߣߌ߲߫ ߕߎ߬ߙߋ߫ ߁߉߉߁ ߠߊ߫

   ߊߟߌߝߊ߫ ߎߡߊߙߎ߫ ߞߎ߬ߣߊ߬ߙߋ߫ ߁߉߉߂ ߟߊ߫߸ ߞߵߊ߬ ߛߌߥߊ߲ߘߌ߫ ߕߎ߲߯ ߁߉߉߇ ߟߊ߫

   ߝߊߙߌ߲߫ ߊߡߊߘߎ߫ ߕߎߡߊߣߌ߲߫ ߕߎ߬ߙߋ߫ ߂߀߀߂ ߟߊ߫߸ ߞߵߊ߬ ߛߎߥߊ߲ߘߌ߫ ߂߀߀߇ ߞߏ߲ߞߏߘߓߌ ߕߋ߬ߟߋ߫ ߉߂ ߢߣߊߕߊߟߌ ߝߍ߬ % ߇߀،߈߈ ߞߊ߬ ߟߊ߫ ߢߐ߲߰ ߠߊ߫ ߁ ߆߂߂ ߅߇߉ ߘߐ߫߸ ߊ߬ ߢߐ߲߰ ߢߣߊߕߊߡߐ߯ ߇ ߝߍ߬.

ߊߡߊߘߎ߫ ߕߎ߬ߡߊ߬ߣߌ߲߫ ߕߎ߬ߙߋ߬ ߛߎߥߊ߲ߘߌ߫ ߘߊ߫ ߛߊ߲߬ ߟߏ߯ߟߎ߫ ߞߎ߲߬ߕߊ߰ ߜߘߍ߫ ߞߊ߲ߡߊ߬ ߕߎ߲߯.